Yeremia 11:1-23
11 Yehova o amba na Yeremia a ri:
2 “Inwi vhathu, thetshelesani maipfi a hoyu mulanga!
“U* a vhudze vhanna vha Yuda na vhadzulapo vha Yerusalema
3 u vha vhudze uri, ‘Yehova Mudzimu wa Isiraele u ri: “Muthu a sa thetshelesi maipfi a hoyu mulanga u ḓo semiwa,+
4 maipfi e nda a vhudza vhomakhulukuku waṋu nga ḓuvha ḽe nda vha bvisa ngaḽo ngei shangoni ḽa Egipita,+ kha ṋanḓo i ṋokisaho tsimbi,+ nda ri, ‘Thetshelesani zwine nda amba, ni ite zwoṱhe zwine nda ni laya zwone; ndi hone ni tshi ḓo vha vhathu vhanga, nṋe nda vha Mudzimu waṋu,+
5 uri ndi kone u ita zwe nda anela vhomakhulukuku waṋu, uri ndi vha ṋee shango ḽi elelaho mafhi na mutoli,+ sa zwine zwa vha zwone ṋamusi.’”’”
Nda fhindula nda ri: “Nga zwi ralo,* Iwe Yehova.”
6 Ndi hone Yehova a tshi amba na nṋe a ri: “Ḓivhadza maipfi aya oṱhe miḓini ya Yuda na nḓilani dza Yerusalema, u ri: ‘Ipfani maipfi a hoyu mulanga, ni a tevhedze.
7 Ngauri ndo kaidza vhomakhulukuku waṋu nga ḓuvha ḽe nda vha bvisa ngaḽo shangoni ḽa Egipita u swika na ṋamusi, nda vha kaidza lunzhi-lunzhi nda ri: “Thetshelesani zwine nda amba.”+
8 Fhedzi a vho ngo thetshelesa kana u mpha nḓevhe; nṱhani hazwo, vho ita tshikhuna vha tevhela mbilu dzavho mmbi.+ Nga zwenezwo, nda ita uri zwe nda amba kha hoyu mulanga zwi itee khavho, ngauri a vho ngo tevhedza zwe nda vha laya.’”
9 Ndi hone Yehova a tshi amba na nṋe a ri: “Hu na tshimbevha kha vhanna vha Yuda na kha vhadzulapo vha Yerusalema.
10 Vho vhuyelela kha vhukhakhi ha vhomakhulukuku wavho, vhe vha hana u thetshelesa zwe nda amba.+ Na vhone vho tevhela miṅwe midzimu, vha i shumela.+ Vha nnḓu ya Isiraele na vha nnḓu ya Yuda vho pfuka mulanga wanga we nda u vhofha na vhomakhulukuku wavho.+
11 Nga zwenezwo, Yehova u ri, ‘Ndi khou vha ḓisela maṱungu+ ane vha sa ḓo kona u a ponyoka. Musi vha tshi mmbidzelela vha tshi ṱoḓa thuso, a thi nga vha thetshelesi.+
12 Ndi hone vha miḓi ya Yuda na vhadzulapo vha Yerusalema vha tshi ḓo ya vha ṋekedza midzimu zwiṱhavhelo,* vha humbela thuso khayo,+ fhedzi a i nga vha thusi musi vhe maṱunguni.
13 Ngauri midzimu yau yo anda vhunga miḓi yau, Iwe Yuda, na aḽeṱare dze wa dzi fhaṱela tshithu tshi shonisaho* dzo anda vhunga nḓila dza Yerusalema, aḽeṱare dzine wa ṋekedzela khadzo Baali zwiṱhavhelo.’+
14 “Vhenevha vhathu u* songo vha rabelela. U songo vha lilela kana u vha rabelela,+ ngauri a thi nga thetshelesi musi vha tshi mmbidzelela vhe maṱunguni.
15 Ane nda mu funa u na ndugelo ifhio ya u vha nḓuni yangaNgeno vhanzhi vho vhamba maano mavhi?
Naa ṋama khethwa* i ḓo u ponyokisa kha maṱungu ane a khou u ḓela?
Naa u ḓo pembela nga tshenetsho tshifhinga?
16 Yehova o vha a tshi u vhidza muri wa muṱwari wavhuḓi,Wo nakaho u re na mitshelo yavhuḓi.
A u fhisa a tshi ṱavha mukosi muhulu,Vho vunḓa matavhi awo.
17 “Yehova wa mavhuthu, we a u ṱavha,+ o ḓivhadza uri maṱungu a ḓo u ḓela nga nṱhani ha vhuvhi ho itwaho nga vha nnḓu ya Isiraele na vha nnḓu ya Yuda, vhe vha ntsinyusa nga u ṋekedza Baali zwiṱhavhelo.”+
18 Yehova o ita uri ndi zwi ḓivhe;Nga tshenetsho tshifhinga iwe wo ita uri ndi vhone zwe vha vha vha tshi khou ita.
19 Ndo vha ndi tshi nga ngwana i sa dini ine ya khou ya u ṱhavhiwa.
Ndo vha ndi sa zwi ḓivhi uri vha khou nnyitela tshikwekwe musi vha tshi ri:+
“Kha ri reme muri na mitshelo yawo,Kha ri mu vhulaye,Uri dzina ḽawe ḽi si tsha humbulwa.”
20 Fhedzi Yehova wa mavhuthu u haṱula nga zwivhuya;U ṱolisisa zwi re muhumbuloni* na zwi re mbiluni.+
Vha lifhedze ndi tshi zwi vhona,Ngauri mulandu wanga ndo u kumedzela iwe.
21 Yehova o amba hezwi nga ha vhanna vha Anathothe+ vhane vha khou ṱoḓa u u vhulaya vhane vha ri: “U songo porofita dzinani ḽa Yehova+ ngauri ri ḓo u vhulaya nga zwanḓa zwashu”;
22 nga zwenezwo, Yehova wa mavhuthu u ri: “Ndi ḓo vha sengisa. Vhaṱhannga vha ḓo vhulawa nga banga,+ vharwa vhavho na vhananyana vhavho vha ḓo fa nga nḓala.+
23 A hu na na muthihi ane a ḓo sala, ngauri ndi ḓo ḓisela vhanna vha Anathothe+ maṱungu nga ṅwaha une vha ḓo sengiswa ngawo.”
Ṱhaluso dzi re magumoni a siaṱari
^ Zwi vhonala u nga hu khou ambiwa na Yeremia.
^ Kana “Amen.”
^ Kana “vha dubisela midzimu zwiṱhavhelo.”
^ Kana “mudzimu u shonisaho.”
^ Ndi Yeremia.
^ Ndi zwiṱhavhelo zwine zwa ṋekedzwa thembeleni.
^ Kana “nḓila ine muthu a ḓipfa ngayo.” Thevhedz., “tswio.”
