Yeremia 12:1-17
12 Wo luga Iwe Yehova,+ musi ndi tshi u ḓisela tshililo tshanga,Musi ndi tshi amba na iwe nga ha khaṱhulo yo teaho.
Fhedzi ndi ngani vhavhi vha tshi bvelela,+Vha tshimbevha vha sa vhilaeli?
2 Wo vha ṱavha, vho ṱoka midzi.
Vho aluwa, vha aṋwa mitshelo.
Vha dzula vha tshi u amba, fhedzi mbiluni dzavho a vha na ndavha na iwe.+
3 Fhedzi u nḓivha zwavhuḓi, Iwe Yehova,+ u a mmbona;Wo ṱolisisa mbilu yanga, wa wana i tshi tendelana na iwe.+
U vha vhetshele thungo u fana na nngu dzine dza khou ya u ṱhavhiwa,U vha vhetshele thungo u itela ḓuvha ḽine vha ḓo vhulawa ngaḽo.
4 Shango ḽi ḓo oma u swika liniNa zwimela zwa masimuni oṱhe zwi ḓo puta u swika lini?+
Nga nṱhani ha vhuvhi ha vhane vha dzula khaḽo,Zwivhanda na zwiṋoni zwo vhulawa.
Ngauri vha amba uri: “Ha koni u vhona zwine zwa ḓo itea kha riṋe.”
5 Arali u tshi neta musi u tshi khou gidima na vhathu,U nga ita hani mbambe na bere?+
Naho u tshi ḓipfa wo tsireledzea shangoni ḽi re na mulalo,U ḓo tshila hani maḓakani a tsini na Yorodane?
6 Ngauri na vhahau, vhane vha vha vha muṱa wa khotsi au,Vho u itela tshimbevha.+
Vho u ṱavhela mukosi.
U songo vha fhulufhela,Naho vha u vhudza zwithu zwavhuḓi.
7 “Ndo ṱutshela nnḓu yanga;+ nda laṱa ifa ḽanga.+
Ane nda mu funa ndo mu kumedzela zwanḓani zwa maswina awe.+
8 Kha nṋe a re ifa ḽanga u vho tou nga ndau i re ḓakani.
O vhombela nṋe.
Nga zwenezwo, ndi vho mu vhenga.
9 Ifa ḽanga ḽi vho tou nga tshiṋoni* tsha mivhala-vhala kha nṋe;Zwiṅwe zwiṋoni* zwo tshi tanga, zwa tshi vutshela.+
Zwivhanda zwoṱhe zwa ḓaka kha zwi ḓe zwi kuvhangane,Kha zwi ḓe zwi ḽe.+
10 Vhalisa vhanzhi vho tshinyadza tsimu yanga ya minḓirivhe;+Vho kandekanya shango ḽanga.+
Vho ita uri shango ḽanga ḽavhuḓi ḽi vhe soga.
11 Ḽo no vha soga.
Ḽo oma;*Ḽo tshinyadzwa ndi tshi zwi vhona.+
Shango ḽoṱhe ḽo tshinyadzwa,Fhedzi a hu na ane a zwi dzhiela nṱha.+
12 Vhatshinyadzi vho ḓa nga nḓila* dza sogani,Ngauri banga ḽa Yehova ḽi khou vhulaya u bva mathomoni a shango u swika magumoni aḽo.+
A hu na ane a vha na mulalo.
13 Vho zwala goroi vha kaṋa mipfa.+
Vho sokou ḓinetisa, fhedzi vha si vhuyelwe nga tshithu.
Vha ḓo shoniswa nga zwe vha zwi kaṋaNgauri Yehova o vha sinyutshela zwihulu.”
14 Yehova u ri: “Vhahura vhanga vhoṱhe vhavhi, vhe vha kwama ifa ḽe nda ṋea vhathu vhanga vha Isiraele,+ ndi ḓo vha tupula kha shango ḽavho,+ ndi ḓo tupula nnḓu ya Yuda vhukati havho.
15 Musi ndo no vha tupula, ndi ḓo dovha nda vha pfela vhuṱungu, nda dovha nda vhuyedzedza muṅwe na muṅwe wavho kha ifa ḽawe na kha shango ḽawe.”
16 “Arali vha ita vhungoho ha uri vha a guda nḓila dza vhathu vhanga na u ana nga dzina ḽanga vha ri, ‘Ndi ana nga Yehova a tshilaho!’ samusi vho funza vhathu vhanga u ana nga Baali, ndi hone vha tshi ḓo fhaṱutshedzwa na vhathu vhanga.
17 Fhedzi arali vha hana u thetshelesa, ndi ḓo dovha nda tupula na lwonolwo lushaka, ndi ḓo lu tupula, nda lu fhelisa,” u ralo Yehova.+
Ṱhaluso dzi re magumoni a siaṱari
^ Ndi zwiṋoni zwine zwa ḽa ṋama.
^ Ndi tshiṋoni tshine tsha ḽa ṋama.
^ Kana khamusi, “Ḽo ṱungufhala.”
^ Kana “nḓila dzo vhaisalaho.”
