Sakaria 9:1-17
9 Khaṱhulo ya Mudzimu ndi heyi:
“Yehova u khou lwa na shango ḽa Hadaraka,Zwihuluhulu u khou lwa na shango ḽa Damaseko,+Ngauri Yehova o lavhelesa vhathu+Na tshaka dzoṱhe dza Isiraele,
2 U khou lwa na Hamathi,+ shango ḽi re tsini naḽo,*Na u lwa na vhathu vha Tiro+ na vha Sidoni+ ngauri vho ṱalifha.+
3 Tiro o ḓifhaṱela mutsheṱo wa u tsireledza.*
O kuvhanganya siḽiva ya ḓala sa buseA kuvhanganya na musuku wa ḓala sa mashika a re nḓilani.+
4 Yehova u ḓo mu dzhiela thundu dzawe,U ḓo posa mmbi yawe lwanzheni;*+Ene a fhiswa nga mulilo.+
5 Asikaloni u ḓo zwi vhona a ofha;Gaza u ḓo pfa vhuṱungu vhuhulu,Na Ekironi u ḓo pfa vhuṱungu, ngauri vhe a vha o vha fhulufhela vho shoniswa.
Khosi i ḓo fheliswa ngei Gaza,Asikaloni a si dzulwe nga muthu.+
6 Murwa wa mutsinda u ḓo dzula Asidodo,Ndi ḓo fhelisa u ḓikukumusa ha Mufilisita.+
7 Ndi ḓo bvisa malofha a re mulomoni waweNa zwiḽiwa zwi nengisaho zwo mu somelaho,O salaho u ḓo vha wa Mudzimu washu;U ḓo fana na khosana* ya Yuda,+Ekironi u ḓo fana na Muyebusi.+
8 Ndi ḓo dzula tsini na muḓi nda u linda,+Uri hu si vhe na ane a pfuka na u vhuya ngaho;A hu tsha ḓo vha na mutsikeledzi ane a dovha a fhira ngaho,Ngauri ndo zwi vhona* nga maṱo anga.+
9 Takala zwihulu, Iwe ṅwananyana wa Tsioni.
Ṱavha mukosi wa gundo, Iwe ṅwananyana wa Yerusalema.
Khosi yau i khou ḓa kha iwe.+
Yo luga, i khou ḓa u tshidza,*I a ḓiṱukufhadza,+ yo ṋamela donngi,Yo ṋamela tshidonngana.*+
10 Ndi ḓo fhelisa gariki dza nndwa dza EfuraimiNa bere dza Yerusalema.
Na vhura ha nndwa vhu ḓo dzhiiwa.
U ḓo ḓivhadza mulalo kha dzitshaka;+A vhusa u bva kha luṅwe lwanzhe u ya kha luṅwe lwanzheU bva Mulamboni* u swikela magumoni a ḽifhasi.+
11 Iwe mufumakadzi, ndi tshi shumisa malofha a mulanga wau,Ndi ḓo bvisa vhafariwa vhau dindini ḽi si na maḓi.+
12 Vhuyelelani vhushavheloni inwi vhafariwa ni re na fhulufhelo.+
Ndi a u vhudza ṋamusi,‘Iwe mufumakadzi, ndi ḓo u fhaṱutshedza luvhili.+
13 Ndi ḓo peta* Yuda sa vhura.
Ndi ḓo ita uri Efuraimi a fane na musevhe wa vhura,Iwe Tsioni, ndi ḓo vusa vharwa vhau,Uri vha lwe na vharwa vha Gerika,Ndi ḓo u ita uri u fane na banga ḽa muhali.’
14 Zwi ḓo vhonala uri Yehova u na vhathu vhawe,Musevhe wawe u ḓo bva sa lupenyo.
Yehova Murena Muvhusahoṱhe u ḓo lidza luṋanga,+U ḓo ya u lwa na maswina awe u fana na ḓumbu ḽa tshipembe.
15 Yehova wa mavhuthu u ḓo vha lwela,Vha kanda na u fhelisa magatho.+
Vha ḓo nwa vha vusa bonyongo zwa nga vho nwa waini;Vha ḓo ḓala u fana na tshigoḓelo,U fana na thungo dza aḽeṱare.+
16 Yehova Mudzimu wavho u ḓo vha tshidza nga ḽeneḽo ḓuvhaSa mulisa a tshi tshidza sambi ḽawe;+Ngauri vha ḓo nga matombo avhuḓi o khavhisaho khare, vha penya mavuni awe.+
17 Ngauri vhuḓi hawe ndi vhuhulu,+Na lunako lwawe ndi luhulu!
Zwiḽiwa na waini ntswa zwi ḓo ita uri vhaṱhanngaNa vhasidzana* vha vhe na maanḓa.”+
Ṱhaluso dzi re magumoni a siaṱari
^ Khamusi zwi khou ambela kha ‘shango ḽa Hadaraka’ kana ‘ḽa Damaseko.’
^ Kana “o ḓifhaṱela dzhavhelo.”
^ Kana khamusi, “U ḓo rwa mmbi yawe i re lwanzheni.”
^ Khosana yo vha i vhamusanda.
^ Zwi khagala uri ndi u shengela ha vhathu vhawe.
^ Kana “yo kunda.”
^ Kana “tshidonngana tsha nduna.”
^ Ndi Yufuratha.
^ Thevhedz., “kanda.”
