Tsefanya 3:1-20
3 Khombo i ḓo wela muḓi wo tshikafhadzwaho, wa vhushandukwa na u tsikeledzaho!+
2 Ho ngo thetshelesa;+ ho ngo tenda u kaidzwa.+
Ho ngo fhulufhela Yehova;+ ho ngo sendela tsini na Mudzimu wawe.+
3 Vhakololo vhawe ndi ndau dzi vhombaho.+
Vhahaṱuli vhawe ndi maṱarelwa* vhusiku;A vha sii na rambo zwaḽo ḽa u kukuna nga matsheloni.
4 Vhaporofita vhawe ndi vhanna vha lunyadzo na vhufhura.+
Vhotshifhe vhawe vha tshikafhadza zwikhethwa;+Vha pfuka mulayo.+
5 Yehova u mu itela zwivhuya;+ ha khakhi.
U ḓivhadza khaṱhulo dzawe matsheloni maṅwe na maṅwe,+U fana na ḓuvha ḽine ḽa bva tshifhinga tshoṱhe.
Fhedzi a songo lugaho ha farwi nga ṱhoni.+
6 “Ndo fhelisa tshaka; mbondo dzavho dzi re kha khona dzo tshinyadzwa.
Ndo tshinyadza nḓila dzavho, uri hu si vhe na ane a fhira nga henefho.
Miḓi yavho yo sala i mashubi, hu si tsha dzula muthu.+
7 Ndo ri, ‘U ḓo nnyofha na u tenda ndi tshi u kaidza,’*+Uri hune wa dzula hone hu si fheliswe,+Ngauri ndi tea u mu pfisa vhuṱungu nga nṱhani ha zwenezwi zwoṱhe.
Fhedzi vhoṱhe vho vha vho ḓiimisela u ita zwithu zwivhi.+
8 ‘Ni dzule no nndindela ni sa fheli mbilu,’+ u ralo Yehova,‘U swika ndi tshi ḓa nda dzhia thundu,Ndo ita phetho ya u kuvhanganya tshaka, ya u kuvhanganya mivhuso,Uri ndi i shululele mbiti dzanga;+Mbiti dzanga dzi tou nga mulilo, dzi fhisa ḽifhasi ḽoṱhe.+
9 Ngauri ndi ḓo ita uri vhathu vha ambe luambo lwo kunaho,Nda ita uri vhoṱhe vha vhidzelele dzina ḽa Yehova,Vha mu shumele nga vhuthihi.’+
10 Vhathu vhanga vho balanganyiwaho, vhane vha ngwadamela vha ḓo nḓisela tshifhiwa,U bva dzinguni ḽa milambo ya Etopia.+
11 A u nga shoniswi nga ḽeneḽo ḓuvhaNga nṱhani ha zwe wa zwi ita u tshi ntshandukela,+Ngauri ndi ḓo bvisa vhane vha ḓikukumusa vhukati hau;A u tsha ḓo dovha wa ḓihudza thavhani yanga khethwa.+
12 Ndi ḓo ita uri hu sale vhathu vhane vha ḓiṱukufhadza vhukati hau,+Vha ḓo khuda nga dzina ḽa Yehova.
13 Vhaisiraele vho salaho+ a vha tsha ḓo ita zwi songo lugaho;+A vha nga zwifhi kana u fhura nga lulimi lwavho;Vha ḓo ḽa vha lala, hu si vhe na ane a vha tshuwisa.”+
14 Huwelela wo takala, Iwe ṅwananyana wa Tsioni!
Ṱavha mukosi wa gundo, Iwe Isiraele!+
Takala u pembele nga mbilu yau yoṱhe, Iwe ṅwananyana wa Yerusalema!+
15 Yehova u ḓo ita uri u si tsha pfa vhuṱungu.+
O pandela swina ḽau.+
Yehova Khosi ya Isiraele u na iwe.+
U nga si tsha ofha u welwa nga khombo.+
16 Nga ḽeneḽo ḓuvha hu ḓo ambiwa na Yerusalema ha pfi:
“U songo ofha, Iwe Tsioni.+
U songo tenda tshanḓa tshau tshi tshi neta.
17 Yehova Mudzimu wau u na iwe.+
Samusi e wa maanḓa, u ḓo u tshidza.
A u takalela zwihulu.+
A homolowa ngauri u a u funa.
A u pembelela o takala.
18 Ndi ḓo kuvhanganya vho ṱungufhalaho vhe vha si vhe hone vhuṱamboni hau;+A vho ngo vha hone ngauri vho nyadziwa vhe vhuthubwani.+
19 Nga tshenetsho tshifhinga ndi ḓo lwa na vhoṱhe vhane vha u tsikeledza;+Ndi ḓo tshidza ane a khou ṱudza,+Nda kuvhanganya vho balanganyiwaho.+
Ndi ḓo ita uri vha khoḓiwe na u vha na bvumo*Mashangoni oṱhe e vha shoniswa khao.
20 Ndi ḓo ni vhuisa nga tshenetsho tshifhinga,Musi ndi tshi ni kuvhanganya.
Ngauri ndi ḓo ita uri ni vhe na bvumo* na u khoḓiwa+ nga vhathu vhoṱhe vha kha ḽifhasi,Musi ndi tshi vhuisa vhe vha thubiwa ni tshi zwi vhona,” u ralo Yehova.+
Ṱhaluso dzi re magumoni a siaṱari
^ Kana “mmbwa dza ḓaka.”
^ Kana “khakhulula.”
^ Thevhedz., “dzina.”
^ Thevhedz., “dzina.”