Numeri 26:1-65
-
Hu vhalwa tshaka dza Isiraele lwa vhuvhili (1-65)
26 Nga murahu ha dwadze,+ Yehova a amba na Mushe na Eliasara murwa wa tshifhe Aroni a ri:
2 “Ni vhale tshitshavha tshoṱhe tsha Vhaisiraele u bva kha vha re na miṅwaha ya 20 u ya nṱha, u ya nga vha miṱa ya vhokhotsi avho, hu tshi vhalwa vhoṱhe vhane vha nga vha kha mmbi ya Isiraele.”+
3 Mushe na tshifhe Eliasara+ vha amba na vhathu midavhini ya sogani ḽa Moaba+ tsini na Yorodane tsini na Yeriko,+ vha ri:
4 “Vhalani vhathu u bva kha vha re na miṅwaha ya 20 u ya nṱha, sa zwe Yehova a laya Mushe.”+
Vharwa vha Isiraele vhe vha bva shangoni ḽa Egipita vho vha vhe:
5 Rubeni,+ tanzhe ḽa Isiraele; vharwa+ vha Rubeni vho vha vhe: Hanoxe wa muṱa wa Vhahanoxe; Palu wa muṱa wa Vhapalu;
6 Hetsironi wa muṱa wa Vhahetsironi; Karami wa muṱa wa Vhakarami.
7 Heyi yo vha i miṱa ya Vharubeni, tshivhalo tsha vho ṅwaliswaho tsho vha tshi 43 730.+
8 Murwa wa Palu o vha e Eliaba.
9 Vharwa vha Eliaba vho vha vhe: Nemuele, Dathani na Abiramu. Dathani na Abiramu ndi vhone vho nangwaho tshitshavhani, vhe vha lwa na Mushe+ na Aroni vhe na tshigwada tsha Kora,+ musi tshi tshi lwa na Yehova.+
10 Ḽifhasi ḽa vulea ḽa vha mila. Huno Kora a fa na vhatikedzi vhawe musi mulilo u tshi fhisa vhanna vha 250.+ Vho vha tsumbo i sevhaho.+
11 Naho zwo ralo, vharwa vha Kora a vho ngo fa.+
12 Vharwa vha Simioni+ u ya nga miṱa yavho vho vha vhe: Nemuele wa muṱa wa Vhanemuele; Yamini wa muṱa wa Vhayamini; Yakini wa muṱa wa Vhayakini;
13 Zera wa muṱa wa Vhazera; Shaulo wa muṱa wa Vhashaulo.
14 Ndi yone miṱa ya Vhasimioni: vho vha vhe 22 200.+
15 Vharwa vha Gada+ u ya nga miṱa yavho vho vha vhe: Tsefoni wa muṱa wa Vhatsefoni; Hagi wa muṱa wa Vhahagi; Shuni wa muṱa wa Vhashuni;
16 Osini wa muṱa wa Vhaosini; Eri wa muṱa wa Vhaeri;
17 Arode wa muṱa wa Vhaarode; Areli wa muṱa wa Vhaareli.
18 Heyi yo vha i miṱa ya vharwa vha Gada: vho ṅwaliswaho vho vha vhe 40 500.+
19 Vharwa vha Yuda+ vho vha vhe Ere na Onana.+ Naho zwo ralo, Ere na Onana vho fela shangoni ḽa Kanana.+
20 Vharwa vha Yuda u ya nga miṱa yavho vho vha vhe: Shela+ wa muṱa wa Vhashela; Perese+ wa muṱa wa Vhaperese; Zera+ wa muṱa wa Vhazera.
