Yeremia 45:1-5
-
Mulaedza wa Yehova u yaho kha Baruki (1-5)
45 Zwe muporofita Yeremia a vhudza Baruki+ murwa wa Neria nga ṅwaha wa vhuṋa wa Yehoyakimi+ murwa wa Yosia khosi ya Yuda musi a tshi khou ṅwala kha bugu mafhungo e a vhudzwa nga Yeremia,+ ndi hezwi:
2 “Yehova Mudzimu wa Isiraele o amba nga ha iwe Baruki a ri,
3 ‘Wo ri: “Ndo welwa nga khombo, ngauri Yehova o engedza vhuṱungu hanga! Ndo netiswa nga u pfa vhuṱungu, a tho ngo wana fhethu hune nda nga awela hone.”’
4 “U ambe nae uri, ‘Yehova u ri: “Ndi khou thutha zwe nda fhaṱa, ndi khou tupula zwe nda ṱavha shangoni ḽoṱhe.+
5 Fhedzi iwe u khou ḓiṱoḓela* zwithu zwihulwane. Litsha u ṱoḓa zwenezwi zwithu.”’
“‘Ngauri ndi khou ḓisela vhathu vhoṱhe khombo,’+ u ralo Yehova, ‘huṅwe na huṅwe hune wa ḓo ya hone, ndi ḓo u ṋea vhutshilo hau.’”+
Ṱhaluso dzi re magumoni a siaṱari
^ Kana “lavhelela.”
