Nzumbululo I Yaho Kha Yohane 15:1-8
15 Nda vhona ḽiṅwe bono ḽihulu ngei ṱaḓulu ḽi mangadzaho, ho vha hu vharuṅwa vha sumbe+ vho fara ṱhamu dza sumbe. Dzenedzo ṱhamu ndi dza u fhedzisela ngauri mbiti dza Mudzimu dzi ḓo khunyeledzwa ngadzo.+
2 Nda vhona zwine zwa nga lwanzhe lu ngaho ngilasi+ lwo ṱangana na mulilo, vho kundaho+ tshivhanda na tshifanyiso+ tshatsho na nomboro i tshimbidzanaho na dzina+ ḽatsho, vho ima tsini na lwanzhe lu ngaho ngilasi, vho fara haripa dza Mudzimu.
3 Vho vha vha tshi khou imba luimbo lwa Mushe+ mulanda wa Mudzimu na lwa Ngwana,+ vha tshi ri:
“Yehova* Mudzimu Ramaanḓaoṱhe,+ mishumo yau ndi mihulu, i a mangadza.+ Iwe Khosi ya lini na lini,+ nḓila dzau dzo luga, ndi dza ngoho.+
4 Yehova,* ndi nnyi ane a sa ḓo u ofha na u renda dzina ḽau, ngauri ndi iwe u woṱhe a fhulufhedzeaho?+ Tshaka dzoṱhe dzi ḓo ḓa dza u rabela+ ngauri dzo zwi vhona uri u haṱula nga nḓila yo lugaho.”
5 Nga murahu ha zwenezwi, nda vhona fhethu hukhethwa ha dennde*+ hu tshi vulea ngei ṱaḓulu,+
6 henefho fhethu hukhethwa ha bva vharuṅwa vha sumbe vho fara ṱhamu dza sumbe,+ vho ambara zwiambaro zwo kunaho, zwi penyaho, vho vhofha khana nga labi ḽa musuku.
7 Tshiṅwe tsha zwivhumbiwa zwiṋa zwi tshilaho tsha ṋea muruṅwa wa vhusumbe tshigoḓelo tsha musuku tsho ḓalaho mbiti dza Mudzimu+ a tshilaho lini na lini.
8 Fhethu hukhethwa ha ḓala vhutsi nga nṱhani ha vhugala ha Mudzimu+ na maanḓa awe, ha si vhe na we a kona u dzhena fhethu hukhethwa u swika hu tshi khunyelela ṱhamu dza sumbe+ dza vharuṅwa vha sumbe.
Ṱhaluso dzi re magumoni a siaṱari
^ Kana “dennde ḽa zwe Mudzimu a zwi amba.”
