Kha Vhaefesa 5:1-33
5 Nga zwenezwo, ivhani vha edzisaho Mudzimu+ sa vhana vha funwaho,
2 dzulani ni tshi sumbedza lufuno+ vhunga na Kristo o ri* funa+ a ḓikumedzela sa tshiṱhavhelo tshi nukhelelaho kha Mudzimu.+
3 U ḓifara luvhi nga zwa vhudzekani* na vhuyaḓa kana tseḓa zwi songo vhuya zwa bulwa vhukati haṋu,+ ngauri hezwi zwithu a zwo ngo tea vhakhethwa;+
4 ni songo ḓifara nga nḓila i shonisaho kana u amba zwithu zwa vhutsilu kana miswaswo ya vhuḓabaḓaba+ ngauri ndi zwithu zwi songo teaho, nṱhani hazwo ni livhuwe Mudzimu.+
5 Ngauri ni a zwi ḓivha na u zwi ṱhogomela, uri a hu na ane a ḓo ḽa ifa ḽa Muvhuso wa Kristo na wa Mudzimu,+ arali a tshi ḓifara luvhi nga zwa vhudzekani*+ kana e na vhuyaḓa kana e na tseḓa,+ zwine zwa vha u gwadamela midzimu ya zwifanyiso.
6 Ni songo tenda muthu a tshi ni fhura nga mafhungo a siho, ngauri zwenezwi zwi ḓo ita uri mbiti dza Mudzimu dzi ḓele vha sa thetshelesi.
7 Ngauralo, ni songo ita zwine vha ita;*
8 ngauri no vha ni swiswini, fhedzi zwino ni tshedzani+ ngauri ni na vhuthihi na Murena.+ Bvelani phanḓa ni tshi tshila sa vhana vha tshedza,
9 ngauri u tshila tshedzani zwi ri thusa uri ri vhe na vhuḓi kha zwithu zwoṱhe, u ita zwo lugaho na u tshila ri tshi tevhedza ngoho.+
10 Dzulani ni tshi ṱolisisa uri ndi zwifhio zwine zwa takadza+ Murena;
11 ni songo tsha ita mishumo i sa vhuyedzi ya swiswi,+ fhedzi ni i bvisele khagala.
12 Ngauri ri shona na u amba zwine vha zwi ita tshiphirini.
13 Tshedza tshi ita uri zwoṱhe zwi vhonale, ngauri zwoṱhe zwine zwa bviselwa khagala zwi vha tshedzani.
14 Ndi ngazwo hu tshi pfi: “Vuwa, iwe wo eḓelaho, vuwa vhafuni,+ ndi hone Kristo a tshi ḓo u vhonetshela.”+
15 Dzulani no fhaṱuwa uri ni si tshimbile sa matsilu, fhedzi ni tshimbile sa vho ṱalifhaho,
16 ni shumise tshifhinga tshaṋu nga vhuṱali,+ ngauri maḓuvha ndi mavhi.
17 Nga nṱhani ha zwenezwi, litshani u sa vha na ṱhalukanyo, fhedzi dzulani ni tshi pfesesa zwine Yehova* a zwi funa.+
18 Zwiṅwe hafhu, ni songo kambiwa nga waini+ ngauri i ḓo ita uri ni ḓifare nga nḓila i songo kunaho, fhedzi bvelani phanḓa ni tshi ḓadzwa nga muya mukhethwa.
19 Imbelani Mudzimu dziphisalema, ni mu rende nga nyimbo,+ ni tshi imbela+ Yehova* mbiluni dzaṋu,+
20 ni dzule ni tshi livhuwa+ Mudzimu ane a vha Khotsi ashu kha zwoṱhe, dzinani ḽa Murena washu Yesu Kristo.+
21 Ni ḓiite muṱuku kha vhaṅwe+ vhunga ni tshi ofha Kristo.
22 Vhafumakadzi vha ḓiṱukufhadze kha vhanna+ vhavho vhunga vha tshi ḓiṱukufhadza kha Murena,
23 ngauri munna ndi ṱhoho ya mufumakadzi+ wawe samusi Kristo e ṱhoho ya tshivhidzo,+ ndi ene ane a vha mutshidzi wa wonoyu muvhili.
24 Samusi tshivhidzo tshi tshi ḓiṱukufhadza kha Kristo, na vhafumakadzi vha ḓiṱukufhadze kha vhanna vhavho kha zwithu zwoṱhe.
25 Vhanna bvelani phanḓa ni tshi funa vhafumakadzi+ vhaṋu, samusi na Kristo o funa tshivhidzo a ḓikumedzela tshone,+
26 a tshi ita tshikhethwa, a tshi kunakisa nga maḓi a ipfi ḽa Mudzimu,+
27 uri tshivhidzo tshi vhe tsho nakaho phanḓa hawe, tshi si na tshika kana vhukhakhi kana zwithu zwo raloho,+ fhedzi tshi vhe tshi tshikhethwa, tshi sa solei.+
28 Na vhanna vha fanela u funa vhafumakadzi vhavho sa mivhili yavho. Munna ane a funa mufumakadzi wawe u a ḓifuna,
29 ngauri a hu na ane a vhenga muvhili wawe, fhedzi u a u ṋea zwiḽiwa na u u ṱhogomela, sa zwine Kristo a zwi ita kha tshivhidzo,
30 ngauri ri miraḓo ya muvhili wawe.+
31 “Ndi ngazwo munna a tshi ḓo sia khotsi awe na mme awe a nambatela* mufumakadzi wawe, vhuvhili havho vha vha ṋama nthihi.”+
32 Tshenetshi tshiphiri tshikhethwa+ ndi tshihulu. Zwino ndi khou amba nga ha Kristo na tshivhidzo.+
33 Naho zwo ralo, muṅwe na muṅwe waṋu a fune mufumakadzi+ wawe samusi a tshi ḓifuna; na mufumakadzi a ṱhonifhe munna wawe nga maanḓa.*+
Ṱhaluso dzi re magumoni a siaṱari
^ Kana khamusi, “ni.”
^ Nga Tshigerika ndi porneia. Sedzani Mutevhe Wa Ṱhalutshedzo Ya Maipfi.
^ Nga Tshigerika ndi porneia. Sedzani Mutevhe Wa Ṱhalutshedzo Ya Maipfi.
^ Kana “ni songo ṱanganela navho.”
^ Kana “a dzula na.”
^ Kana “zwihulu; nga nḓila khulwane.”
