Yeremia 22:1-30
22 Yehova u ri: “Iya nḓuni* ya khosi ya Yuda u ise hoyu mulaedza.
2 U ambe u ri, ‘Ipfa zwine Yehova a amba, Iwe khosi ya Yuda wo dzulaho kha khuluṋoni ya Davida, iwe na vhashumeli vhau na vhathu vhau, vhane vha dzhena nga hedzi khoro.
3 Yehova u ri: “Haṱulani nga nḓila yo teaho na nga zwivhuya. Lamulelani ane a khou fhurwa zwanḓani zwa mufhuri. Ni songo tambudza mutsinda, na u vhaisa ṅwana a si na khotsi* kana tshilikadzi.+ Ni songo shulula malofha a si na mulandu henefha fhethu.+
4 Arali na tevhedza zwenezwi, ndi hone mahosi o dzulaho kha khuluṋoni ya Davida+ a tshi ḓo dzhena nga khoro dza pfamo, o ṋamela dzigariki na bere, e na vhashumeli vhao na vhathu vhao.”’+
5 “‘Fhedzi arali na sa thetshelesa enea maipfi, ndi ana nga nṋe muṋe,’ u ralo Yehova, ‘uri heyi pfamo i ḓo vha shubi.’+
6 “Ngauri Yehova o amba hezwi nga ha pfamo ya khosi ya Yuda,‘U tou nga Giḽiada kha nṋe,U tou nga thavha ya Libanoni.
Fhedzi ndi ḓo u ita soga;A hu na na muḓi na muthihi wau une wa ḓo dzulwa.+
7 Ndi ḓo rumela* vhatshinyadzi uri vha ḓe vha u tshinyadze,Muṅwe na muṅwe e na zwiṱhavhane zwawe.+
Vha ḓo rema miṱaululo yau yavhuḓiVha i posa muliloni.+
8 “‘Vhathu vha tshaka nnzhi vha ḓo fhira tsini na wonoyu muḓi vha amba nga tshavho vha ri: “Ndi ngani Yehova o ita zwenezwi zwithu kha wonoyu muḓi muhulu?”+
9 Ndi hone vha tshi ḓo fhindula vha ri: “Ndi ngauri vho laṱa mulanga wa Yehova Mudzimu wavho, vha gwadamela miṅwe midzimu na u i shumela.”’+
10 U songo lilela o faho,U songo mu pfela vhuṱungu.
Nṱhani hazwo, ane a khou ṱuwa u mu lilele zwihulu,Ngauri ha tsha ḓo vhuya uri a vhone shango ḽe a bebelwa khaḽo.
11 “Ngauri zwe Yehova a amba nga ha Shalumu*+ murwa wa Yosia, khosi ya Yuda ane a khou vhusa vhudzuloni ha khotsi awe Yosia,+ we a pfuluswa henefha fhethu, ndi hezwi: ‘Ha tsha ḓo dovha a vhuya fhano.
12 Ngauri u ḓo fela henengei vhuthubwani he a iswa hone, ha tsha ḓo dovha a vhona heḽi shango.’+
13 Khombo kha ane a fhaṱa nnḓu yawe nga u sa fhulufhedzeaAne a fhaṱa kamara dzawe dza nṱha a si na khaṱhulo yo teaho,Ane a shumisa muṅwe a si mu ṋee tshithu,A hana u mu holela;+
14 Ane a ri: ‘Ndi ḓo ḓifhaṱela nnḓu khuluIne ya vha na kamara dza nṱha khulwane.
Ndi ḓo i dzhenisa mafasiṱereNda nambatedza mabulannga a muṱaululo kha mbondo, nda i pennda nga muvhala mutswuku.’
15 Naa u ḓo bvela phanḓa u tshi vhusa ngauri u fhira vhaṅwe nga u shumisa muṱaululo?
Khotsi au o ḽa na u nwa,Naho zwo ralo, o haṱula nga nḓila yo teaho, a ita zwivhuya,+Zwa mu tshimbilela.
