Yeremia 46:1-28
46 Yehova o amba na muporofita Yeremia nga ha dzitshaka:+
2 Nga ha Egipita,+ a amba zwi kwamaho mmbi ya Farao Nexo+ khosi ya Egipita, we a vha e Mulamboni wa Yufuratha, a kundwa ngei Karakemisi nga Nebukadanetsara khosi ya Babele nga ṅwaha wa vhuṋa wa Yehoyakimi+ murwa wa Yosia, khosi ya Yuda, a ri:
3 “Lugisani zwiṱangu zwiṱuku* na zwihulwane,Ni ye nndwani.
4 Inwi vhaṋameli vha bere, vhofhani bere ni dzi ṋamele.
Ḓilugiseni ni ambare magondolo aṋu.
Ni ṱuṱule mapfumo ni ambare zwiambaro zwa u ḓitsireledza nndwani.
5 ‘Ndi ngani ndi tshi vhona vho tshuwa?
Vha khou shavha, vhahali vhavho vho kundwa.
Vho tshuwa vha shavha, vhahali vhavho a vho ngo sedza murahu.
Vho tangwa nga nyofho,’ u ralo Yehova.
6 ‘Vhane vha gidima a vha tsha kona u shavha, vhahali vhavho a vha tsha kona u ponyoka.
Vho khukhulwa vha wela fhasi,Ngei devhula nṱha ha philiphili ya Mulambo wa Yufuratha.’+
7 Ndi nnyi ane a khou ḓa a tshi nga Mulambo wa Nili,A tshi nga milambo yo ḓala?
8 Shango ḽa Egipita ḽi ḓa sa Mulambo wa Nili,+Sa milambo yo ḓala,Ḽi ri, ‘Ndi ḓo ya nda tiba ḽifhasi.
Ndi ḓo fhelisa muḓi na vhadzulapo vhawo.’
9 Gonyani inwi bere!
Gidimani nga luvhilo luhulu inwi dzigariki!
Vhahali kha vha ḓilugiselele u lwa,Kushi na Phuti vhane vha fara zwiṱangu,+Na Ludimi+ ane a pfula nga vhura.+
10 “Ḽeneḽo ḓuvha ndi ḽa Yehova wa mavhuthu, Murena Muvhusahoṱhe, ndi ḓuvha ḽa u lifhedza maswina awe. Banga ḽi ḓo vhulaya na u nwa malofha u swika ḽi tshi fushea, ngauri Yehova wa mavhuthu, Murena Muvhusahoṱhe, u khou ṱoḓa u ita tshiṱhavhelo shangoni ḽa devhula ngei Mulamboni wa Yufuratha.+
11 Gonya Giḽiada u ye u wane baḽisamu,+Iwe ṅwananyana wa Egipita.
Wo wana mishonga minzhi fhedzi zwi si thuse,Ngauri a hu na tshine tsha nga u lafha.+
12 Tshaka dzo pfa nga ha u nyadziwa hau,+Tshililo tshau tsho ḓadza shango.
Ngauri vhahali vha khou piringedzana,Vha wa vhoṱhe.”
13 Yehova o amba na muporofita Yeremia nga ha Nebukadanetsara khosi ya Babele ane a khou ḓa u ṱhasela shango ḽa Egipita,+ a ri:
14 “Zwi huwelele ngei Egipita, u zwi ḓivhadze ngei Migidolo.+
Zwi huwelele ngei Nofe,* u zwi ḓivhadze ngei Thahapanese.+
U ri, ‘Imani ni ḓilugise,Ngauri banga ḽi ḓo vha fhedza thungo dzoṱhe.
15 Ndi ngani vhanna vhaṋu vha re na maanḓa vho fheliswa?
A vho ngo ima vho khwaṱha,Ngauri Yehova o vha wisela fhasi.
16 Vha khou khukhulwa na u wa vhe vhanzhi.
Vha amba nga tshavho vha ri:
“Takuwani ri humele kha vhathu vha hashu na shangoni ḽa hashuRi shavhe banga ḽa vhuhali.”’
