Tsefanya 2:1-15
2 Kuvhanganani,+Inwi vha lushaka lu si na ṱhoni.+
2 Musi zwo ambiwaho zwi sa athu u itea,Musi ḓuvha ḽi sa athu u fhira u fana na maṱanga ane a vhudzulwa nga muya,Musi ni sa athu u ḓelwa nga mbiti dza Yehova,+Musi ḓuvha ḽa mbiti dza Yehova ḽi sa athu u ni ḓela,
3 Ṱoḓani Yehova,+ inwi noṱhe ni ḓiṱukufhadzaho* kha ḽifhasi,Inwi vhane na tevhedza milayo* yawe yo lugaho.
Ṱoḓani zwivhuya, ni ḓiṱukufhadze.*
Khamusi ni ḓo* tsireledzwa nga ḓuvha ḽa mbiti dza Yehova.+
4 Ngauri muḓi wa Gaza u ḓo ṱutshelwa;Asikaloni u ḓo vha shubi.+
Asidodo u ḓo pandelwa masiari tshivhangalala,Ekironi u ḓo tupulwa.+
5 “Khombo i ḓo wela lushaka lwa Vhakireti+ vhane vha dzula tsini na lwanzhe!
Yehova u khou lwa na inwi.
Iwe Kanana, shango ḽa Vhafilisita, ndi ḓo u fhelisa,Ha si tsha dzula muthu.
6 Tsini na lwanzhe hu ḓo vha mafulo,Na zwisima zwa vhalisa na madanga a nngu.
7 Hu ḓo vha dzingu ḽa vho salaho vha nnḓu ya Yuda;+Vha ḓo fula henefho.
Vha ḓo eḓela nḓuni dza Asikaloni nga madekwana.
Ngauri Yehova Mudzimu wavho u ḓo vha ṱhogomela,A kuvhanganya vhathu vhawe vho thubiwaho.”+
8 “Ndo pfa zwigoḓo zwa Moaba+ na Vhaamoni+ vha tshi semana,Vha tshi nyadza vhathu vhanga na u ṱhasela shango ḽavho nga u ḓikukumusa.+
9 Ndi ana nga vhutshilo hanga,” u ralo Yehova wa mavhuthu, Mudzimu wa Isiraele,“Moaba u ḓo nga Sodoma,+Amoni a nga Gomora,+Fhethu ha zwiṱaka zwa mipfa, hune mavu a vha na muṋo, hune ha vha shubi ḽa lini na lini.+
Vhathu vhanga vho salaho vha ḓo vha dzhiela zwithu,Vho salaho vha lushaka lwanga vha ḓo vha thuba.
10 Ndi zwine zwa ḓo itea khavho ngauri vho ḓikukumusa,+Ngauri vho goḓa vhathu vha Yehova wa mavhuthu na u ḓihudza khavho.
11 Yehova u ḓo vha tshuwisa;Ngauri u ḓo fhelisa midzimu yoṱhe i re kha ḽifhasi,Na tshaka dzoṱhe dzi dzulaho zwiṱangadzimeni dzi ḓo mu gwadamela,+Dzi hune dza dzula hone.
12 Na inwi Vhaetopia ni ḓo vhulawa nga banga.+
13 U ḓo imisela tshanḓa tshawe thungo ya devhula, a fhelisa Asuri,A ita uri muḓi wa Ninive u vhe shubi,+ u ome sa soga.
14 Sambi na zwipuka zwoṱhe zwi ḓo dzula khawo.
Ḽiṋulakhovhe na nungu zwi ḓo eḓela vhukati ha phuphu dzawo.
Hu ḓo pfala ipfi fasiṱereni ḽi tshi khou lila.
Hu ḓo tshinyadzwa muṋangoni;Ngauri u ḓo bvisa mabulannga o khavhisaho a muṱaululo.
15 Wonoyo ndi muḓi we wa vha wo tsireledzea, u tshi ḓihudza,U tshi amba u tshi ri, ‘Ndi nṋe ndi ndoṱhe, a hu na muṅwe.’
Zwino u vho ofhisa,Wo no vha fhethu hune zwipuka zwa lala hone!
Vhoṱhe vhane vha fhira nga henefho vha ḓo u goḓa, vha dzungudza ṱhoho.”*+
Ṱhaluso dzi re magumoni a siaṱari
^ Kana “no vuḓaho.”
^ Thevhedz., “khaṱhulo.”
^ Kana “vuḓe.”
^ Kana “Ni nga kha ḓi.”
^ Thevhedz., “vha u lidzela muludzi na u u dzungudzela tshanḓa.”
