Yeremia 4:1-31
4 “Iwe Isiraele, arali wa vhuya,” u ralo Yehova,“Arali wa vhuyelela kha nṋeArali wa bvisa midzimu ya zwifanyiso i nengisaho phanḓa hanga,Ndi hone u sa ḓo vha tshavhi.+
2 Arali wa ana wa ri,‘Ndi ana nga Yehova a tshilaho!’ u tshi zwi ita nga ngoho, nga khaṱhulo yo teaho na nga zwivhuya,Ndi hone tshaka dzi tshi ḓo ḓiwanela phaṱhutshedzo ngae,Dza zuwa ngae.”+
3 Zwine Yehova a zwi vhudza vhanna vha Yuda na Yerusalema ndi hezwi:
“Ḓilimeleni shango,Ni songo dzulela u zwala mipfani.+
4 Fumbani ni tshi itela Yehova,Ni fumbise mbilu dzaṋu,+Inwi vhanna vha Yuda na vhadzulapo vha Yerusalema,Uri mbiti dzanga dzi si duge sa muliloUne wa duga ha si vhe na ane a nga u dzima,Nga nṱhani ha mishumo yaṋu mivhi.”+
5 Zwi huweleleni kha ḽa Yuda, zwi ḓivhadzeni kha ḽa Yerusalema.
Vhidzelelani ni lidze luṋanga shangoni ḽoṱhe.+
Huwelelani nga ipfi ḽihulu ni ri: “Kuvhanganani,Kha ri shavhele miḓini yo tsireledzwaho nga mbondo.+
6 Imisani tshiga thungo ya Tsioni.
Ṱoḓani vhudzumbamo, ni songo ima,”Ngauri ndi khou ḓisa maṱungu a tshi bva devhula,+ ane a vha khombo khulu.
7 O bvelela sa ndau i tshi bva ḓakani ḽayo;+Mutshinyadzi wa tshaka u nḓilani.+
O no bva hayani hawe uri a ite uri shango ḽaṋu ḽi vhe ḽi ofhisaho.
Miḓi yaṋu i ḓo sala i mashubi, i sa dzulwi nga muthu.+
8 Nga zwenezwo, ambarani madzanganda,+Ni ṱungufhale ni lile,Ngauri mbiti dza Yehova a dzi athu u ṱuwa kha riṋe.
9 “Nga ḽeneḽo ḓuvha,” u ralo Yehova, “khosi i ḓo kulea nungo,+Na vhakololo vha ḓo kulea nungo;Vhotshifhe vha ḓo tshuwa na vhaporofita vha ḓo mangala.”+
10 Nga zwenezwo, nda ri: “Yowee, Yehova Murena Muvhusahoṱhe! Ngangoho wo fhura vhenevha vhathu+ na Yerusalema, u tshi ri, ‘Ni ḓo vha na mulalo,’+ ngeno banga ḽi mikuloni yashu.”
11 Nga tshenetsho tshifhinga hu ḓo ambiwa na vhenevha vhathu na Yerusalema, ha pfi:
“Muya u fhisaho u bvaho zwikwarani zwi si na miri zwa soganiU ḓo vhudzula ṅwananyana wa* vhathu vhanga;A u khou ḓa u fhefhera kana u kunakisa.
12 Wonoyo muya muhulu u ḓo bva henefho fhethu nge nda u vhidza.
Zwino ndi ḓo vha haṱula.
13 U ḓo ḓa sa makole a mvula,Gariki dzawe dzi nga ḓumbu.+
Bere dzawe dzi na luvhilo lune lwa fhira lwa magoni.+
Khombo kha riṋe, ngauri ro tshinyadzwa!
14 Iwe Yerusalema, ṱanzwa mbilu yau i bve vhuvhi uri u tshidzwe.+
U ḓo litsha lini u dzula u na mihumbulo mivhi?
15 Ngauri ipfi ḽi amba mafhungo a bvaho Dani,+Ḽi ḓivhadza khombo i bvaho thavhani dza Efuraimi.
16 Zwi vhudzeni dzitshaka;Zwi ḓivhadzeni Yerusalema.”
“Maswole* a khou ḓa a tshi bva shangoni ḽa kule,A ḓo ṱavhela miḓi ya Yuda mikosi.
