Yeremia 48:1-47
-
Vhuporofita vhu ambaho nga ha Vhamoaba (1-47)
48 Yehova wa mavhuthu, Mudzimu wa Isiraele o amba nga ha Moaba+ a ri:
“Khombo kha Nebo,+ ngauri wo fheliswa!
Kirethaimi+ wo shoniswa wa thubiwa.
Fhethu ha u khuda ho shoniswa na u fheliswa.+
2 A vha tsha khoḓa Moaba.
Vho langana ngei Hesiboni+ uri vha ḽi fhelise, vha ri:
‘Iḓani ri fhelise lwonolwu lushaka.’
Na inwi vhathu vha Medemene ni fanela u fhumula,Ngauri banga ḽi khou ni tevhela.
3 Hu khou pfala tshililo ngei Horonaimi,+Tsha uri u khou fheliswa na u wiswa.
4 Ḽa Moaba ḽo kwashekanywa.
Vhana vhaḽo vha khou lila.
5 Vho vha vha tshi khou lila musi vha tshi khou gonya tshivhanga tshi yaho Luhite.
Musi vhe nḓilani i bvaho Horonaimi vho pfa zwililo zwa vho tsikeledzeaho nga makhaulambilu.+
6 Shavhani, ni tsireledze vhutshilo haṋu!
Ni nge muri wa mudzhunipa u re sogani.
7 Ngauri ni fhulufhela mishumo yaṋu na lupfumo lwaṋu,Na inwi ni ḓo thubiwa.
Na Kamosi+ u ḓo iswa vhuthubwani,Khathihi na vhotshifhe vhawe na vhakololo vhawe.
8 Mutshinyadzi u ḓo ḓa muḓini muṅwe na muṅwe,A hu na muḓi une wa ḓo ponyoka.+
Govha ḽi ḓo tshinyala,Shango ḽi ḓo fheliswa, samusi Yehova o amba.
9 Vhetshela Moaba tshiga,Ngauri musi ḽi tshi fheliswa vha ḓo shavha,Ngauri miḓi yaḽo i ḓo vha fhethu hu ofhisaho,A hu nga dzuli muthu.+
10 Nga hu semiwe muthu ane a bvafha musi a tshi ita mushumo wa Yehova!
Nga hu semiwe ane a litsha u shulula malofha nga banga ḽawe!
11 Vhamoaba a vho ngo diniwa u bva musi vha tshee vhaswa,U fana na waini yo dzikaho.
A vho ngo shululwa kha muṅwe mudzio vha shelwa kha muṅwe,A vha athu u vhuya vha iswa vhuthubwani.
Ndi ngazwo muḓifho wavho u tshi kha ḓi vha wonouḽa,Na munukhelelo wavho a u athu u shanduka.
12 “‘Nga zwenezwo, maḓuvha a khou ḓa,’ u ralo Yehova, ‘ane nda ḓo rumela vhathu uri vha vha dzikuse. Vha ḓo vha dzikusa vha shulula midzio yavho, vha ḓo kwasha midzio yavho mihulu.
13 Vhamoaba vha ḓo shoniswa nga Kamosi, vhunga vha nnḓu ya Isiraele vho shoniswa nga Bethele, he vha vha vha tshi fhulufhela hone.+
14 Ndi ngani ni tshi ri: “Ri vhahali, ro lugela u lwa”?’+
15 ‘Moaba ḽo fheliswa,Miḓi yaḽo yo ṱhaselwa,+Vhaṱhannga vhavho vhavhuḓi vho vhulawa,’+Yo amba nga u ralo Khosi ine dzina ḽayo ya pfi Yehova wa mavhuthu.+
16 U fheliswa ha Vhamoaba hu tsini,Vha ḓo wa nga u ṱavhanya.+
17 Vhoṱhe vhane vha vha navho vha ḓo vha pfela vhuṱungu,Vhoṱhe vhane vha ḓivha madzina avho.
Vha vhudzeni ni ri: ‘Lubaḓa luhulu lwa u naka lwo vunḓea!’
18 Itsa kha vhugala hau,U dzule hune wa ḓo pfa ḓora,* iwe ṅwananyana a dzulaho Diboni,+Ngauri mutshinyadzi wa Moaba u ḓo u ḓela,U ḓo tshinyadza fhethu hau ho tsireledzwaho nga mbondo.+
19 Ima nḓilani u vhone, iwe mudzulapo wa Aroere.+
U vhudzise munna ane a khou shavha na mufumakadzi ane a khou ponyoka, u ri, ‘Ho itea mini?’
20 Moaba ḽo shoniswa na u tshuwiswa.
Lilani ni tou ṱavha mukosi.
Ḓivhadzani ngei Arinoni+ uri Moaba ḽo fheliswa.
21 “Khaṱhulo yo ḓela shango,+ yo ḓela Holoni, Yahazi+ na Miphate;+
22 yo ḓela Diboni,+ Nebo+ na Bethe-dibilathaimi;
23 yo ḓela Kirethaimi,+ Bethe-gamulu na Bethe-maoni;+
24 yo ḓela Keriothe,+ Bosira; ya ḓela na miḓi yoṱhe ya shangoni ḽa Moaba, i re tsini na i re kule.
25 ‘Nungo* dza Moaba dzo kulea;Tshanḓa tshawe tsho vunḓiwa,’ u ralo Yehova.
26 ‘Ita uri a kambiwe,+ ngauri o ḓihudza kha Yehova.+
Moaba u vhumbuluwa kha maṱanza awe,U a goḓiwa.
27 Naa Isiraele o vha a sa goḓiwi nga iwe?+
Naa o waniwa vhukati ha dzimbava,Lune wa mu dzungudzela ṱhoho na u amba luvhi nga hae?
