Numeri 29:1-40
29 “‘Nga ṅwedzi wa vhusumbe nga ḓuvha ḽa u thoma ḽa ṅwedzi, ni vhe na muṱangano mukhethwa. Ni songo shuma mushumo naho u ufhio u lemelaho.+ Ḽi vhe ḓuvha ḽa u lidza phalaphala.+
2 Ni ṋekedze mbohwana nthihi, thutha nthihi na ngwana dza nduna dza sumbe, iṅwe na iṅwe i vhe i na ṅwaha muthihi, dzoṱhe dzi vhe dzi sa lwali sa tshifhiwa tsha u fhiswa uri zwi nukhelele kha Yehova,
3 na tshifhiwa tshazwo tsha thoro tsha fuḽauru tsekene yo ṱanganyiswaho na mapfura, zwipiḓa zwiraru kha zwa fumi kha mboho, zwipiḓa zwivhili kha zwa fumi kha thutha,
4 na tshipiḓa tshithihi kha zwa fumi kha ngwana iṅwe na iṅwe ya nduna kha ngwana dza nduna dza sumbe,
5 na tshibudzana tshithihi tsha tshibokoṱo sa tshifhiwa tsha u pfumelela tshivhi uri tshi vhe tshipfumelelo tshaṋu.
6 Zwenezwi zwi ḓo engedza kha tshifhiwa tsha u fhiswa tsha ṅwedzi muṅwe na muṅwe na tshifhiwa tshatsho tsha thoro+ na tshifhiwa tsha u fhiswa tsha misi yoṱhe na tshifhiwa tshatsho tsha thoro,+ khathihi na zwifhiwa zwazwo zwa u nwiwa,+ u ya nga maitele azwo o ḓoweleaho, sa tshifhiwa tsha u fhiswa uri tshi nukhelele kha Yehova.
7 “‘Nga ḓuvha ḽa vhufumi ḽa ṅwedzi wa vhusumbe ni vhe na muṱangano mukhethwa,+ ni ḓidzime. Ni songo shuma mushumo naho u ufhio.+
8 Ni ṋekedze mbohwana nthihi, thutha nthihi na ngwana dza nduna dza sumbe, iṅwe na iṅwe i vhe i na ṅwaha muthihi, dzoṱhe dzi vhe dzi sa lwali+ sa tshifhiwa tsha u fhiswa uri zwi nukhelele kha Yehova.
9 Sa tshifhiwa tshazwo tsha thoro tsha fuḽauru tsekene yo ṱanganyiswaho na mapfura, zwipiḓa zwiraru kha zwa fumi kha mboho, zwipiḓa zwivhili kha zwa fumi kha thutha nthihi,
10 na tshipiḓa tshithihi-tshithihi kha ngwana ya nduna iṅwe na iṅwe kha ngwana dza nduna dza sumbe,
11 u katela na tshibudzana tshithihi tsha tshifhiwa tsha u pfumelela tshivhi, nga nnḓa ha tshifhiwa tsha u pfumelela+ tshivhi tsha tshipfumelelo na tshifhiwa tsha u fhiswa tsha misi yoṱhe na tshifhiwa tshatsho tsha thoro na tshifhiwa tshatsho tsha u nwiwa.
12 “‘Nga ḓuvha ḽa vhu 15 ḽa ṅwedzi wa vhusumbe ni vhe na muṱangano mukhethwa. Ni songo shuma mushumo naho u ufhio u lemelaho, ni ḓo pembelela vhuṱambo ha Yehova maḓuvha a sumbe.+
13 Ni ṋekedze mbohwana dza 13, thutha mbili na ngwana dza nduna dza 14, iṅwe na iṅwe i vhe i na ṅwaha muthihi, dzoṱhe dzi vhe dzi sa lwali+ sa tshifhiwa tsha u fhiswa+ uri zwi nukhelele kha Yehova.
14 Sa tshifhiwa tshazwo tsha thoro tsha fuḽauru tsekene yo ṱanganyiswaho na mapfura, zwipiḓa zwiraru kha zwa fumi kha mboho iṅwe na iṅwe kha mboho dza 13, zwipiḓa zwivhili kha zwa fumi kha thutha iṅwe na iṅwe kha thutha mbili,
15 na tshipiḓa tshithihi kha zwa fumi kha ngwana ya nduna iṅwe na iṅwe kha ngwana dza nduna dza 14,
16 u katela na tshibudzana tshithihi tsha tshifhiwa tsha u pfumelela tshivhi, nga nnḓa ha tshifhiwa tsha u fhiswa tsha misi yoṱhe, tshifhiwa tshatsho tsha thoro na tshifhiwa tshatsho tsha u nwiwa.+
17 “‘Nga ḓuvha ḽa vhuvhili ni ṋekedze mbohwana dza 12, thutha mbili na ngwana dza nduna dza 14 dzi re na ṅwaha muthihi, dzoṱhe dzi vhe dzi sa lwali,+
18 na tshifhiwa tshazwo tsha thoro na tshifhiwa tshazwo tsha u nwiwa u itela mboho, thutha na ngwana dza nduna u ya nga tshivhalo tshadzo hu tshi tevhedzwa maitele a misi yoṱhe,
19 u katela na tshibudzana tshithihi tsha tshifhiwa tsha u pfumelela tshivhi, nga nnḓa ha tshifhiwa tsha u fhiswa tsha misi yoṱhe na tshifhiwa tshatsho tsha thoro na zwifhiwa zwazwo zwa u nwiwa.+
20 “‘Nga ḓuvha ḽa vhuraru ni ṋekedze mbohwana dza 11, thutha mbili, na ngwana dza nduna dza 14 dzi re na ṅwaha muthihi, dzoṱhe dzi vhe dzi sa lwali,+
