Kha Vharoma 3:1-31
3 U vha Muyuda kana u fumba zwi vhuyedza nga mini?
2 Zwi a vhuyedza nga nḓila khulwane. Tsha u thoma, vho ṋewa mulaedza u bvaho kha Mudzimu.+
3 Hu pfi mini nga Vhayuda vha si na lutendo? Naa vhaṅwe vhathu a vha tsha ḓo fhulufhela Mudzimu ngauri vhaṅwe vhavho a vha na lutendo?
4 Na khathihi! Naho vhathu vhoṱhe vha tshi nga zwifha,+ Mudzimu u ḓo dzula a tshi amba ngoho,+ samusi ho ṅwaliwa ha pfi: “Uri u vhe wo lugaho musi u tshi amba na uri u kunde musi u tshi sengiswa.”+
5 Musi ri tshi ita zwithu zwo khakheaho, vhathu vha a ṱhogomela uri Mudzimu o luga. Naa zwenezwi zwi amba uri Mudzimu u vha a tshi khou khakha musi a tshi ri kaidza? (Ndi nḓila ine vhaṅwe vhathu vha humbula ngayo.)
6 Na khathihi! Mudzimu o luga. Arali a songo luga, o vha a tshi ḓo haṱula hani shango?+
7 Arali nda zwifha, fhedzi zwa ita uri Mudzimu a rendwe, ndi ngani ndi tshi haṱulwa sa muitazwivhi?
8 Ndi ngani ri sa ambi uri, “Kha ri ite zwivhi uri hu vhe na zwivhuya”? Vhaṅwe vha ri pomoka uri ri amba nga u ralo. Vhenevho vhathu vha fanela u haṱulwa.+
9 Naa zwenezwi zwi amba uri ri khwine u fhira vhaṅwe? Na khathihi! Ngauri ro amba uri Vhayuda na Vhagerika vha langwa nga tshivhi;+
10 samusi ho ṅwaliwa ha pfi: “A hu na o lugaho, a hu na na muthihi zwawe;+
11 a hu na a re na ṱhalukanyo, a hu na ane a ṱoḓa Mudzimu.
12 Vhoṱhe vho shanduka, vhoṱhe a vha tsha ḓivhalea; a hu na a re na vhuthu, a hu na na muthihi zwawe.”+
13 “Mikulo yavho ndi vhiḓa ḽo vuleaho, vha fhura nga ndimi dzavho.”+ “Zwine vha zwi amba zwi nga vhuṱungu ha ṋowa.”+
14 “Milomo yavho yo ḓala maṱamba na maipfi a ṱhavhaho.”+
15 “Milenzhe yavho i gidimela u shulula malofha.”+
16 “U tshinyadza na u tambudza hu nḓilani dzavho,
17 a vha ḓivhi nḓila ya mulalo.”+
18 “A vha ofhi Mudzimu.”+
19 Zwino ri a zwi ḓivha uri zwoṱhe zwine Mulayo wa zwi amba zwi ambela kha vha re fhasi ha Mulayo, uri hu si vhe na ane a amba tshithu, na uri shango ḽoṱhe ḽi haṱulwe nga Mudzimu.+
20 Ndi ngazwo hu si na ane a ḓo pfi o luga phanḓa hawe nga u tevhedza mulayo.+ Fhedzi mulayo u ita uri ri ḓivhe zwine tshivhi tsha vha zwone.+
21 Ho dzumbululwa uri muthu u a kona u vha o lugaho phanḓa ha Mudzimu naho a sa tevhedzi Mulayo.+ Ngauri zwenezwi zwo ṅwaliwa kha Mulayo na nga Vhaporofita.+
22 Vhoṱhe vha re na lutendo vha a kona u vha vho lugaho phanḓa ha Mudzimu nga u tenda Yesu Kristo. Ngauri ha ṱaluli.+
23 Vhoṱhe vho tshinya, vha kundelwa u sumbedza vhugala ha Mudzimu,+
24 fhedzi Mudzimu u vha dzhia vho luga nga nṱhani ha zwe Kristo Yesu a vha lifhela zwone uri a vha tshidze.+ Tshenetshi ndi tshifhiwa+ tshe Mudzimu a tshi ṋea ngauri u na vhuthu vhuhulu.+
25 Mudzimu o mu ṋekedza uri a vhe tshipfumelelo+ kha vhane vha vha na lutendo kha malofha awe.+ Zwenezwo ho vha hu u itela u sumbedza u luga hawe, ngauri Mudzimu o vha a tshi khou sumbedza u sa fhela mbilu na u hangwela zwivhi zwe zwa itwa kale.
26 Zwenezwo ho vha hu u itela u sumbedza u luga hawe+ kha tshino tshifhinga, musi a tshi amba uri ane a tenda Yesu o luga.+
27 Naa hu na zwine muthu a nga zuwa ngazwo? Na khathihi! Ndi ufhio mulayo une wa mu thivhela u zuwa? Naa ndi mulayo une wa amba zwine vhathu vha fanela u zwi ita?+ Hai, ndi mulayo une wa amba uri vhathu tea u vha na lutendo.
28 Ngauri muthu u itwa o lugaho nga u vha na lutendo, hu si nga u ita mishumo i ṱoḓwaho nga mulayo.+
29 Kani ndi Mudzimu wa Vhayuda fhedzi?+ Naa a si Mudzimu wa dziṅwe tshaka?+ Ee, ndi Mudzimu wa dziṅwe tshaka.+
30 Samusi Mudzimu e muthihi,+ u ḓo amba uri vho fumbaho na vha songo fumbaho vho luga+ nga nṱhani ha lutendo lwavho.
31 Naa ri a fhelisa mulayo nga nṱhani ha lutendo lwashu? Na khathihi! Nṱhani hazwo, ri tikedza mulayo.+
