Sakaria 2:1-13
2 Nda lavhelesa nda vhona munna o fara luṱale lwa u kala.+
2 Nda vhudzisa uri: “U khou ya ngafhi?”
A ri: “Ndi khou ya u kala vhuphara na vhulapfu ha Yerusalema.”+
3 Muruṅwa we a vha a tshi khou amba na nṋe a ṱuwa, a ya a ṱangana na muṅwe muruṅwa.
4 A amba nae a ri: “Gidima u ye u ambe na houḽa muṱhannga u ri, ‘“Muḓi wa Yerusalema a u nga vhi na mbondo+ ngauri hu na zwifuwo zwinzhi na vhathu vhanzhi.”+
5 Yehova u ri, “Ndi ḓo vha luvhondo lwa mulilo u mona nawo woṱhe,+ nda u ḓadza nga vhugala hanga.”’”+
6 “Iḓani! Shavhani shangoni ḽa devhula,”+ u ralo Yehova.
“Ngauri ndo ni balanganyela thungo dzoṱhe,”+ u ralo Yehova.
7 “Iwe Tsioni, iḓa! Iwe ane a dzula na ṅwananyana wa Babele, shavha.+
8 Musi Mudzimu o no huliswa, o nthuma kha tshaka dze dza vha dzi tshi khou ni dzhiela zwithu, ngauri Yehova wa mavhuthu u ri:+ ‘Ane a ni kwama u khou kwama ḽiṱo* ḽanga.+
9 Zwino ndi ḓo imisa tshanḓa tshanga uri ndi lwe navho, phuli dzavho dzi ḓo vha dzhiela zwithu zwavho.’+ Ndi hone ni tshi ḓo ḓivha uri ndo rumiwa nga Yehova wa mavhuthu.
10 “Iwe ṅwananyana wa Tsioni,+ pembela; ngauri ndi khou ḓa+ nda dzula vhukati hau,”+ u ralo Yehova.
11 “Nga ḽeneḽo ḓuvha, vhathu vha tshaka nnzhi vha ḓo ima na Yehova,+ vha ḓo vha vhathu vhanga; nṋe ndi ḓo dzula vhukati haṋu.” Ndi hone ni tshi ḓo ḓivha uri ndo rumiwa kha inwi nga Yehova wa mavhuthu.
12 Yehova u ḓo dzhia Yuda a vha mukovhe wawe fhethu hukhethwa, u ḓo dovha a nanga Yerusalema.+
13 Vhathu vhoṱhe, fhumulani phanḓa ha Yehova, ngauri u khou dzhia vhukando e fhethu hawe hukhethwa.
Ṱhaluso dzi re magumoni a siaṱari
^ Kana “tshanga ya ḽiṱo.”