16 O imelela ane a khou tambula na mushai tsengoni,Ndi ngazwo zwo mu tshimbilela.
‘Naa a si zwine u ḓivha nṋe zwa amba zwone?’ u ralo Yehova.
17 ‘Fhedzi maṱo au na mbilu yau zwi kha u ḓivhuyedza nga vhufhura,U shulula malofha a si na mulandu,Na u fhura na u dzhiela vhaṅwe zwithu.’
18 “Zwe Yehova a amba nga ha Yehoyakimi+ murwa wa Yosia, khosi ya Yuda ndi hezwi,‘A vha nga mu lileli vha ri:
“Yowee, ṅwana wahashu! Yowee, khaladzi anga!”
A vha nga mu lileli vha ri:
“Yowee, Iwe muṋe wanga! Yowee, vhugala hawe!”
19 U ḓo vhulungwa sa donngi,+A kokodzwa a poswa kuleNnḓa ha khoro dza Yerusalema.’+
20 Gonya u ye Libanoni u huwelele,U ṱavhe mukosi u ngei Bashani,U huwelele u ngei Abarimi,+Ngauri vhafunwa vhau vhoṱhe vho fheliswa.+
21 Ndo amba na iwe musi u tshi kha ḓi ḓipfa wo tsireledzea.
Fhedzi wa ri, ‘A thi nga thetshelesi.’+
Wo ita zwenezwi u bva u tshee muswa,Ngauri a wo ngo nthetshelesa.+
22 Muya u ḓo lisa vhalisa vhau vhoṱhe,+Vhafunwa vhau vha ḓo iswa vhuthubwani.
Ndi hone u tshi ḓo shoniswa na u nyadziwa nga nṱhani ha zwoṱhe zwo u welaho.
23 Iwe ane a dzula ngei Libanoni,+Wo dzulaho vhukati ha miṱaululo,+U ḓo gomela musi maṱungu a tshi u ḓela,Vhuṱungu vhu fanaho na ha mufumakadzi a tshi khou beba!”+
24 “‘Ndi ana nga vhutshilo hanga,’ u ralo Yehova, ‘naho arali Konya*+ murwa wa Yehoyakimi,+ khosi ya Yuda, o vha e rinngi ya u swaya i re tshanḓani tshanga tsha u ḽa, ndo vha ndi tshi ḓo mu bvula!
25 Ndi ḓo u kumedzela zwanḓani zwa vhathu vhane vha ṱoḓa u u vhulaya, zwa vhane wa vha ofha, zwa Khosi Nebukadanetsara wa Babele na zwa Vhakaladea.+
26 Ndi ḓo isa iwe na mme au kha ḽiṅwe shango ḽe na si bebelwe khaḽo, na fela khaḽo.
27 A vha tsha ḓo vhuyelela kha shango ḽine vha ḽi funa.+
28 Naa Konya u sokou vha munyadziwa, bodo yo kwasheaho,Mudzio une wa si funwe nga muthu?
Ndi ngani ene na vhaḓuhulu vhawe vho poswa fhasiVha iswa kha shango ḽine vha si ḽi ḓivhe?’+
29 Iwe ḽifhasi,* ḽifhasi, ḽifhasi, ipfa zwine Yehova a amba.
30 Yehova u ri:
‘Ṅwalani hoyu munna sa a si na vhana,Sa munna ane a sa ḓo bvelela vhutshiloni* hawe,Ngauri a hu na na muḓuhulu wawe na muthihi ane a ḓo bvelelaA dzula kha khuluṋoni ya Davida na u dovha a vhusa Yuda.’”+
Ṱhaluso dzi re magumoni a siaṱari
^ Kana “pfamoni.”
^ Kana “tshisiwana.”
^ Thevhedz., “khetha.”
^ U dovha a pfi Yoahasi.
^ U dovha a pfi Yehoyakini kana Yekonya.
^ Kana “shango.”
^ Thevhedz., “maḓuvhani.”