Yeremia 47:1-7
-
Vhuporofita vhu ambaho nga ha Vhafilisita (1-7)
47 Yehova o amba na muporofita Yeremia nga ha Vhafilisita,+ musi Farao a sa athu u ṱhasela Gaza.
2 Yehova u ri:
“Vhonani maḓi a khou ḓa a tshi bva devhula.
A ḓa e mulambo u kumbaho.
A ḓo kumba shango na tshi re khaḽo,Muḓi na vhane vha dzula khawo.
Vhathu vha ḓo lila,Na ane a dzula kha ḽeneḽo shango u ḓo lila.
3 Hu khou pfala mutsindo wa khwanḓa dza bere dzawe,Na phosho ya gariki dzawe dza nndwaNa u mona ha malinga adzo,Vhokhotsi a vha tsha ḓo sedza vharwa vhavho,Ngauri zwanḓa zwavho a zwi na nungo,
4 Ḓuvha ḽi khou ḓa ḽine ha ḓo fheliswa Vhafilisita vhoṱhe;+Hu ḓo fheliswa vhoṱhe vho salaho vhane vha vha tikedza vha bvaho ngei Tiro+ na ngei Sidoni.+
Ngauri Yehova u ḓo fhelisa Vhafilisita vhoṱhe,Vho salaho tshiṱangadzimeni tsha Kafutori.*+
5 Vhathu vha Gaza vha ḓo bva phanḓa.*
Asikaloni ḽo fhumudzwa.+
Inwi masalela a govhani ḽavho,Ni ḓo bvela phanḓa ni tshi ḓitshea u swika lini?+
6 Yowee! Banga ḽa Yehova!+
U ḓo fhumula lini?
Humela tshipatshini tshau.
U awele u fhumule.
7 Ḽi nga fhumula haniḼo ṋewa ndaela nga Yehova?
Ḽo rumelwa Asikaloni na khunzi-khunzini,+Ndi henefho he a ḽi laedza hone.”
Ṱhaluso dzi re magumoni a siaṱari
^ Ndi Kereta.
^ Vha ḓo vheula ṱhoho dzavho ngauri vho ṱungufhala na u shona.