17 A i tanga a tshi bva thungo dzoṱhe sa vhalindi vha masimu,+Ngauri o ntshandukela,”+ u ralo Yehova.
18 “Nḓila dzau na mishumo yau zwi ḓo vhilwa nṱha ha ṱhoho yau.+
Maṱungu au a vhavha hani,Ngauri a ṱhavha a swika mbiluni!”
19 Ndi pfa vhuṱungu,* ndi pfa vhuṱungu!
Ndi pfa vhuṱungu vhuhulu mbiluni yanga.
Mbilu yanga i rwela nṱha.
A thi koni u fhumula,Ngauri ndo pfa mubvumo wa luṋanga,Mukosi wa nndwa.+
20 Ho vhigiwa khombo dzi tshi khou tou tevhekana,Ngauri shango ḽoṱhe ḽo fheliswa.
Madennde anga o thuthwa nga u ṱavhanya,Malabi a dennde ḽanga o tshinyadzwa nga khathihi fhedzi.+
21 Ndi ḓo dzulela u vhona tshiga u swika lini,Ndi ḓo dzulela u pfa mubvumo wa luṋanga u swika lini?+
22 “Ngauri vhathu vhanga ndi matsilu;+A vha na ndavha na nṋe.
Ndi vharwa vha matsilu vha si na ṱhalukanyo.
Vho thanyela* u ita zwo vhifhaho,Fhedzi a vha ḓivhi u ita zwavhuḓi.”
23 Ndo lavhelesa shango nda vhona ḽi si na tshithu ḽo vilingana.+
Nda lavhelesa ḽiṱaḓulu, nda wana tshedza tshaḽo tshi si tsheeho.+
24 Ndo lavhelesa thavha nda vhona dzi tshi khou dzinginyea,Na zwikwara zwi tshi khou dzinginyea.+
25 Nda lavhelesa nda vhona hu si na muthu,Na zwiṋoni zwoṱhe zwa ṱaḓulu zwo shavha.+
26 Nda lavhelesa nda vhona tsimu ya mitshelo yo no vha soga,Na miḓi yayo yoṱhe yo thuthwa.+
Ho vha hu nga nṱhani ha Yehova,Nga ṅwambo wa mbiti dzawe.
27 Ngauri Yehova u ri: “Shango ḽoṱhe ḽi ḓo vha shubi,+Fhedzi a thi nga ḽi fhelisi tshoṱhe.
28 Nga tshenetshi tshiitisi shango ḽi ḓo ṱungufhala,+Na ḽiṱaḓulu ḽi ḓo swifhala.+
Ngauri ndo amba, ndo dzhia tsheo,A thi nga shanduli muhumbulo wanga,* a thi nga litshi u zwi ita.+
29 Musi vha tshi pfa mukosi wa vhaṋameli vha bere na vhapfuli vha misevhe.
Vhathu vha muḓi woṱhe vha a shavha,+Vha dzhena maḓakani,Vha gonya matombo.+
Miḓi yoṱhe a i na vhathu,A hu tsha dzula muthu.”
30 Samusi zwino wo tshinyadzwa, u ḓo ita mini?
Wo vha u tshi ambara zwiambaro zwitswuku,U tshi ḓiṱama nga madzanga a musuku,U tshi ḓinakisa nga u swifhadza maṱo au.
Fhedzi wo ḓinakisela mahala,+Vhane vha u emula vho u laṱa;Zwino vha vho ṱoḓa u u vhulaya.+
31 Ngauri ndo pfa mukosi une wa nga wa mufumakadzi ane a khou lwala,Mutsiko une wa nga wa mufumakadzi a tshi khou beba ṅwana wawe wa u thoma,Ipfi ḽa ṅwananyana wa Tsioni ane a dzulela u fhihamelwa.
Musi a tshi imisa zwanḓa zwawe u amba a ri:+
“Ndo welwa nga khombo, ngauri ndo netiswa nga vhavhulayi!”
Ṱhaluso dzi re magumoni a siaṱari
^ Ḽiedzamuthu ḽa vhurendi, khamusi ḽi sumbedza u pfela vhuṱungu.
^ Thevhedz., “Ṱholi,” ndi vhane vha ṱola muḓi uri vha ḓivhe uri vha ḓo u vutshela lini.
^ Thevhedz., “Mala anga.”
^ Kana “ṱalifhela.”
^ Kana “ḓisoli.”
