Yeremia 20:1-18
20 Phashuri murwa wa Imere we a vha e tshifhe, we a vha a tshi ranga phanḓa nḓuni ya Yehova, o vha o thetshelesa musi Yeremia a tshi khou porofita zwenezwo zwithu.
2 Phashuri a rwa muporofita Yeremia, a mu pata nga mabulannga+ e a vha e Khoroni ya Nṱha ya Benyamini, i re nḓuni ya Yehova.
3 Fhedzi nga ḓuvha ḽi tevhelaho musi Phashuri a tshi patulula Yeremia, Yeremia o amba nae a ri:
“Yehova ho ngo u rina dzina ḽa Phashuri, fhedzi o ri u pfi Nyofho Thungo Dzoṱhe.+
4 Ngauri Yehova o ri, ‘Ndi ḓo ita uri u ḓiofhe na khonani dzau dzoṱhe dzi u ofhe, vha ḓo vhulawa nga banga ḽa maswina avho iwe wo lavhelesa;+ ndi ḓo kumedzela vhoṱhe vha muḓi wa Yuda zwanḓani zwa khosi ya Babele, ya vha isa vhuthubwani ngei Babele, ya vha vhulaya nga banga.+
5 Lupfumo lwoṱhe lwa hoyu muḓi na thundu yawo yoṱhe na zwithu zwawo zwoṱhe zwavhuḓi na madzanga oṱhe a khosi ya Yuda ndi ḓo zwi kumedza maswina.+ Vha ḓo zwi thuba vha zwi dzhia vha zwi isa Babele.+
6 Iwe Phashuri na vhoṱhe vhane vha dzula nḓuni yau, ni ḓo ya vhuthubwani. U ḓo ya Babele, wa fela henengei, wa vhulungwa henengei na khonani dzau dzoṱhe, ngauri wo vha porofitela mazwifhi.’”+
7 Wo mphura, Iwe Yehova, nṋe nda fhurea.
Wo shumisa maanḓa au kha nṋe, wa bvelela.+
Ndi ṱwa ndi tshi seiwa;Vhoṱhe vha a ngoḓa.+
8 Ngauri tshifhinga tshoṱhe musi ndi tshi amba, ndi ṱavha mukosi nda ri,“Khakhathi na u fheliswa!”
Ngauri ipfi ḽa Yehova ḽo ita uri nṋe ndi semiwe na u ṱwa ndi tshi kolelwa.+
9 Ndi hone ndi tshi ri: “A thi nga ambi nga hae,A thi tsha ḓo amba nga ha dzina ḽawe.”+
Fhedzi mbiluni yanga, ipfi ḽawe ḽa nga mulilo u re maramboni anga,Nda si tsha kona u ḓifara;Nda si tsha kona u konḓelela.+
10 Ngauri ndo pfa mafhungo manzhi a si avhuḓi;Ndo tshuwa.+
“Mu vhoneni mulandu, kha ri mu vhone mulandu!”
Vhoṱhe vhe vha ri mulalo kha nṋe vho vha vha tshi ṱoḓa u vhona ndi tshi wa, vha tshi ri:+
“Khamusi u ḓo khakha,Ri nga mu kunda, ra mu lifhedza.”
11 Fhedzi Yehova o vha e na nṋe sa muhali a ofhisaho.+
Ndi ngazwo vhane vha ntovhola vha tshi ḓo wa vha si kunde.+
Vha ḓo shoniswa zwihulu, vha nga si bvelele.
Nḓila ye vha shoniswa ngayo a i nga hangwiwi.+
12 Iwe Yehova wa mavhuthu, u ṱolisisa muvhuya;U vhona zwi re muhumbuloni* na zwi re mbiluni.+
Vha lifhedze ndi tshi zwi vhona,+Ngauri mulandu wanga ndo u kumedzela iwe.+
13 Imbelani Yehova! Rendani Yehova!
Ngauri o tshidza mushai zwanḓani zwa vhaitazwivhi.
14 Nga hu semiwe ḓuvha ḽe nda bebwa ngaḽo!
Ḓuvha ḽe mme anga vha mbeba ḽi songo fhaṱutshedzwa!+
15 Nga hu semiwe munna we a ḓa a vhudza khotsi anga mafhungo maḓifha, a ri:
“Wo bebelwa murwa!”
A mu ita uri a takale vhukuma.
16 Ngavhe onoyo muthu a tshi nga miḓi ye ya fheliswa nga Yehova a sa ḓisoli.
Ngavhe a tshi pfa tshililo nga matsheloni na mukosi nga masiari.
17 Ndi ngani a songo mmbulaya mbumbeloni ya mme anga,Uri mme anga vha vhe vhiḓa ḽangaVha ḓi dzula vho ḓihwala nga nṋe?+
18 Naa ndo bebelwaUri ndi vhone khakhathi na u pfa vhuṱungu,Na uri ndi shone vhutshilo hanga hoṱhe?+
Ṱhaluso dzi re magumoni a siaṱari
^ Kana “nḓila ine muthu a ḓipfa ngayo.” Thevhedz., “tswio.”
