Numeri 34:1-29
34 Yehova a dovha a amba na Mushe a ri:
2 “U laye Vhaisiraele u ri: ‘Musi ni tshi swika shangoni ḽa Kanana,+ heḽi ndi shango ḽine na ḓo kovhelwa ḽone sa ifa, shango ḽa Kanana u ya nga mikano+ yaḽo.
3 “‘Mukano waṋu wa thungo ya tshipembe u ḓo bva sogani ḽa Zini hune ha vha tsini na Edomo, mukano waṋu wa tshipembe thungo ya vhubvaḓuvha u ḓo bva hune Lwanzhe Lwa Muṋo*+ lwa thoma hone u swika hune lwa guma hone.
4 Mukano waṋu u nga si tsha pfuka nga tshipembe u tshi gonyela Akirabimi,+ wa bvela phanḓa u tshi ya Zini, wa ya tshipembe ha Kadese-baranea.+ U ḓo bva Hasara-adara,+ wa bvela phanḓa u swika Atsimoni.
5 Mukano u ḓo bva Atsimoni wa ya Muedzini wa Egipita, wa swika Lwanzheni.*+
6 “‘Mukano waṋu wa thungo ya vhukovhela u ḓo vha Lwanzheni Luhulu* na khunzi-khunzini. Wonoyu u ḓo vha mukano+ waṋu wa vhukovhela.
7 “‘Wonoyu u ḓo vha mukano waṋu wa devhula: Mukano waṋu u ḓo bva Lwanzheni Luhulu wa swika Thavhani ya Horo.
8 Mukano waṋu u ḓo bva Thavhani ya Horo wa swika Lebo-hamathi,+ u ḓo swika mukanoni wa Tsedada.+
9 Wonoyu mukano u ḓo bva Sifironi, wa swika Hasara-enani.+ Wonoyu u ḓo vha mukano waṋu wa devhula.
10 “‘Ni swaye mukano waṋu u re nga thungo ya vhubvaḓuvha u bva Hasara-enani u swika Sefama.
11 Mukano u ḓo bva Sefama wa swika Ribila vhubvaḓuvha ha Aini, mukano wonoyo u ḓo tsela fhasi wa pfukela vhubvaḓuvha ha muedzi wa Lwanzhe lwa Kinerothe.*+
12 Mukano u ḓo bva Yorodane wa swika Lwanzheni lwa Muṋo.+ Heḽi ḽi ḓo vha shango+ ḽaṋu na mikano yo ḽi tangaho.’”
13 Mushe a laya Vhaisiraele a ri: “Heḽi ndi shango ḽine na ḓo kovhelana ḽone nga madeṅwa+ uri ḽi vhe ifa ḽaṋu, sa zwe Yehova a laya uri ḽi ṋewe tshaka dza ṱahe na hafu ya luṅwe lushaka.
14 Ngauri lushaka lwa Vharubeni u ya nga miṱa ya vhokhotsi avho, lushaka lwa Vhagada u ya nga nnḓu dza vhokhotsi avho na hafu ya lushaka lwa Manase, vho no ḓi wana ifa+ ḽavho.
15 Tshaka mbili na hafu dzo no ḓi wana ifa ḽadzo u bva dzinguni ḽa Mulambo wa Yorodane tsini na Yeriko u ya thungo ya vhubvaḓuvha.”+
16 Yehova a dovha a amba na Mushe a ri:
17 “Vhanna vhane vha ḓo ni kovhela shango uri ḽi vhe ifa ḽaṋu ndi havha: Ndi tshifhe Eliasara+ na Yoshua+ murwa wa Nunu.
18 Ni nange murangaphanḓa kha lushaka luṅwe na luṅwe uri a kovhe shango uri ḽi vhe ifa+ ḽaṋu.
19 Madzina a vhanna vhenevho ndi haya: Wa lushaka lwa Yuda,+ ndi Kalebe+ murwa wa Yefune;
20 wa lushaka lwa vharwa vha Simioni,+ ndi Shemuele murwa wa Amihudu;
21 wa lushaka lwa Benyamini,+ ndi Elidada murwa wa Kisiloni;
22 wa lushaka lwa vharwa vha Dani,+ murangaphanḓa ndi Buki murwa wa Yogoli;
23 wa vharwa vha Yosefa,+ wa lushaka lwa vharwa vha Manase,+ murangaphanḓa ndi Haniele murwa wa Efodi;
24 wa lushaka lwa vharwa vha Efuraimi,+ murangaphanḓa ndi Kemuele murwa wa Shifitani;
25 wa lushaka lwa vharwa vha Sebuloni,+ murangaphanḓa ndi Elitsafani murwa wa Paranaka;
26 wa lushaka lwa vharwa vha Isashari,+ murangaphanḓa ndi Palatiele murwa wa Asani;
27 wa lushaka lwa vharwa vha Ashere,+ murangaphanḓa ndi Ahidudu murwa wa Shelomi;
28 wa lushaka lwa vharwa vha Nafutali,+ murangaphanḓa ndi Pedahele murwa wa Amihudu.”
29 Havha ndi vhe Yehova a vha laya uri vha kovhele Vhaisiraele shango ngei Kanana.+
Ṱhaluso dzi re magumoni a siaṱari
^ Ndi Lwanzhe lwo Faho.
^ Ndi Lwanzhe Luhulu lwa Meditherenieni.
^ Ndi lwa Meditherenieni.
^ Ndi dzivha ḽa Genesareta kana Lwanzhe lwa Galilea.
