Numeri 24:1-25
24 Musi Bileamu a tshi vhona uri Yehova u a takalela hu tshi fhaṱutshedzwa Isiraele, ho ngo tsha dovha a ṱuwa uri a ye a dzumbululelwe maṱula-khombo,+ fhedzi o lavhelesa thungo ya sogani.
2 Musi Bileamu a tshi lavhelesa a vhona Vhaisiraele vho atha madennde u ya nga tshaka dzavho,+ muya wa Mudzimu wa ḓa khae.+
3 A amba hoyu mulaedza a ri:+
“Khezwi zwine Bileamu murwa wa Beoro a zwi amba,Zwi ambiwaho nga muthu we maṱo awe a bonyoloswa,
4 Hu amba we a pfa zwe Mudzimu a amba,We a vhona bono ḽa Ramaanḓaoṱhe,We a gwadama maṱo awe o bonyolowa:+
5 Madennde au o naka lungafhani, iwe Yakobo,
Madennde au makhethwa,* iwe Isiraele!+
6 Dzo ṱanḓavhuwa+ sa magovha,*U fana na tsimu dzi re tsini na mulambo,U fana na zwikhopha zwe Yehova a zwi ṱavha,U fana na miṱaululo i re tsini ha maḓi.
7 Maḓi a ḓo elela a tshi bva kha midzio yawe mivhili ya mukumba,Mbeu* yawe yo zwalwa tsini na maḓi manzhi,+Khosi+ yawe i ḓo fhira Agagi,+Muvhuso wawe u ḓo vha muhulu.+
8 Mudzimu u khou mu pfulusa Egipita;Khavho u tou nga ṋanga dza ṋari.
U ḓo fhelisa dzitshaka, vhatsikeledzi vhawe,+U ḓo vunḓekanya marambo avho, a vha pfula nga misevhe yawe.
9 O shuvhama sa ndau,U fana na ndau, ndi nnyi ane a nga mu vusa?
Vhane vha u fhaṱutshedza vha a fhaṱutshedzwa,Vhane vha u sema vha a semiwa.”+
10 Balaka a sinyutshela Bileamu. Balaka a vhanda zwanḓa zwawe a tshi goḓa, a amba na Bileamu a ri: “Ndo vha ndo u vhidzela uri u seme maswina anga,+ zwino iwe wo a fhaṱutshedza luraru.
11 Zwino i ya hayani nga u ṱavhanya. Ndo vha ndo ḓiimisela u u hulisa zwihulu,+ Yehova o ita uri u si tsha huliswa.”
12 Bileamu a amba na Balaka a ri: “Naa a tho ngo amba na vhaḓinḓa vhau vhe wa vha ruma nda ri:
13 ‘Naho Balaka o vha a tshi nga nṋea nnḓu yawe yo ḓala nga siḽiva na musuku, ndo vha ndi nga si kone u ita zwiṅwe zwithu nga nnḓa ha zwe Yehova a mmbudza zwone, hu sa londwi uri ndi zwavhuḓi kana a si zwavhuḓi. Ndi ḓo amba zwiṅwe na zwiṅwe zwine Yehova a mmbudza zwone’?+
14 Zwino ndi khou ya kha vhathu vhahashu. Iḓa ndi u eletshedze zwine avha vhathu vha ḓo zwi ita kha vhathu vhau tshifhingani tshi ḓaho.”*
15 A amba hoyu mulaedza a ri:+
“Khezwi zwine Bileamu murwa wa Beoro a zwi amba,Zwi ambiwaho nga muthu we maṱo awe a bonyoloswa,+
16 Hu amba we a pfa zwe Mudzimu a amba,Ane a vha na nḓivho i bvaho kha Wa-Ṱaḓulu-ṱaḓulu,We a vhona bono ḽa RamaanḓaoṱheWe a gwadama o bonyolosa maṱo:
17 Ndi ḓo mu vhona, fhedzi hu si zwino;Ndi ḓo mu vhona, fhedzi hu si nga u ṱavhanya.
Ṋaledzi+ i ḓo bva kha Yakobo,Lubaḓa+ lwa vhuhosi lu ḓo bva kha Isiraele.+
U ḓo kwashekanya thembele dza Moaba+U ḓo kwashekanya madethele a vharwa vhoṱhe vha dzinndwa.
18 Ḽa Edomo ḽi ḓo vha ḽawe,+Seiri+ ḽi ḓo vha ḽa maswina awe,+Hone Isiraele ḽi ḓo sumbedza u vha na tshivhindi.
19 Hu ḓo kunda+ ane a bva kha Yakobo,U ḓo fhelisa ane a ponyoka muḓini.”
20 Musi a tshi vhona Amaleke, a bvela phanḓa na mulaedza wawe a ri:
“Amaleke o vha e wa u thoma kha dzitshaka,+Fhedzi mafheleloni u ḓo fheliswa.”+
21 Musi a tshi vhona Vhakeni,+ a bvela phanḓa na mulaedza wawe a ri:
“Hune wa dzula hone wo tsireledzea, wo fhaṱa kha tombo ḽihulu.
22 Fhedzi muṅwe muthu u ḓo fhisa muḓi wa Kene.
Hu ḓo fhela tshifhinga tshingafhani musi Asuri a sa athu u u isa vhuthubwani?”
23 A bvela phanḓa na mulaedza wawe a ri:
“Khombo! Ndi nnyi ane a ḓo ponyoka musi Mudzimu a tshi ita zwenezwi?
24 Hu ḓo ḓa zwikepe zwi tshi bva khunzi-khunzini ya Khithimi,+Zwi ḓo tambudza Asuri,+Zwi ḓo tambudza Ebere.
Fhedzi na ene u ḓo fheliswa tshoṱhe.”
25 Nga murahu ha zwenezwo, Bileamu+ a takuwa a vhuyelela hayani. Balaka na ene a ṱuwa.
Ṱhaluso dzi re magumoni a siaṱari
^ “Ndi dennde ḽa vhurabeli ḽine ḽa hwalea ḽe ḽa vha ḽi tshi shumiswa nga Vhaisiraele; nga zwiṅwe zwifhinga ḽo vha ḽi tshi vhidzwa ‘dennde ḽa muṱangano.’”
^ Kana “miedzi.”
^ Kana “Vhana.”
^ Kana “musi maḓuvha a tshi fhela.”
