Numeri 33:1-56
33 Heyi ndi nḓila ye vhathu vha Isiraele vha fara ngayo lwendo musi vha tshi bva shangoni ḽa Egipita+ nga zwigwada*+ zwavho vho rangwa phanḓa nga Mushe na Aroni.+
2 Mushe o vha a tshi ṅwala fhethu he vha vha vha tshi takuwa vhe hone vho laiwa nga Yehova, dzenedzi dzo vha dzi nyendo dza fhethu he vha takuwa hone vha tshi ya huṅwe:+
3 Nga ṅwedzi+ wa u thoma nga ḓuvha ḽa vhu 15 vha takuwa Ramasese.+ Nga ḽeneḽo ḓuvha nga murahu ha Paseka,+ Vhaisiraele vha tshimbila vha sa ofhi tshithu vha tshi vhonwa nga Vhaegipita vhoṱhe.
4 Nga tshenetsho tshifhinga, Vhaegipita vho vha vha tshi khou vhulunga matanzhe avho oṱhe e a vhulawa nga Yehova,+ ngauri Yehova o vha o haṱula midzimu yavho.+
5 Vhaisiraele vha takuwa Ramasese vha ya vha atha madennde ngei Sukothe.+
6 Vha takuwa Sukothe vha ya vha atha madennde ngei Ethama+ hune ha vha mukanoni wa soga.
7 Vha dovha vha takuwa Ethama, vha humela murahu thungo ya Phihaxirotha hune ha vha tsini na Baali-tsifoni,+ vha atha madennde phanḓa ha Migidolo.+
8 Nga murahu vha takuwa Phihaxirotha vha pfuka nga vhukati ha lwanzhe+ vha ya sogani,+ vha bvela phanḓa na lwendo lwa maḓuvha mararu vhe sogani ḽa Ethama+ vha ya vha atha madennde ngei Mara.+
9 Vha takuwa Mara vha ya Elima. Henefho Elima ho vha hu na zwisima zwa maḓi zwa 12 na miri ya mitshevho ya 70, vha atha madennde henefho.+
