Yeremia 16:1-21
16 Yehova a dovha a amba na nṋe, a ri:
2 “U songo vhinga, u songo beba vharwa na vhananyana afha fhethu.
3 Zwe Yehova a zwi amba nga ha vharwa na vhananyana vhane vha bebwa fhano na vhomme avho na vhokhotsi avho vhe vha vha bebela kha ḽino shango, ndi hezwi:
4 ‘Vha ḓo vhulawa nga malwadze a vhulayaho,+ fhedzi a hu na ane a ḓo vha lilela kana u vha vhulunga; vha ḓo nga manyoro mavuni.+ Vha ḓo vhulawa nga nḓala+ na banga, zwitumbu zwavho zwi ḓo vha zwiḽiwa zwa zwiṋoni na zwa zwivhanda.’
5 Ngauri Yehova u ri,‘U songo dzhena nḓuni ine ha vha na tshimima tsha vhalidzi,U songo ya wa lila kana u vha khuthadza.’+
‘Ngauri ndo dzhia mulalo wanga kha avha vhathu,’ u ralo Yehova,‘Na lufuno lwanga lu sa shanduki na u khathutshela hanga.+
6 Vhahulwane na vhaṱuku vha ḓo fa kha heḽi shango.
A vha nga vhulungwi,A hu na ane a ḓo vha lilela,Kana ane a ḓo ḓitshea kana u ḓivheula ṱhoho a tshi itela vho faho.*
7 A hu na ane a ḓo ṋea vhane vha khou lila zwiḽiwa,U itela u vha khuthadza nge vha felwa;Kana u vha ṋea tshinwelo tsha waini u itela u vha khuthadzaUri vha nwe nge vha felwa nga khotsi avho kana mme avho.
8 U songo dzhena nḓuni ine ha vha na tshimimaU itela u dzula wa ḽa na u nwa navho.’
9 “Ngauri zwe Yehova wa mavhuthu, Mudzimu wa Isiraele a zwi amba, ndi hezwi, ‘Afha fhethu, ndi ḓo fhelisa u pembela na u takala na ipfi ḽa mukwasha na ḽa muselwa misini yau u tshi zwi vhona.’+
10 “Musi u tshi vhudza vhenevha vhathu enea mafhungo, vha ḓo vhudzisa vha ri, ‘Ndi ngani Yehova a tshi amba uri ri ḓo ḓelwa nga enea maṱungu mahulu? Ndi vhukhakhi vhufhio na tshivhi zwe ra zwi itela Yehova Mudzimu washu?’+
11 U vha fhindule u ri, ‘“Ngauri vhomakhulukuku waṋu vho nndaṱa,”+ u ralo Yehova, “vha tevhela miṅwe midzimu vha i shumela na u i gwadamela.+ Vha nndaṱa, vha si tevhedze mulayo wanga.+
12 No ita vhuvhi vhu fhiraho ha vhomakhulukuku waṋu,+ muṅwe na muṅwe waṋu u tevhela mbilu yawe mmbi ya tshipimbi nṱhani ha u thetshelesa nṋe.+
13 Ndi ḓo ni pandela kha ḽino shango nda ni laṱela kha ḽiṅwe shango ḽine ni si ḽi ḓivhe+ na ḽe vhomakhulukuku waṋu vha si ḽi ḓivhe, henefho ni ḓo shumela miṅwe midzimu masiari na vhusiku,+ ngauri a thi nga ni khathutsheli.”’
14 “‘Naho zwo ralo, hu ḓa maḓuvha,’ Yehova u ralo, ‘ane vha si tsha ḓo ri: “Ri ana nga Yehova a tshilaho, we a bvisa Vhaisiraele shangoni ḽa Egipita!”+
15 nṱhani hazwo vha ḓo ri: “Ri ana nga Yehova a tshilaho, we a vhuisa Vhaisiraele vha tshi bva shangoni ḽa devhula na mashangoni oṱhe e a vha o vha balanganyela khao!” ndi ḓo vha vhuisa shangoni ḽavho, ḽe nda ḽi ṋea vhomakhulukuku wavho.’+
16 ‘Ndi ḓo ruma vharei vhanzhi vha khovhe,’ Yehova u ralo,‘Vha ḓo vha fasha.
Nga murahu ndi ḓo ruma vhazwimi vhanzhi,Vha ḓo vha zwima kha thavha iṅwe na iṅwe na kha tshikwara tshiṅwe na tshiṅweNa phakhoni dza matombo mahulu.
17 Ngauri maṱo anga o lavhelesa zwoṱhe zwine vha ita.*
A hu na tshine vha nga ndzumbela,Na vhukhakhi havho vha nga si ndzumbele.
18 Ndi ḓo thoma nga u vha lifhedza vhukhakhi havho na tshivhi tshavho,+Ngauri vho tshikafhadza shango ḽanga nga midzimu yavho i nengisaho ya zwifanyiso i sa tshiliIfa ḽanga vho ḽi ḓadza zwithu zwi nengisaho.’”+
19 Iwe Yehova, nungo dzanga na dzhavhelo ḽanga,Vhushavhelo hanga tshifhingani tsha maṱungu,+Tshaka dzoṱhe dzi ḓo ḓa ha iwe dzi tshi bva magumoni a ḽifhasi,Dza ri: “Ifa ḽa vhomakhulukuku washu ḽo vha ḽi mazwifhi,Ḽi mahandana na zwithu zwi si na mushumo, zwi sa vhuyedzi tshithu.”+
20 Naa muthu a nga ḓiitela midzimu?
Zwine a ita a si midzimu ya vhukuma.+
21 “Ndi ngazwo ndi tshi ḓo ita uri vha ḓivheMaanḓa anga na nungo dzanga nga tshenetshi tshifhinga,Vha ḓo ḓivha uri dzina ḽanga ndi Yehova.”
Ṱhaluso dzi re magumoni a siaṱari
^ Ndi mikhuvha ya vhahedeni ine zwa vhonala u nga i tevhedzwa nga lushaka lwa Isiraele lwo guneaho.
^ Thevhedz., “nḓila dzavho dzoṱhe.”
