Yeremia 30:1-24
-
Vha fhulufhedziswa uri vha ḓo vusuluswa na u fhodzwa (1-24)
30 Yehova a amba na Yeremia, a ri:
2 “Zwe Yehova Mudzimu wa Isiraele a amba ndi hezwi, ‘Ṅwala zwoṱhe zwine nda u vhudza kha bugu.
3 Ngauri “maḓuvha a khou u ḓa,” u ralo Yehova, “ane nda ḓo kuvhanganya mathubwa a vhathu vhanga, vha Isiraele na vha Yuda,”+ u ralo Yehova, “ndi ḓo vha vhuisa kha shango ḽe nda ḽi ṋea vhomakhulukuku wavho, vha dovha vha dzula khaḽo.”’”+
4 Zwenezwi ndi zwe Yehova a zwi vhudza Isiraele na Yuda.
5 Yehova u ri:
“Ro pfa mukosi wa vho tshuwaho;Hu na zwi ofhisaho, a hu na mulalo.
6 Ndi khou humbela uri ni vhudzise arali munna a tshi beba.
Zwino ndi ngani ndi tshi vhona munna muṅwe na muṅwe wa maanḓa o fara thumbu* yaweSa mufumakadzi a tshi khou beba?+
Ndi ngani tshifhaṱuwo tsha muṅwe na muṅwe tsho tswukuluwa?
7 Yowee! Ḽeneḽo ḓuvha ndi ḽa khombo.*+
A hu na ḽine ḽa nga ḽone,Ndi tshifhinga tshi tsikeledzaho kha Yakobo.
Fhedzi u ḓo tshidzwa.”
8 “Nga ḽeneḽo ḓuvha,” u ralo Yehova wa mavhuthu, “ndi ḓo vunḓa dzhogo i re mutsingani wau, mabannda au ndi ḓo a ṱhukhula a bva zwipiḓa zwivhili; a hu tsha ḓo vha na vhatsinda vhane vha ḓo mu* ita phuli yavho.
9 Vha ḓo shumela Yehova Mudzimu wavho na Davida khosi yavho, ane nda ḓo vha vusela ene.”+
10 “U songo ofha iwe Yakobo mushumeli wanga,” u ralo Yehova,“U songo tshuwiswa, Iwe Isiraele.+
Ngauri ndi ḓo u tshidza u kuleNa vhana vhau vhe shangoni ḽe vha thubiwa khaḽo.+
Yakobo u ḓo vhuya, a vha na mulalo hu si na tshine tsha mu thithisa,Hu si vhe na ane a mu tshuwisa.”+
11 “Ndi na iwe,” u ralo Yehova, “uri ndi u tshidze.
Ndi ḓo fhelisa tshaka dzoṱhe dze nda u balanganyela khadzo;+Fhedzi iwe a thi nga u fhelisi.+
Ndi ḓo u kaidza* nga nḓila yo teaho,A thi nga u litshi ndi songo u pfisa vhuṱungu.”+
12 Ngauri Yehova u ri:
“U huvhala hau a hu alafhei.+
Tshilonda tshau a tshi alafhei.
13 A hu na ane a ḓo u ambelela,A hu na tshine tsha ḓo fhodza tshilonda tshau.
A hu na tshine tsha nga u fhodza.
14 Vhafunwa vhau vhoṱhe vho u hangwa.+
A vha tsha u ṱoḓa.
Ngauri ndo u rwa u fana na swina,+Na u u pfisa vhuṱungu u fana na muthu a re na tshiṱuhu,Nga nṱhani ha mulandu wau muhulu na zwivhi zwau zwinzhi.+
15 Ndi ngani u tshi lidzwa nga u huvhala hau?
Vhuṱungu hau a vhu nga fheli!
Ndo u ita zwenezwiNga nṱhani ha mulandu muhulu na zwivhi zwau zwinzhi.+
16 Nga zwenezwo, vhoṱhe vhane vha u tshinyadza, vha ḓo tshinyadzwa,+Na maswina au oṱhe a ḓo iswa vhuthubwani.+
Vhane vha u thuba vha ḓo thubiwa,Ndi ḓo ita uri vhoṱhe vhane vha u dzhiela zwithu, na vhone vha dzhielwe.”+
17 “Ndi ḓo dovha nda ita uri u vhe na mutakalo wavhuḓi, nda fhodza zwilonda zwau,”+ u ralo Yehova,“Naho vha tshi ri wo laṱiwa, vha ri:
‘Tsioni, fhethu hu sa ṱoḓiwi nga muthu.’”+
18 Yehova u ri:
“Ndi khou kuvhanganya mathubwa a madennde a Yakobo,+Ndi ḓo pfela vhuṱungu madennde makhethwa awe.
Muḓi u ḓo fhaṱululwa kha tshikwara+Na mutsheṱo wo khwaṱhaho u ḓo fhaṱwa fhethu hawo ho teaho.
19 Hu ḓo pfala ndivhuwo na zwiseo khavho.+
Ndi ḓo ita uri vha ande, a vha nga fhungudzei;+Ndi ḓo ita uri vha vhe vhanzhi,*A vha nga ḓo vha vhaṱuku.+
20 Vharwa vhawe vha ḓo vha zwe vha vha vhe zwone kale,Tshitshavha tshawe tshi ḓo khwaṱhiswa phanḓa hanga.+
Ndi ḓo lwa na vhatsikeledzi vhawe vhoṱhe.+
21 Muhulwane wawe u ḓo vha muṅwe wa vhathu vhawe,Muvhusi wawe u ḓo bva vhukati hawe.
Ndi ḓo ita uri a sendele tsini, u ḓo ḓa kha nṋe.”
“Ngauri ndi nnyi ane a nga lingedza u ḓa kha nṋe?” u ralo Yehova.
22 “Ni ḓo vha vhathu vhanga,+ nṋe nda vha Mudzimu waṋu.”+
23 Ḓumbu ḽa mbiti dza Yehova ḽi ḓo vhudzula nga maanḓa,+Tshiḓumbumukwe tshi ḓo vhudzula kha ṱhoho dza vhavhi.
24 Mbiti dza Yehova dzi dugaho a dzi nga dzikiU swikela a tshi ita na u khunyeledza zwe a dzudzanya mbiluni yawe.+
Ni ḓo pfesesa zwenezwi maḓuvhani a vhufhelo.+
Ṱhaluso dzi re magumoni a siaṱari
^ Kana “khundu.”
^ Thevhedz., “ndi ḽihulu.”
^ Kana “vha.”
^ Kana “khakhulula.”
^ Kana khamusi, “vha huliswe.”
