Nehemia 11:1-36
-
Hu dovha ha dzuliwa Yerusalema (1-36)
11 Vharangaphanḓa vha vhathu vho vha vha tshi dzula Yerusalema;+ fhedzi vhaṅwe vhathu vhoṱhe vha ita madeṅwa+ uri muthu muthihi kha vha fumi a ye a dzule Yerusalema, muḓini mukhethwa, ngeno vhaṅwe vha ṱahe vho vha vha tshi dzula kha miṅwe miḓi.
2 Zwiṅwe hafhu, vhathu vha khoḓa vhanna vhoṱhe vhe vha nanga u ya u dzula Yerusalema nga u tou ḓifunela.
3 Vhenevho vho vha vhe vharangaphanḓa vha vundu* vha dzulaho Yerusalema. (Vhaṅwe Vhaisiraele vhoṱhe, vhotshifhe, Vhalevi, vhashumi vha thembeleni*+ na vharwa vha vhashumeli vha Salomo,+ vho vha vha tshi dzula kha miṅwe miḓi ya Yuda, muṅwe na muṅwe a tshi dzula muḓini wawe.+
4 Vhaṅwe vhathu vha Yuda na vha Benyamini vho vha vha tshi dzula Yerusalema.) Kha vhathu vha Yuda ho vha hu Athaya murwa wa Usia, murwa wa Sakaria, murwa wa Amaria, murwa wa Shefatia, murwa wa Mahalalele na vharwa vha Perese,+
5 na Maaseya murwa wa Baruki, murwa wa Kolohose, murwa wa Hasaya, murwa wa Adaya, murwa wa Yoyaribi, murwa wa Sakaria, murwa wa Mushela.
6 Vharwa vhoṱhe vha Perese vha dzulaho Yerusalema vho vha vhe vhanna vha 468 vha re na vhukoni.
7 Vhathu vha Benyamini vho vha vhe: Salu+ murwa wa Meshulamu, murwa wa Yoede, murwa wa Pedaya, murwa wa Koloya, murwa wa Maaseya, murwa wa Ithiele, murwa wa Yeshaya,
8 a tevhelwa nga Gabai na Salai, vho vha vhe 928;
9 na Yoele murwa wa Sikiri mulavhelesi wavho na Yuda murwa wa Hasenua mulavhelesi wa vhuvhili wa muḓi.
10 Kha vhotshifhe ho vha hu: Yedaya murwa wa Yoyaribi, Yakini,+
11 Seraya murwa wa Hilikia murwa wa Meshulamu murwa wa Tsadoko murwa wa Merayothe murwa wa Ahitobo,+ murangaphanḓa wa nnḓu* ya Mudzimu wa ngoho,
12 vhahavho vhe vha ita mushumo wa nḓuni vho vha vhe 822; na Adaya murwa wa Yerohamu, murwa wa Pelalia, murwa wa Amatsi, murwa wa Sakaria, murwa wa Phashuri,+ murwa wa Malakia,
13 na vhahawe, vharangaphanḓa vha miṱa ya vhokhotsi vho vha vhe 242; na Amashai murwa wa Azariele, murwa wa Ahasai, murwa wa Mesilemothe, murwa wa Imere,
14 na vhahavho vhe vha vha vhe vhanna vha maanḓa na tshivhindi, vho vha vhe 128; mulavhelesi wavho o vha e Sabadiele, muraḓo wa muṱa wa vhaḓivhalea.