17 Henefho vho amba vha ri,‘Farao khosi ya Egipita u sokou amba-ambaO litsha tshibuli* tshi tshi pfuka.’+
18 ‘Ndi ana nga nṋe muṋe,’ i ralo Khosi, ine dzina ḽayo ya pfi Yehova wa mavhuthu,‘I* ḓo ḓa sa Thavha ya Thaboro+ vhukati ha dzithavhaI tshi nga Thavha ya Karamele+ i re tsini na lwanzhe.
19 Lugisa thundu yau u ye vhuthubwani,Iwe ṅwananyana a dzulaho ngei Egipita.
Ngauri Nofe* hu ḓo vha tshithu tshi ofhisaho;Hu ḓo fhiswa* ha sala hu sa dzuli muthu.+
20 Egipita ḽi tou nga kholomo yavhuḓi i sa athu u dzwala,*Fhedzi zwikhokhonono zwi ḓo ḓa zwa i luma zwi tshi bva devhula.
21 Na maswole aḽo o tholwaho a fana na ṋamana dzo nonaho,Fhedzi o humela murahu a shavha oṱhe.
Ho ngo kona u ima o khwaṱha,+Ngauri ḓuvha ḽa uri a fheliswe ḽo swika,Tshifhinga tsha u haṱulwa hao.’
22 ‘Muungo waḽo u nga wa ṋowa i tshi tshimbila,Ngauri ḽo ḓelwa nga maswina a maanḓa e na dzimbaḓo,Sa vhanna vhane vha khou rema miri.*
23 Vha ḓo rema ḓaka ḽa Egipita,’ u ralo Yehova, ‘naho ḽi tshi vhonala ḽi sa dzhenei.
Ngauri vho ḓala sa nzie, a vha vhalei.
24 Ṅwananyana wa Egipita u ḓo shoniswa.
U ḓo kumedzelwa zwanḓani zwa vhathu vha devhula.’+
25 “Yehova wa mavhuthu, Mudzimu wa Isiraele u ri: ‘Zwino ndi khou livhisa ṱhogomelo yanga kha Amoni+ a bvaho Noo,*+ u swika kha Farao ngei Egipita, kha midzimu yaḽo+ na kha mahosi aḽo, kha Farao na kha vhoṱhe vhane vha mu fhulufhela.’+
26 “‘Ndi ḓo vha kumedzela zwanḓani zwa vhane vha ṱoḓa u vha vhulaya, kha Nebukadanetsara khosi ya Babele+ na kha vhashumeli vhawe. Fhedzi nga murahu Egipita ḽi ḓo dovha ḽa dzulwa u fana na tshifhingani tsho fhiraho,’ u ralo Yehova.+
27 ‘Iwe Yakobo mushumeli wanga, u songo ofha,Iwe Isiraele, u songo tshuwa.+
Ndi ḓo u tshidza u kuleNa vhana* vhau vhe shangoni ḽe vha thubelwa khaḽo.+
Yakobo u ḓo humela murahu a dzula nga mulalo a sa diniwi,Hu si na ane a vha tshuwisa.+
28 U songo ofha iwe Yakobo mushumeli wanga,’ u ralo Yehova, ‘ndi na iwe.
Ndi ḓo fhelisa tshaka dzoṱhe dze nda u balanganyela khadzo,+Fhedzi iwe a thi nga u fhelisi.+
Ndi ḓo u kaidza* nga nḓila yo teaho,+Fhedzi a thi nga u litshi ndi songo u pfisa vhuṱungu.’”
Ṱhaluso dzi re magumoni a siaṱari
^ Kanzhi zwi farwa nga vhapfuli vha misevhe.
^ Kana “Memifisi.”
^ Thevhedz., “tshifhinga tsho vhewaho.”
^ Ndi ane a ḓo kunda Egipita.
^ Kana “Memifisi.”
^ Kana khamusi, “Hu ḓo vha soga.”
^ Kana “ḽi tou nga ṱholana.”
^ Kana “reḓa khuni.”
^ Ndi Thebese.
^ Thevhedz., “mbeu.”
^ Kana “khakhulula.”