21 Vharwa vha Perese vho vha vhe: Hetsironi+ wa muṱa wa Vhahetsironi; Hamulu+ wa muṱa wa Vhahamulu.
22 Heyi yo vha i miṱa ya Yuda, vho ṅwaliswaho vho vha vhe 76 500.+
23 Vharwa vha Isashari+ u ya nga miṱa yavho vho vha vhe: Thola+ wa muṱa wa Vhathola; Puva wa muṱa wa Vhapuni;
24 Yashubu wa muṱa wa Vhayashubu; Shimironi wa muṱa wa Vhashimironi.
25 Heyi yo vha i miṱa ya Vhaisashari, vho ṅwaliswaho vho vha vhe 64 300.+
26 Vharwa vha Sebuloni+ u ya nga miṱa yavho vho vha vhe: Serede wa muṱa wa Vhaserede; Eloni wa muṱa wa Vhaeloni; Yahalele wa muṱa wa Vhayahalele.
27 Heyi yo vha i miṱa ya Vhasebuloni, vho ṅwaliswaho vho vha vhe 60 500.+
28 Vharwa vha Yosefa+ u ya nga miṱa yavho vho vha vhe Manase na Efuraimi.+
29 Vharwa vha Manase+ vho vha vhe: Maxiri+ wa muṱa wa Vhamaxiri. Maxiri o beba Giḽiada;+ Giḽiada wa muṱa wa Vhagiḽiada.
30 Havha vho vha vhe vharwa vha Giḽiada: Yetsere wa muṱa wa Vhayetsere; Heleke wa muṱa wa Vhaheleke;
31 Asiriele wa muṱa wa Vhaasiriele; Shikeme wa muṱa wa Vhashikeme;
32 Shemida wa muṱa wa Vhashemida; Hefere wa muṱa wa Vhahefere.
33 Tselopahada murwa wa Hefere o vha a si na vharwa, o vha e na vhananyana fhedzi,+ vhenevho vhananyana vha Tselopahada+ vho vha vhe Mahala, Noaxe, Hogola, Milika na Thiritsa.
34 Heyi yo vha i miṱa ya Manase, vho ṅwaliswaho vho vha vhe 52 700.+
35 Havha vho vha vhe vharwa vha Efuraimi+ u ya nga miṱa yavho: Shuthela+ wa muṱa wa Vhashuthela; Bekere wa muṱa wa Vhabekere; Thahani wa muṱa Vhathahani.
36 Havha vho vha vhe vharwa vha Shuthela: Erani wa muṱa wa Vhaerani.
37 Heyi yo vha i miṱa ya vharwa vha Efuraimi, vho ṅwaliswaho vho vha vhe 32 500.+ Havha vho vha vhe vharwa vha Yosefa u ya nga miṱa yavho.
38 Vharwa vha Benyamini+ u ya nga miṱa yavho vho vha vhe: Bela+ wa muṱa wa Vhabela; Ashibele wa muṱa wa Vhaashibele; Ahiramu wa muṱa wa Vhaahiramu;
39 Shefufami wa muṱa wa Vhashefufami; Hufama wa muṱa wa Vhahufama.
40 Vharwa vha Bela vho vha vhe Arede na Naemani:+ Arede wa muṱa wa Vhaarede; Naemani wa muṱa wa Vhanaemani.
41 Havha vho vha vhe vharwa vha Benyamini u ya nga miṱa yavho, vho ṅwaliswaho vho vha vhe 45 600.+
42 Havha vho vha vhe vharwa vha Dani+ u ya nga miṱa yavho: Shuhama wa muṱa wa Vhashuhama. Heyi yo vha i miṱa ya Dani u ya nga miṱa yavho.
43 Vha miṱa yoṱhe ya Vhashuhama ya vho ṅwaliswaho, vho vha vhe 64 400.+
44 Vharwa vha Ashere+ u ya nga miṱa yavho vho vha vhe: Imina wa muṱa wa Vhaimina; Ishivi wa muṱa wa Vhaishivi; Beria wa muṱa wa Vhaberia;
45 vharwa vha Beria vho vha vhe: Hebere wa muṱa wa Vhahebere; Malikiele wa muṱa wa Vhamalikiele.
