Yeremia 15:1-21
15 Yehova a amba na nṋe a ri: “Naho Mushe na Samuele vha vhe vho ima phanḓa hanga,+ havha vhathu ndo vha ndi nga si vha takalele. Vha pandele phanḓa hanga. Vha litshe vha ṱuwe.
2 Arali vha amba na iwe vha ri, ‘Ri ṱuwe ri ye ngafhi?’ U vha vhudze uri, ‘Yehova o ri:
“Vhaṅwe kha vha fe nga vhulwadze!
Vhaṅwe vha vhulawe nga banga!+
Vhaṅwe vha fe nga nḓala!
Vhaṅwe vha iswe vhuthubwani!”’+
3 “‘Ndi ḓo vha ḓisela maṱungu maṋa,’*+ u ralo Yehova, ‘banga ḽa u vha vhulaya, mmbwa dza u vha khwikhwidza, zwiṋoni na zwivhanda zwine zwa ḓo vha ḽa zwa vha fhedza.+
4 Ndi ḓo ita uri vha ofhise kha mivhuso yoṱhe ya ḽifhasi+ nga nṱhani ha zwe Manase murwa wa Hiskia, khosi ya Yuda a zwi ita ngei Yerusalema.+
5 Iwe Yerusalema, ndi nnyi ane a ḓo u pfela vhuṱungu,Ndi nnyi ane a ḓo lila na iwe,Ndi nnyi ane a ḓo u vhudzisa mutakalo?’
6 ‘Wo nndaṱa,’ u ralo Yehova.+
‘U dzulela u ntshandukela.*+
Ndi ngazwo ndi tshi ḓo imisa tshanḓa tshanga nda u fhelisa.+
Ndo neta nga u u pfela vhuṱungu.*
7 Ndi ḓo vha fhefhera nga forogo khoroni dza shango.
Ndi ḓo ita uri vha felwe nga vhana.+
Ndi ḓo fhelisa vhathu vhanga,Samusi vha tshi hana u rembuluwa kha nḓila dzavho.+
8 Tshilikadzi dzavho dzi ḓo ḓala phanḓa hanga u fhira muṱavha wa lwanzhe.
Ndi ḓo vha ḓisela muthu ane a ḓo vha fhelisa nga masiari, a fhelisa vhomme na vhaṱhannga.
Ndi ḓo ṱavhanya nda vha ḓisela khombo na zwi ofhisaho.
9 O ṋoka mufumakadzi o bebaho vhana vha sumbe;Ha tsha kona u fema zwavhuḓi.
Ḓuvha ḽawe ḽo kovhela hu tshee nga masiari,Ḽo shona na u nyadzea.’
‘Vha si gathi vho salahoNdi ḓo vha vhulaya nga banga phanḓa ha maswina avho,’ u ralo Yehova.”+
10 Mme anga, ndo welwa nga khombo, ngauri ndi iwe we wa mbeba,+Ndi muthu ane a lwa na u itela shango ḽoṱhe khakhathi.
A thi athu u hadzima kana u hadzimiwa;Fhedzi vhoṱhe vho ntsema.
11 Yehova o ri: “Ndi ḓo u shumela lini na lini;Ndi ḓo u lamulela tshifhingani tsha maṱungu,Tshifhingani tsha u tsikeledzwa nga swina.
12 Naa hu na ane a nga vunḓekanya tsimbi,Tsimbi na koporo zwi bvaho devhula?
13 Ndi ḓo ita uri thundu yau na lupfumo lwau zwi thubiwe,+Vha ḓo zwi dzhia nga mahala nga nṱhani ha zwivhi zwau zwoṱhe mashangoni au oṱhe.
14 Ndi ḓo zwi ṋea maswina auUri a zwi ise shangoni ḽine u si ḽi ḓivhe.+
Mbiti dzanga dzo funga mulilo,U ḓo u fhisa.”+
15 U a zwi ḓivha, Iwe Yehova,Nkhumbule, u nthetshelese.
U nndifhedzele kha vha ntovholaho.+
U songo tenda ndi tshi fa nga nṱhani ha u lenga hau u sinyuwa.
U ḓivhe uri ndi khou semelwa iwe.+
16 Musi ndi tshi wana maipfi au, ndo a ḽa;+Nda takala na u pembelela ipfi ḽau mbiluni yanga,Ngauri ndi vhidzwa nga dzina ḽau, Iwe Yehova Mudzimu wa mavhuthu.
17 A tho ngo dzula na vhathu vhe kha madakalo avho, a tho ngo takala navho.+
Ndi dzula ndi ndoṱhe, ngauri tshanḓa tshau tshi kha nṋe,Ngauri wo ita uri ndi ḓalelwe nga mbiti.*+
18 Ndi ngani vhuṱungu hanga vhu sa fheli na tshilonda tshanga tshi sa fholi?
A tshi alafhei.
Naa kha nṋe u ḓo tou nga tshisima tsha maḓi tshi si tsha vhukumaTshine muthu a si tshi fhulufhele?
19 Nga zwenezwo, Yehova u ri:
“Arali wa vhuya, ndi hone ndi tshi ḓo u vusulusa,U ḓo ima phanḓa hanga.
Arali wa fhambanyisa zwa ndeme kha zwi si na mushumo,U ḓo vha muambeli wanga.*
Vha fanela u ḓa kha iwe,Fhedzi iwe u nga si ye khavho.”
20 “Ndi khou u ita luvhondo lwo khwaṱhaho lwa koporo kha avha vhathu.+
Vha ḓo lwa na iwe,Fhedzi vha nga si u kunde,+Ngauri ndi na iwe, uri ndi u tshidze na u u lamulela,” u ralo Yehova.
21 “Ndi ḓo u lamulela tshanḓani tsha muvhiNdi ḓo u rengulula tshanḓani tsha wa tshiṱuhu.”
Ṱhaluso dzi re magumoni a siaṱari
^ Kana khamusi, “khaṱhulo nṋa.”
^ Kana khamusi, “U dzulela u humela murahu.”
^ Kana “u ḓisola.”
^ Kana “mulaedza wa khaṱhulo.”
^ Kana “U ḓo nga mulomo wanga.”
