Yeremia 10:1-25
10 Inwi vha nnḓu ya Isiraele, ipfani zwe Yehova a zwi amba nga ha inwi.
2 Yehova u ri:
“Ni songo tevhedza nḓila ya dzitshaka,+Ni songo tshuwiswa nga zwiga zwa ḽiṱaḓuluNgauri tshaka dzi tshuwiswa ngazwo.+
3 Ngauri mikhuvha ya vhathu ndi mahandana.
Zwi nga muri we wa remiwa ḓakani,Muvhaḓi a u vhaḓa a tshi shumisa tshishumiswa* tshawe.+
4 Vha u khavhisa nga siḽiva na musuku+Vha u ombela zwibigiri nga hamula uri u si we.+
5 U fana na tshishushedzi tshi re tsimuni ya khukhamba tshi sa ambi, na zwone a zwi koni u amba;+Zwi tou hwaliwa, ngauri a zwi tshimbili.+
Ni songo zwi ofha, ngauri a zwi huvhadzi,Kana u ita zwivhuya.”+
6 Iwe Yehova, a hu na ane a fana na iwe.+
U muhulwane, dzina ḽau ndi ḽihulu ḽi na maanḓa.
7 Iwe Khosi ya dzitshaka, ndi nnyi a sa u ofhi,+ ngauri wo fanelwa nga u huliswa;Ngauri kha vhathu vhoṱhe vho ṱalifhaho vha dzitshaka na kha mivhuso yavho yoṱhe,A hu na ane a fana na iwe.+
8 Vhoṱhe a vha humbuli, ndi matsilu.+
Ndayo i bvaho kha muri ndi mahandana.+
9 Siḽiva i ḓa i tshi bva Tharasisi+ na musuku u tshi bva Ufatse,Ndi mushumo wa munna a re na vhutsila na wa ane a ita zwithu nga tsimbi.*
Zwiambaro zwazwo zwo itwa nga harane ya muvhala wa lutombo na wuḽu ya phephulu.
Zwoṱhe zwo itwa nga vhatsila.
10 Fhedzi Yehova ndi ene Mudzimu wa ngoho.
Ndi Mudzimu a tshilaho+ na Khosi ya lini na lini.+
Ḽifhasi ḽi ḓo dzinginyiswa nga mbiti dzawe,+A hu na tshaka dzine dza ḓo konḓelela u kaidzwa ngae.
11 * Zwine wa fanela u vha vhudza zwone ndi hezwi:
“Midzimu i songo sikaho ḽiṱaḓulu na ḽifhasiI ḓo fheliswa kha ḽifhasi i si tsha vha hone fhasi ha ḽiṱaḓulu.”+
12 Ndi ene we a sika ḽifhasi nga maanḓa awe,We a ita shango ḽo nonaho nga vhuṱali hawe,+We a ṱharamudza ḽiṱaḓulu nga ṱhalukanyo yawe.+
13 Musi a tshi ita uri zwine a khou amba zwi pfale,Maḓi a re kha ḽiṱaḓulu a a dzikuwa,+U ita uri makole a gonye a tshi bva magumoni a ḽifhasi.+
A ita uri hu vhe na lupenyo musi mvula i tshi na,A ḓisa muya u tshi bva maḓuluni awe.+
14 Vhathu vhoṱhe vha ḓifara nga nḓila ya vhutsilu i sumbedzaho u shaya nḓivho.
Vhoṱhe vhane vha ita zwithu nga tsimbi* vha ḓo shoniswa nga nṱhani ha zwifanyiso zwe vha zwi vhaḓa;+Ngauri zwifanyiso zwavho zwa tsimbi ndi mazwifhi,A zwi femi.+
15 Ndi mahandana, ndi zwa u goḓiwa.+
Musi ḓuvha ḽazwo ḽa u haṱulwa ḽi tshi swika, zwi ḓo fheliswa.
16 Mudzimu* wa Yakobo ha fani na hezwi zwithu,Ngauri ndi Ene o vhumbaho zwithu zwoṱhe,Na Isiraele ndi lubaḓa lwa ifa ḽawe.+
Dzina ḽawe ndi Yehova wa mavhuthu.+
17 Kuvhanganya khuni dzau dzi re fhasi,Iwe mufumakadzi o tangiwaho.
18 Yehova u ri:
“Nga tshino tshifhinga ndi khou pandela vhadzulapo kha ḽeneḽi shango,+Ndi ḓo ita uri vha pfe vhuṱungu.”
19 Khombo kha nṋe ngauri ndo huvhala!*+
Tshilonda tshanga a tshi fholi.
Ndo ri: “Ngangoho hovhu ndi vhulwadze hanga, ndi tea u vhu konḓelela.
20 Dennde ḽanga ḽo tshinyadzwa, na thambo dzoṱhe dza dennde ḽanga dzo ṱhukhukanywa.+
Vhana vhanga vho nṱutshela, a vha tsha vhuya.+
A hu tshee na ane a ḓo atha dennde ḽanga.
21 Ngauri vhalisa vho ita zwa vhutsilu,+A vho ngo vhudzisa uri Yehova u ri mini.+
Ndi ngazwo vha sa shumisi ṱhalukanyo,Masambi avho oṱhe o balanganywa.”+
22 Thetshelesani muvhigo!
Ndi bonyongo ḽi bvaho shangoni ḽa devhula,+Uri ḽi tshinyadze miḓi ya Yuda, i sale i haya ha phunguwe.+
23 Iwe Yehova, ndi a zwi ḓivha zwavhuḓi uri muthu ha na maanḓa a u langa nḓila dzawe.
Ha na maanḓa a u livhisa ṋayo dzawe.+
24 Iwe Yehova, nkaidze nga nḓila ine wa vhona yo tea,Fhedzi u songo zwi ita wo sinyuwa+ u sa ḓo mphelisa.+
25 Tevhulela mbiti dzau kha tshaka dzi si na ndavha na iwe+Na kha miṱa ine ya si vhidzelele dzina ḽau.
Ngauri yo ṱhasela Yakobo,+Yo mu ṱhasela lwe ya ṱoḓa na u mu fhelisa,+Yo tshinyadza shango ḽa hawe.+
Ṱhaluso dzi re magumoni a siaṱari
^ Kana “ḽikhavha.”
^ Kana “na wa mufuli wa tsimbi.”
^ U thomani ndimana 11 yo vha yo ṅwalwa nga Tshiaramiki.
^ Kana “Vhafuli vhoṱhe vha tsimbi.”
^ Thevhedz., “Mukovhe.”
^ Kana “vunḓea.”