46 Ṅwananyana wa Ashere o vha a tshi pfi Sera.
47 Heyi yo vha i miṱa ya vharwa vha Ashere, vho ṅwaliswaho vho vha vhe 53 400.+
48 Vharwa vha Nafutali+ u ya nga miṱa yavho vho vha vhe: Yagesele wa muṱa wa Vhayagesele; Guni wa muṱa wa Vhaguni;
49 Yezere wa muṱa wa Vhayezere; Shilemu wa muṱa wa Vhashilemu.
50 Heyi yo vha i miṱa ya Nafutali u ya nga miṱa yavho, vho ṅwaliswaho vho vha vhe 45 400.+
51 Tshivhalo tsha Vhaisiraele vho ṅwaliswaho tsho vha tshi hetshi: 601 730.+
52 Nga murahu ha zwenezwo, Yehova a amba na Mushe a ri:
53 “U vha kovhele shango uri ḽi vhe ifa ḽavho u ya nga madzina avho.+
54 Arali tshigwada tshi tshihulwane, u engedze ifa,+ arali tshi tshiṱuku, u fhungudze ifa ḽavho. Tshigwada tshiṅwe na tshiṅwe tshi ṋewe ifa ḽi tshimbidzanaho na tshivhalo tsha vho ṅwaliswaho.
55 Naho zwo ralo, shango ḽi kovhekanywe nga madeṅwa.+ Vha wane ifa ḽavho u ya nga madzina a tshaka dza vhokhotsi avho.
56 Ifa ḽiṅwe na ḽiṅwe ḽi ḓo kovhekanywa nga madeṅwa, kha tshigwada tshihulwane na tshiṱuku.”
57 Vho ṅwaliswaho kha Vhalevi+ u ya nga miṱa yavho vho vha vhe: Gerisoni wa muṱa wa Vhagerisoni; Kehati+ wa muṱa wa Vhakehati; Merari wa muṱa wa Vhamerari.
58 Heyi yo vha i miṱa ya Vhalevi: muṱa wa Libini,+ muṱa wa Vhaheburoni,+ muṱa wa Vhamahali,+ muṱa wa Vhamushi,+ muṱa wa Vhakora.+
Kehati o beba Amuramu.+
59 Mufumakadzi wa Amuramu o vha a tshi pfi Yoxebeta,+ ṅwananyana wa Levi, we a bebelwa Levi ngei Egipita. Nga murahu ha tshifhinga Yoxebeta a bebela Amuramu vhana. Vho vha vhe Aroni, Mushe na Miriamu+ khaladzi avho.
60 Aroni a beba Nadaba, Abihu, Eliasara na Ithamara.+
61 Fhedzi Nadaba na Abihu vho fa nga nṱhani ha u ṋekedza mulilo u songo tendelwaho phanḓa ha Yehova.+
62 Vho ṅwaliswaho vho vha vhe 23 000, vhanna vhoṱhe, u bva kha vhatukana vhe re na ṅwedzi muthihi u ya nṱha.+ Ngauri vho vha vha songo ṅwaliswa vhukati ha Vhaisiraele,+ ngauri vho vha vha sa ḓo ṋewa ifa vhukati ha Vhaisiraele.+
63 Havha ndi vhe vha ṅwaliswa nga Mushe na tshifhe Eliasara musi vha tshi ṅwalisa Vhaisiraele midavhini ya sogani ḽa Moaba tsini na Yorodane tsini na Yeriko.
64 Vhukati havho ho vha hu si na we a ṅwaliswa nga Mushe na tshifhe Aroni musi hu tshi vhalwa Vhaisiraele ngei sogani ḽa Sinai.+
65 Ngauri Yehova o vha o vha vhudza uri: “Vha ḓo fela sogani.”+ Ngauralo, a ho ngo sala munna na muthihi nga nnḓa ha Kalebe murwa wa Yefune na Yoshua murwa wa Nunu.+
