Yeremia 21:1-14
21 Yehova a amba na Yeremia musi Khosi Tsedekia+ a tshi ruma Phashuri+ murwa wa Malakia na tshifhe Tsefanya+ murwa wa Maaseya, uri vha ri:
2 “Ri khou humbela u vhudziselwa kha Yehova, ngauri Khosi Nebukadanetsara wa Babele u khou lwa na riṋe.+ Khamusi Yehova u ḓo ri itela vhuṱolo uri a ri litshe.”+
3 Yeremia a amba navho a ri: “Ni vhudze Tsedekia uri,
4 ‘Yehova Mudzimu wa Isiraele u ri: “Zwiṱhavhane zwa nndwa zwe na zwi fara zwine na khou lwa ngazwo na khosi ya Babele+ na Vhakaladea vha re nnḓa ha luvhondo vhe vha ni tanga ndi ḓo ita uri zwi huvhadze* inwi vhaṋe. Ndi ḓo zwi kuvhanganya vhukati ha muḓi.
5 Ndi ḓo imisa tshanḓa tshanga tsha maanḓa uri ndi lwe na inwi+ ndo sinyuwa na u halifha, ndi na mbiti khulu.+
6 Ndi ḓo vhulaya vhadzulapo vha uno muḓi, vhathu na zwivhanda. Vha ḓo fa nga dwadze ḽihulu.”’+
7 “‘“Nga murahu ha zwenezwo,” u ralo Yehova, “ndi ḓo kumedzela Khosi Tsedekia wa Yuda na vhashumeli vhawe na vhathu vha uno muḓi, vhe vha ponyoka dwadze, banga na nḓala, zwanḓani zwa Khosi Nebukadanetsara wa Babele, zwanḓani zwa maswina avho, na zwanḓani zwa vhane vha ṱoḓa u vha vhulaya.+ U ḓo vha vhulaya nga banga. Ha nga vha pfeli vhuṱungu, ha nga vha vhavhaleli kana u vha khathutshela.”’+
8 “U vhudze havha vhathu uri, ‘Yehova u ri: “Phanḓa hau ndi vhea nḓila i isaho vhutshiloni na nḓila i isaho lufuni.
9 Vhane vha sala kha wonoyu muḓi vha ḓo vhulawa nga banga, nga nḓala na nga dwadze. Fhedzi ane a bvela nnḓa, a ḓikumedzela kha Vhakaladea vhe vha ni tanga u ḓo tshila, u ḓo tsireledza vhutshilo hawe.”’+
10 “‘“Ngauri ndi ḓisa khombo kha wonoyu muḓi hu si zwivhuya,”+ u ralo Yehova. “Wonoyo muḓi u ḓo kumedzelwa zwanḓani zwa khosi ya Babele,+ i ḓo u fhisa nga mulilo.”+
11 “‘Kha inwi vha muṱa wa khosi ya Yuda ndi ri: Ipfani zwine Yehova a amba.
12 Inwi vha nnḓu ya Davida, Yehova u ri:
“Haṱulani nga nḓila yo teaho ḓuvha ḽiṅwe na ḽiṅwe,Ni tshidze ane a khou fhuriwa zwanḓani zwa mufhuri,+Uri mbiti dzanga dzi si duge sa mulilo+Ha si vhe na ane a nga u dzimaNga nṱhani ha mishumo yaṋu mivhi.”’+
13 ‘Ndo u sinyutshela, Iwe mudzulapo wa govhani,Iwe wo dzulaho muḓini u re kha tombo,’ u ralo Yehova.
‘Iwe ane a ri: “Ndi nnyi ane a ḓo tsa a lwa na riṋe?
Ndi nnyi ane a ḓo tshoṱela mahaya ashu?”
14 Ndi ḓo u sengisaU ya nga zwo teaho mishumo yau,’+ u ralo Yehova.
‘Ndi ḓo fhisa ḓaka ḽau,Wonoyo mulilo u ḓo fhisa zwoṱhe zwi re tsini nawo.’”+
Ṱhaluso dzi re magumoni a siaṱari
^ Kana “humele kha.”