15 Kha Vhalevi ho vha hu: Shemaya+ murwa wa Hasubu, murwa wa Asirikamu, murwa wa Hasabia, murwa wa Buni,
16 na Shabathai+ na Yosabada,+ vharangaphanḓa vha Vhalevi, vhane vha langa mushumo wa nnḓa ha nnḓu ya Mudzimu wa ngoho;
17 na Mathanya+ murwa wa Mika, murwa wa Sabadi, murwa wa Asafu+ muimbisi, we a vha a tshi ranga phanḓa musi hu tshi rendiwa nga tshifhinga tsha thabelo,+ na Bakabukia we a vha e wa vhuvhili kha vhahawe, na Abida murwa wa Shamua, murwa wa Galali, murwa wa Yeduthuni.+
18 Vhalevi vhoṱhe vha muḓini mukhethwa vho vha vhe 284.
19 Vhalindakhoro vho vha vhe Akubu, Talamoni,+ vhahavho vhane vha linda dzikhoro, vho vha vhe 172.
20 Vhaṅwe Vhaisiraele vhoṱhe, vhotshifhe na Vhalevi vho vha vhe miḓini yoṱhe ya Yuda, muṅwe na muṅwe o vha o dzula hayani hawe.*
21 Vhashumi vha thembeleni*+ vho vha vha tshi dzula Ofele,+ ngeno Tsiha na Gisipa vho vha vha tshi langa vhashumi vha thembeleni.*
22 Mulavhelesi wa Vhalevi ngei Yerusalema o vha e Usi murwa wa Bani murwa wa Hasabia murwa wa Mathanya+ murwa wa Maika, wa vharwa vha Asafu, vhone vhaimbi; o vha a tshi langa mushumo wa nnḓu ya Mudzimu wa ngoho.
23 Ngauri ndaela ya khosi yo vha i tshi katela ndugiselelo dze vhaimbi vha itelwa dzone u ya nga ṱhoḓea dzavho+ dza ḓuvha ḽiṅwe na ḽiṅwe.
24 Phethaya murwa wa Mesesabiele wa lushaka lwa Zera murwa wa Yuda o vha e mueletshedzi wa khosi* kha mafhungo oṱhe a vhathu.
25 Vhaṅwe vhathu vha Yuda vho vha vha tshi dzula miḓini yavho; vha tshi dzula ngei Kiriate-ariba+ na miḓanani ya nga tsini,* ngei Diboni na miḓanani ya nga tsini, ngei Yekabatsiele+ na miḓanani ya nga tsini,
26 ngei Yeshua, ngei Molada,+ ngei Bethe-pelete,+
27 ngei Hasara-suali,+ ngei Beresaba na miḓanani ya nga tsini,*
28 ngei Zikilaga,+ ngei Mehona na miḓanani ya nga tsini,*
29 ngei Eni-rimoni,+ ngei Tsora+ na ngei Yaramuthu,
30 ngei Zanoa,+ ngei Adulamu na miḓanani ya nga tsini, ngei Laxisi+ na masimu awo na ngei Aseka+ na miḓanani ya nga tsini.* Vho dzula u bva Beresaba u swika Govhani ḽa Hinomi.+
31 Vhathu vha Benyamini vho vha vha tshi dzula ngei Geba,+ Mikemasha, Aya, Bethele+ na miḓanani ya nga tsini,*
32 Anathothe,+ Nobe,+ Ananya,
33 Hatsoro, Rama,+ Githaimi,
34 Hadidi, Tseboimi, Nebalata,
35 Lodi na Ono,+ govha ḽa vhanna vha re na vhutsila.
36 Na zwiṅwe zwigwada zwa Vhalevi zwi bvaho Yuda zwo vha zwo vhudzwa uri zwi dzule kha ḽa Benyamini.
Ṱhaluso dzi re magumoni a siaṱari
^ Kana “tshiṱiriki tshi re na maanḓa.”
^ Kana “Vhanethinimu.” Thevhedz., “vho kumedzwaho.”
^ Kana “thembele.”
^ Kana “kha ifa ḽawe.”
^ Kana “Vhanethinimu.” Thevhedz., “vho kumedzwaho.”
^ Kana “Vhanethinimu.” Thevhedz., “Vho kumedzwaho.”
^ Thevhedz., “o vha e tshanḓa tsha khosi.”
^ Kana “yo u tangaho.”
^ Kana “yo u tangaho.”
^ Kana “yo u tangaho.”
^ Kana “yo u tangaho.”
^ Kana “yo u tangaho.”