28 Ṱuwani miḓini ni ye u dzula kha tombo, inwi vhadzulapo vha Moaba,Ni nge ḽiivha ḽine ḽa ita tshiṱaha luwani.’”
29 “Ro pfa nga ha u ḓihudza ha Moaba, u a ḓikukumusa vhukuma,Nga u ḓidzhiela hawe nṱha, u ḓihudza hawe, u ḓikukumusa hawe na u ḓihudza ha mbilu yawe.”+
30 “‘Ndi a ḓivha u sinyuwa hawe,’ u ralo Yehova,‘Fhedzi zwine a amba zwi sa ḓivhalei a zwi nga khunyeleli.
A hu na tshine vha ḓo ita.
31 Ndi ngazwo ndi tshi ḓo lilela Moaba,Ndi ḓo lilela ḽa Moaba ḽoṱheNda ṱungufhalela vhanna vha Kiri-herese.+
32 Ndi ḓo u lilela, Iwe munḓirivhe wa Sibima,+U fhira nḓila ye nda lilela Yasere.+
Matavhi au o titimaho o navhela lwanzheni.
O swika lwanzheni, o swika Yasere.
Mutshinyadzi o ya+Kha mitshelo ya tshilimo yau na kha nḓirivhe dzau.
33 U pembela na u takala zwo bviswa tsimuni ya mitsheloNa u bviswa kha shango ḽa Moaba.+
Ndo ita uri waini i si tsha elela hune ha sukwa hone nḓirivhe.
A hu na ane a ḓo suka o takala.
Vha ḓo ṱavha mukosi, fhedzi hu si wa dakalo.’”+
34 “‘Hu na tshililo u bva Hesiboni+ u swika Eleale.+
Vho ṱavha mikosi ya swika Yahazi,+U bva Tsowari u swika Horonaimi+ na u swika Egilathe-shelishia.
Na maḓi a Nimirimi a ḓo xa.+
35 Ndi ḓo ita uri Moaba hu si tsha vhaNa ane a ḓisa tshifhiwa fhethu ha vhurabeliNa ane a itela mudzimu wawe zwiṱhavhelo,’ u ralo Yehova.
36 ‘Ndi ngazwo mbilu yanga i tshi ḓo ṱungufhalela* Moaba sa tshiṱiringo,*+Mbilu yanga i ḓo ṱungufhalela* vhanna vha Kiri-herese sa tshiṱiringo.*
Ngauri lupfumo lwe ḽa lu kuvhanganya lu ḓo lovha.
37 Ngauri ṱhoho dzoṱhe dzi na phanḓa,+Na ndebvu dzoṱhe dzo geriwa.
Zwanḓa zwoṱhe zwo tsheiwa,+Khunduni dzavho hu na madzanganda!’”+
38 “‘Kha ṱhanga dzoṱhe dza MoabaNa khoroni dzaḽo dzoṱhe,Ho ḓala zwililo fhedzi.
Ngauri ndo kwasha MoabaSa mvuvhelo yo laṱiwaho,’ u ralo Yehova.
39 ‘O tshuwa na u ṱungufhala lungafhani!
Moaba o huma o shona!
Moaba o no vha wa u goḓiwa,Zwine zwa tshuwisa vhoṱhe vha re tsini nae.’”
40 “Ngauri Yehova u ri:
‘Swina ḽi ḓo ṱharamudzela phapha dzaḽo kha Moaba+U fana na goni ḽi tshi kavha fhasi,+
41 Miḓana i ḓo thubiwa,Fhethu haḽo ha u shavhela hu ḓo dzhiiwa.
Nga ḽeneḽo ḓuvha mbilu dza vhahali vha MoabaDzi ḓo fana na mbilu ya mufumakadzi musi a tshi beba.’”
42 “‘Moaba ḽi ḓo fheliswa ha si tsha vha na vhathu,+Ngauri ḽo ḓihudza kha Yehova.+
43 Nyofho na dindi na tshikwekwe zwi phanḓa haṋu,Inwi vhadzulapo vha Moaba,’ u ralo Yehova.
44 ‘Ane a shavha nga nṱhani ha zwi ofhisaho u ḓo wela dindini,Na ane a bva dindini u ḓo fashwa nga tshikwekwe.’
‘Ngauri ndi ḓo ḓisela Moaba ṅwaha une ḽa ḓo pfiswa ngawo vhuṱungu,’ u ralo Yehova.
45 ‘Vhane vha khou shavha vha ima vha si na maanḓa ngei murunzini wa Hesiboni.
Ngauri mulilo u ḓo bva HesiboniNa khavhu i ḓo bva Sihoni.+
I ḓo fhisa phanḓa ya MoabaNa dethele ḽa vharwa vha re na khakhathi.’+
46 ‘Iwe Moaba, khombo kha iwe!
Vhathu vha Kamosi+ vho fheliswa.
Vharwa vhau vho iswa vhuthubwani,Na vhananyana vhau vho iswa vhuthubwani.+
47 Fhedzi ndi ḓo kuvhanganya mathubwa a Moaba maḓuvhani a vhufhelo,’ u ralo Yehova.
‘Khaṱhulo ya Moaba i guma henefha.’”+
Ṱhaluso dzi re magumoni a siaṱari
^ Kana khamusi, “mavuni o omaho.”
^ Thevhedz., “Luṋanga.”
^ Kana “lilela.”
^ Ndi tshiṱiringo tshine tsha lidziwa musi hu tshi khou liliwa lufuni.
^ Kana “lilela.”
^ Ndi tshiṱiringo tshine tsha lidziwa musi hu tshi khou liliwa lufuni.