10 Vha takuwa Elima vha ya vha atha madennde thungo ha Lwanzhe Lutswuku.
11 Nga murahu, vha takuwa Lwanzheni Lutswuku vha ya vha atha madennde sogani ḽa ngei Sini.+
12 Vha takuwa sogani ḽa Sini vha ya vha atha madennde ngei Dofaka.
13 Vha takuwa Dofaka vha ya vha atha madennde ngei Alusi.
14 Vha takuwa Alusi vha ya vha atha madennde ngei Rafidima,+ henefho vhathu vho vha vha si na maḓi a u nwa.
15 Vha takuwa Rafidima vha ya vha atha madennde sogani ḽa ngei Sinai.+
16 Vha takuwa sogani ḽa Sinai vha ya vha atha madennde ngei Kibirotho-hatava.+
17 Vha takuwa Kibirotho-hatava vha ya vha atha madennde ngei Hazerote.+
18 Nga murahu vha takuwa Hazerote vha ya vha atha madennde ngei Rithima.
19 Vha takuwa Rithima vha ya vha atha madennde ngei Rimoni-perese.
20 Vha takuwa Rimoni-perese vha ya vha atha madennde ngei Libina.
21 Vha takuwa Libina vha ya vha atha madennde ngei Risa.
22 Vha dovha vha takuwa Risa vha ya vha atha madennde ngei Kehelatha.
23 Nga murahu vha takuwa Kehelatha vha ya vha atha madennde ngei Thavhani ya Sefere.
24 Nga murahu vha takuwa Thavhani ya Sefere vha ya vha atha madennde ngei Harada.
25 Vha takuwa Harada vha ya vha atha madennde ngei Makhelotha.
26 Vha dovha vha takuwa+ Makhelotha vha ya vha atha madennde ngei Thahatha.
27 Vha takuwa Thahatha vha ya vha atha madennde ngei Thera.
28 Vha takuwa Thera vha ya vha atha madennde ngei Mitika.
29 Nga murahu vha takuwa Mitika vha ya vha atha madennde ngei Hasimona.
30 Vha takuwa Hasimona vha ya vha atha madennde ngei Moserote.
31 Vha takuwa Moserote vha ya vha atha madennde ngei Bene-yakani.+
32 Vha takuwa Bene-yakani vha ya vha atha madennde ngei Horo-hagidigada.
33 Vha dovha vha takuwa Horo-hagidigada vha ya vha atha madennde ngei Yotobatha.+
34 Nga murahu vha takuwa Yotobatha vha ya vha atha madennde ngei Aburona.
35 Vha takuwa Aburona vha ya vha atha madennde ngei Etsioni-gebere.+
36 Nga murahu vha takuwa Etsioni-gebere vha ya vha atha madennde ngei sogani ḽa Zini,+ hune ha vha Kadese.
37 Vha takuwa Kadese vha ya vha atha madennde ngei Thavhani ya Horo,+ mukanoni wa shango ḽa Edomo.
38 Tshifhe Aroni o gonya Thavhani ya Horo o laiwa nga Yehova, a fela henefho nga ṅwaha wa vhu 40 musi Vhaisiraele vho no takuwa shangoni ḽa Egipita nga ṅwedzi wa vhuṱanu, nga ḓuvha ḽa u thoma ḽa ṅwedzi.+
39 Aroni o vha e na miṅwaha ya 123 musi a tshi fela Thavhani ya Horo.
40 Khosi ya Arada+ ya Mukanana ye ya vha i tshi dzula Negebe shangoni ḽa Kanana, ya pfa uri Vhaisiraele vha khou ḓa.
41 Nga u ya ha tshifhinga vha takuwa Thavhani ya Horo+ vha ya vha atha madennde ngei Tsalamona.
42 Vha takuwa Tsalamona vha ya vha atha madennde ngei Punoni.
43 Vha takuwa Punoni vha ya vha atha madennde ngei Obothe.+
44 Vha takuwa Obothe vha ya vha atha madennde ngei Iyi-abarima mukanoni wa Moaba.+
45 Vha takuwa Iyimu vha ya vha atha madennde ngei Diboni-gada.+
46 Vha takuwa Diboni-gada vha ya vha atha madennde ngei Alimoni-dibulathaimi.
47 Vha takuwa Alimoni-dibulathaimi vha ya vha atha madennde ngei thavhani dza Abarimi+ phanḓa ha Nebo.+
48 Mafheleloni vha takuwa thavhani dza Abarimi vha ya vha atha madennde midavhini ya sogani ḽa Moaba tsini na Yorodane tsini na Yeriko.+
49 Vha dzula henefho tsini na Yorodane, hune ha vha u bva Bethe-yesimothe u swika Abele-sitima+ ngei midavhini ya sogani ḽa Moaba.
50 Yehova a amba na Mushe ngei midavhini ya sogani ḽa Moaba tsini na Yorodane ngei Yeriko a ri:
51 “Vhudza Vhaisiraele uri: ‘Ni khou wela Mulambo wa Yorodane na dzhena shangoni ḽa Kanana.+
52 Ni tea u pandela vhadzulapo vhoṱhe vha ḽeneḽo shango, ni kwashe zwifanyiso zwavho zwoṱhe zwa matombo+ na zwifanyiso zwavho zwoṱhe zwa tsimbi,+ ni thuthe fhethu havho hukhethwa ha vhurabeli.+
53 Ni ḓo dzhia shango na dzula khaḽo, ngauri ndi ḓo ni ṋea ḽeneḽo shango ḽa vha ḽaṋu.+
54 Ni kovhekanye ḽeneḽo shango u ya nga madeṅwa+ uri ḽi vhe ifa ḽa miṱa yaṋu. Kha tshigwada tshihulwane ni engedze ifa ḽavho, kha tshigwada tshiṱuku ni fhungudze ifa ḽavho.+ Ifa ḽa muṅwe na muṅwe ḽi ḓo vha hune ha ḓo wela hone madeṅwa. Ni ḓo wana thundu yaṋu sa ifa u ya nga tshaka dza vhokhotsi aṋu.+
55 “‘Arali na sa pandela vhadzulapo vha ḽeneḽo shango,+ vhane na ḓo tenda vha tshi sala vha ḓo ni ṱhavha maṱoni sa mipfa i tshi ni ṱhavha kha lurumbu, vha ḓo ni tambudza kha shango ḽine na ḓo dzula khaḽo.+
56 Ndi ḓo ni ita zwe nda vha ndo dzudzanya u vha ita zwone.’”+
Ṱhaluso dzi re magumoni a siaṱari
^ Thevhedz., “nga mmbi.”
