Nzumbululo I Yaho Kha Yohane 20:1-15
20 Nda vhona muruṅwa a tshi tsa a tshi bva ṱaḓulu o fara khii ya mugodi+ na ngeḓane khulu.
2 A fara ḽigweṋa,+ ḽiṋowa ḽa kale na kale,+ ḽine ḽa vha Diabolo+ na Saṱhane,+ a ḽi vhofha lwa miṅwaha ya 1 000.
3 A ḽi posa mugodini,+ a u vala, a u shatela uri ḽi si tsha kona u xedza dzitshaka u swika hu tshi fhela miṅwaha ya 1 000. Nga murahu ha zwenezwi ḽi fanela u vhofhololwa lwa tshifhinganyana.+
4 Nda vhona khuluṋoni, vho dzulaho khadzo vho ṋewa maanḓa a u haṱula. Nda vhona vhathu vho vhulawaho* nga nṱhani ha u huwelela nga ha Yesu na u amba nga ha Mudzimu. A vho ngo rabela tshivhanda kana tshifanyiso tshatsho kana u swaiwa kha phanḓa dzavho na zwanḓa zwavho.+ Vha vuswa, vha vhusa na Kristo+ lwa miṅwaha ya 1 000.
5 (Vhaṅwe vhafu a vho ngo vuswa+ u swikela hu tshi fhela miṅwaha ya 1 000.) Honohu ndi u vuswa ha vhafu ha u thoma.+
6 Hu takala vhane vha ḓo vuswa kha u vuswa ha vhafu ha u thoma, vhenevho ndi vhakhethwa;+ lufu lwa vhuvhili+ a lu na maanḓa khavho,+ fhedzi vha ḓo vha vhotshifhe+ vha Mudzimu na Kristo, vha vhusa nae miṅwaha ya 1 000.+
7 Musi miṅwaha ya 1 000 yo no fhela, Saṱhane u ḓo vhofhololwa dzhele,
8 u ḓo ya a xedza tshaka dzi re thungo nṋa dza ḽifhasi, dzine dza vha Gogo na Magogo, uri a dzi kuvhanganyele nndwani. Tshivhalo tshadzo tshi ḓo nga muṱavha wa lwanzhe.
9 Vha phaḓalala na ḽifhasi ḽoṱhe vha tanga mushasha wa vhakhethwa na muḓi u funwaho. Fhedzi ha wa mulilo ṱaḓulu wa vha fhedza.+
10 Diabolo we a vha xedza a poswa dzivhani ḽa mulilo na tsevhela, hune ha vha na tshivhanda+ na muporofita wa mazwifhi;+ vha ḓo tambudzwa vhusiku na masiari lini na lini.
11 Nda vhona khuluṋoni khulu tshena na O dzulaho khayo.+ Ḽifhasi na ḽiṱaḓulu zwa shavha phanḓa hawe,+ zwa si tsha dovha zwa wanala.
12 Nda vhona vhafu, vhahulwane na vhaṱuku, vho ima phanḓa ha khuluṋoni, mipombo ya vulwa. Fhedzi ha vulwa muṅwe mupombo; ndi mupombo wa vhutshilo.+ Vhafu vha haṱulwa nga zwo ṅwaliwaho kha mipombo u ya nga mishumo yavho.+
13 Lwanzhe lwa bvisa vhafu vha re khalwo, na lufu na Vhiḓa* zwa bvisa vhafu vha re khazwo, vha haṱulwa nga muthihi nga muthihi u ya nga mishumo yavho.+
14 Lufu na Vhiḓa* zwa poswa dzivhani ḽa mulilo.+ Ḽeneḽi dzivha ḽa mulilo+ ḽi imela lufu lwa vhuvhili.+
15 Zwiṅwe hafhu, vhoṱhe vha songo ṅwaliwaho buguni ya vhutshilo+ vha poswa dzivhani ḽa mulilo.+
Ṱhaluso dzi re magumoni a siaṱari
^ Thevhedz., “vho vhulawaho nga mbaḓo.”
^ Kana “Hades.” Sedzani Mutevhe Wa Ṱhalutshedzo Ya Maipfi.
^ Kana “Hades.” Sedzani Mutevhe Wa Ṱhalutshedzo Ya Maipfi.