21 na tshifhiwa tshazwo tsha thoro na tshifhiwa tshazwo tsha u nwiwa u itela mboho, thutha na ngwana dza nduna u ya nga tshivhalo tshadzo hu tshi tevhedzwa maitele a misi yoṱhe,
22 u katela na mbudzi nthihi sa tshifhiwa tsha u pfumelela tshivhi, nga nnḓa ha tshifhiwa tsha u fhiswa tsha misi yoṱhe na tshifhiwa tshatsho tsha thoro na tshifhiwa tshatsho tsha u nwiwa.+
23 “‘Nga ḓuvha ḽa vhuṋa ni ṋekedze mbohwana dza fumi, thutha mbili na ngwana dza nduna dza 14 dzi re na ṅwaha muthihi, dzoṱhe dzi vhe dzi sa lwali,+
24 tshifhiwa tshazwo tsha thoro na tshifhiwa tshazwo tsha u nwiwa u itela mboho, thutha na ngwana dza nduna u ya nga tshivhalo tshadzo hu tshi tevhedzwa maitele a misi yoṱhe,
25 u katela na tshibudzana tshithihi tsha tshifhiwa tsha u pfumelela tshivhi nga nnḓa ha tshifhiwa tsha u fhiswa, tshifhiwa tshatsho tsha thoro na tshifhiwa tshatsho tsha u nwiwa.+
26 “‘Nga ḓuvha ḽa vhuṱanu ni ṋekedze mboho dza ṱahe, thutha mbili na ngwana dza nduna dza 14 dzi re na ṅwaha muthihi, dzoṱhe dzi vhe dzi sa lwali,+
27 na tshifhiwa tshazwo tsha thoro na tshifhiwa tshazwo tsha u nwiwa u itela mboho, thutha na ngwana dza nduna u ya nga tshivhalo tshadzo hu tshi tevhedzwa maitele a misi yoṱhe,
28 u katela na mbudzi nthihi ya tshifhiwa tsha u pfumelela tshivhi, nga nnḓa ha tshifhiwa tsha u fhiswa tsha misi yoṱhe na tshifhiwa tshatsho tsha thoro na tshifhiwa tshatsho tsha u nwiwa.+
29 “‘Nga ḓuvha ḽa vhurathi ni ṋekedze mboho dza malo, thutha mbili na ngwana dza nduna dza 14 dzi re na ṅwaha muthihi, dzoṱhe dzi vhe dzi sa lwali,+
30 na tshifhiwa tshazwo tsha thoro na tshifhiwa tshazwo tsha u nwiwa u itela mboho, thutha na ngwana dza nduna u ya nga tshivhalo tshadzo hu tshi tevhedzwa maitele a misi yoṱhe,
31 u katela na mbudzi nthihi ya tshifhiwa tsha u pfumelela tshivhi, nga nnḓa ha tshifhiwa tsha u fhiswa tsha misi yoṱhe na tshifhiwa tshatsho tsha thoro na zwifhiwa zwatsho zwa u nwiwa.+
32 “‘Nga ḓuvha ḽa vhusumbe ni ṋekedze mboho dza sumbe, thutha mbili na ngwana dza nduna dza 14 dzi re na ṅwaha muthihi, dzoṱhe dzi vhe dzi sa lwali,+
33 na tshifhiwa tshazwo tsha thoro na tshifhiwa tshazwo tsha u nwiwa u itela mboho, thutha na ngwana dza nduna u ya nga tshivhalo tshadzo hu tshi tevhedzwa maitele a misi yoṱhe,
34 u katela na mbudzi nthihi ya tshifhiwa tsha u pfumelela tshivhi, nga nnḓa ha tshifhiwa tsha u fhiswa tsha misi yoṱhe, tshifhiwa tshatsho tsha thoro na tshifhiwa tshatsho tsha u nwiwa.+
35 “‘Nga ḓuvha ḽa vhumalo ni vhe na muṱangano mukhethwa. Ni songo shuma mushumo naho u ufhio u lemelaho.+
36 Ni ṋekedze mboho nthihi, thutha nthihi na ngwana dza nduna dza sumbe, iṅwe na iṅwe i vhe i na ṅwaha muthihi, dzoṱhe dzi vhe dzi sa lwali+ sa tshifhiwa tsha u fhiswa uri zwi nukhelele kha Yehova,
37 na tshifhiwa tshazwo tsha thoro na tshifhiwa tshazwo tsha u nwiwa u itela mboho, thutha na ngwana dza nduna u ya nga tshivhalo tshadzo hu tshi tevhedzwa maitele a misi yoṱhe,
38 u katela na mbudzi nthihi sa tshifhiwa tsha u pfumelela tshivhi, nga nnḓa ha tshifhiwa tsha u fhiswa na tshifhiwa tshatsho tsha thoro na tshifhiwa tshatsho tsha u nwiwa.+
39 “‘Ni ṋekedze Yehova zwenezwi vhuṱamboni+ haṋu ha ṅwaha muṅwe na muṅwe, u engedza kha zwifhiwa zwaṋu zwa muano+ na zwifhiwa zwaṋu zwa u ḓifunela+ zwi ngaho zwifhiwa zwaṋu zwa u fhiswa+ na zwifhiwa zwaṋu zwa thoro+ na zwifhiwa zwaṋu zwa u nwiwa+ na zwiṱhavhelo zwa u pfumedzana.’”+
40 Mushe a vhudza Vhaisiraele zwoṱhe zwe Yehova a mu laya zwone.
