Yeremia 13:1-27
13 Yehova o amba na nṋe a ri: “Tshimbila u ye u ḓirengele bannda ḽa ḽinene u ḽi vhofhe khunduni, fhedzi u songo ḽi dzhenisa maḓini.”
2 Nda renga bannda sa zwe Yehova a nndaedza, nda ḽi vhofha khunduni.
3 Yehova a dovha a amba na nṋe a ri:
4 “Dzhia bannda ḽe wa ḽi renga, ḽe wa ḽi vhofha, u takuwe u ye ngei Yufuratha, u swike u ḽi dzumbe henefho kha phara ya tombo ḽihulu.”
5 Nda ya nda ḽi dzumba ngei Yufuratha sa zwe Yehova a nndaedza.
6 Musi ho no fhela maḓuvha manzhi Yehova a amba na nṋe a ri: “Takuwa u ye ngei Yufuratha, u ye u dzhie ḽiḽa bannda ḽe wa ḽi dzumba henengei.”
7 Nda ya ngei Yufuratha nda fukula ḽiḽa bannda he nda vha ndo ḽi dzumba hone, nda wana ḽo ṱahala; ḽi si tshee na mushumo.
8 Ndi hone Yehova a tshi amba na nṋe a ri:
9 “Yehova u ri, ‘Ndi ḓo fhelisa u ḓihudza ha Yuda na u ḓihudza ho kalulaho ha Yerusalema nga nḓila i fanaho.+
10 Vhenevha vhathu vhavhi vhane vha hana u thetshelesa zwine nda amba,+ vhane vha ita swili vha tevhela zwine mbilu dzavho dza funa,+ vha tevhela miṅwe midzimu, vha i shumela na u i gwadamela, vha ḓo nga ḽeneḽi bannda ḽi si tsha vha ho na mushumo.’
11 ‘Ngauri vhunga bannda ḽi tshi vhofhiwa khunduni dza muthu, ndo vhofha vha nnḓu yoṱhe ya Isiraele na vha nnḓu yoṱhe ya Yuda kha khundu dzanga uri vha vhe vhathu vhanga,+ vha dzina ḽanga,+ na thendo dzanga na tshithu tshavhuḓi. Fhedzi vha si thetshelese,’ u ralo Yehova.+
12 “U dovhe u vha vhudze na hoyu mulaedza une wa ri, ‘Yehova Mudzimu wa Isiraele u ri: “Mvuvhelo dzoṱhe khulwane dzi fanela u ḓadzwa nga waini.”’ Vha tshi u fhindula vha ḓo ri, ‘Naa a ri zwi ḓivhi uri mvuvhelo dzoṱhe khulwane dzi fanela u ḓadzwa nga waini?’
13 U vha vhudze u ri, ‘Yehova u ri: “Ndi ḓo ita uri vhadzulapo vhoṱhe vha ḽeneḽi shango,+ mahosi o dzulaho kha khuluṋoni ya Davida, vhotshifhe na vhaporofita, na vhadzulapo vhoṱhe vha Yerusalema vha kambiwe.
14 Ndi ḓo ita uri vhokhotsi na vharwa vha kuḓane,” u ralo Yehova.+ “A thi nga vha pfeli vhuṱungu kana u vha lilela kana u vha khathutshela; a hu na tshine tsha ḓo nthivhela uri ndi vha fhelise.”’+
15 Thetshelesa, u zwi dzhiele nṱha.
U songo ḓikukumusa, ngauri ho amba Yehova.
16 Renda Yehova Mudzimu wauA sa athu u ḓisa swiswiMilenzhe yau i sa athu u khukhulwa dzithavhani musi ḽi tshi vho swifhala.
Wo lavhelela tshedza,Fhedzi u ḓo tshi ita uri tshi vhe swiswi ḽihulu;A tshi ita uri tshi vhe swiswi ḽitswu-ḽitswu.+
17 Arali wa hana u thetshelesa,Ndi ḓo lila tshiphirini nga nṱhani ha u ḓikukumusa hau.
Ndi ḓo lila nga maanḓa, maṱo anga a tsengisa miṱodzi,+Ngauri sambi ḽa Yehova+ ḽo thubiwa.
18 Vhudza khosi na mme ayo*+ uri, ‘Dzulani kha vhuimo ha fhasi,Ngauri khare dzaṋu dzavhuḓi dzi ḓo wa nṱha ha ṱhoho dzaṋu.’
19 Miḓi ya tshipembe yo valwa,* a hu na ane a nga i vula.
Vhayuda vhoṱhe vho iswa vhuthubwani, vhoṱhe vho thubiwa.+
20 Lavhelesa u vhone vhane vha khou ḓa vha tshi bva devhula.+
Ḽi gai sambi ḽe wa ṋewa ḽone, nngu dzau dza u naka?+
21 U ḓo ita mini musi u tshi pfiswa vhuṱunguNga vha re khonani dzau dza tsini u bva kale?+
Naa u nga si ḓelwe nga vhuṱungu ha u beba, u fana na mufumakadzi a tshi khou vhofholowa?+
22 Musi u tshi humbula u ri, ‘Ndi ngani zwenezwi zwithu zwo nngwela?’+
Ndi vhukhakhi hau vhuhulu he ha ita uri u bvulwe zwiambaro zwau+Na uri zwirethe zwau zwi huvhadzwe.
23 Naa Mukushi* a nga shandula lukanda lwawe kana nngwe ya shandula mavhala ayo?+
Arali zwo ralo, na iwe u nga ita zwivhuya,Iwe wo gudiswaho u ita vhuvhi.
24 Nga zwenezwo, ndi ḓo vha balanganya sa hatsi ho vhudzulwaho nga muya wa sogani.+
25 Ndi zwine zwa ḓo itea kha iwe, ndi wone mukovhe une nda ḓo u ṋea wone,” u ralo Yehova,“Ngauri wo nkhangwa+ wa fhulufhela mazwifhi.+
26 Nga zwenezwo, ndi ḓo u pengula zwiambaro zwau zwa u thivha tshifhaṱuwo,Ha vhonala ṱhoni dzau,+
27 Ha vhonala mishumo yau ya vhupombwe+ na ya u emula,Na u rengisa hau muvhili hu shonisaho.
Zwikwarani na masimuni,Ndo vhona vhuḓifari hau vhu nengisaho.+
Khombo, Iwe Yerusalema!
U ḓo dzula u na tshika u swika lini?”+
