Yeremia 51:1-64
51 Yehova u ri:
“Ndi khou vusa muya u tshinyadzahoU ḓo ḓela Babele+ na vhadzulapo vha Libe-kamai.*
2 Ndi ḓo rumela vhafhefheri ngei Babele,Vha ḓo ḽi fhefhera ḽa sala ḽi si na tshithu;Vha ḓo ḽi ḓela nga thungo dzoṱhe nga ḓuvha ḽa khombo.+
3 Mupfuli a songo kokodza vhura hawe.
Hu songo vha na ane a ima o ambara tshiambaro tshawe tsha u ḓitsireledza nndwani.
Vhaṱhannga vhaḽo ni songo vha pfela vhuṱungu.+
Ni fhelise mmbi yoṱhe.
4 Vha ḓo vhulawa shangoni ḽa Vhakaladea,Vha ḓo huvhadzwa nḓilani dza ḽeneḽo shango.+
5 Yehova wa mavhuthu ho ngo ṱutshela Isiraele na Yuda.+
Fhedzi Mukhethwa wa Isiraele o vhona shango ḽavho* ḽi na mulandu muhulu.
6 Shavhani ni bve Babele,Ni tsireledze vhutshilo haṋu.+
Uri ni si fheliswe nga nṱhani ha vhukhakhi haḽo.
Ngauri ndi tshifhinga tsha uri Yehova a lifhedze.
U khou ḽi lifhedza zwe ḽa ita.+
7 Babele ḽo vha ḽi tshinwelo tsha musuku tshanḓani tsha Yehova;Ḽo ita uri ḽifhasi ḽoṱhe ḽi kambiwe.
Tshaka dzo kambiwa nga waini yaḽo;+Ndi ngazwo tshaka dzi tshi khou penga.+
8 Babele ḽo wa nga khathihi ḽa vunḓea.+
Ḽi lileleni!+
Ḽi waneleni mapfura a baḽisamu u itela vhuṱungu haḽo; khamusi ḽi ḓo fhola.”
9 “Ro lingedza u fhodza Babele, fhedzi ro kundelwa.
Ḽi litsheni ri ṱuwe, muṅwe na muṅwe a vhuyelele shangoni ḽa hawe.+
Ngauri mulandu waḽo wo swika na ṱaḓulu;Wo swika na ngei nṱha makoleni.+
10 Yehova o haṱula ra sala ro fushea.+
Kha ri ambe nga ha mishumo ya Yehova Mudzimu washu ri ngei Tsioni.”+
11 “Ṱuṱulani misevhe;+ ni lugise zwiṱangu.*
Yehova o ṱuṱuwedza mbilu dza mahosi a Vhameda,+Ngauri u khou ṱoḓa u fhelisa Babele.
Ngauri heyi ndi ndifhedzo ya Yehova, u khou lifhedzela thembele yawe.
12 Mbondo dza Babele ni dzi imisele tshiga.+
Khwaṱhisani vhatsireledzi, vheani vhalindi.
Lugiselelani vho lalelaho.
Ngauri Yehova o vhamba maano,U ḓo ita zwe a fhulufhedzisa vhadzulapo vha Babele.”+
13 “Iwe mufumakadzi ane a dzula maḓini manzhi,+U na lupfumo luhulu,+U ḓo fheliswa, ha fheliswa na nḓila ine wa bindula ngayo.+
14 Yehova wa mavhuthu o ana nga ene muṋe a ri,‘Ndi ḓo u ḓisela vhanna vhanzhi, vho ḓalaho sa nzie,Vha ḓo u imbela luimbo lwa gundo.’+
15 Ndi ene we a sika ḽifhasi nga maanḓa awe,We a ita shango ḽo nonaho nga vhuṱali hawe,+We a ṱharamudza ḽiṱaḓulu nga ṱhalukanyo yawe.+
16 Musi a tshi ita uri ipfi ḽawe ḽi pfale,Maḓi a re ṱaḓulu a a dzikuwa,U ita uri makole a gonye a tshi bva magumoni a ḽifhasi.
A ita uri hu vhe na lupenyo musi mvula i tshi na,A ḓisa muya u tshi bva maḓuluni awe.+
17 Vhathu vhoṱhe vha ḓifara nga nḓila ya vhutsilu i sumbedzaho u shaya nḓivho.
Vhoṱhe vhane vha ita zwithu nga tsimbi* vha ḓo shoniswa nga nṱhani ha zwifanyiso zwe vha zwi vhaḓa;+Ngauri zwifanyiso zwavho zwa tsimbi ndi mazwifhi,A zwi femi.+
18 Ndi mahandana,+ ndi zwa u goḓiwa.
Musi ḓuvha ḽazwo ḽa u haṱulwa ḽi tshi swika, zwi ḓo fheliswa.
19 Mudzimu* wa Yakobo ha fani na hezwi zwithu,Ngauri ndi Ene o vhumbaho zwithu zwoṱhe,Na lubaḓa lwa ifa ḽawe.+
Dzina ḽawe ndi Yehova wa mavhuthu.”+
20 “U thonga yanga ine nda i shumisa nndwani,Ndi ḓo shumisa iwe u kwasha dzitshaka.
Ndi ḓo shumisa iwe u fhelisa mivhuso.
21 Ndi ḓo shumisa iwe u kwasha bere na muṋameli wayo.
Ndi ḓo shumisa iwe u kwasha gariki ya nndwa na muṋameli wayo.
22 Ndi ḓo shumisa iwe u kwasha munna na mufumakadzi.
Ndi ḓo shumisa iwe u kwasha mukalaha na mutukana.
Ndi ḓo shumisa iwe u kwasha muṱhannga na khomba.
23 Ndi ḓo shumisa iwe u kwasha mulisa na sambi ḽawe.
Ndi ḓo shumisa iwe u kwasha mulimi na zwifuwo zwawe zwa u lima.
Ndi ḓo shumisa iwe u kwasha vhavhusi na vhathusi vha vhavhusi.
24 Ndi ḓo lifhedza shango ḽa Babele na vhadzulapo vhoṱhe vha ngei KaladeaNga nṱhani ha vhuvhi he vha vhu ita ngei Tsioni ni tshi zwi vhona,”+ u ralo Yehova.
25 “Iwe thavha i fhelisaho, ndi lwa na iwe,”+ u ralo Yehova,“Iwe mutshinyadzi wa shango ḽoṱhe.+
Ndi ḓo u imisela tshanḓa tshanga nda u phigulusa u tshi bva matomboniNda u ita thavha yo swaho.”
26 “Vhathu vha nga si ḓe vha dzhia tombo ḽa thikho kana ḽa mutheo kha iwe,Ngauri u ḓo vha shubi ḽa lini na lini,”+ u ralo Yehova.
27 “Imisani tshiga shangoni.+
Ni lidzele dzitshaka luṋanga.
Nangani* tshaka uri dzi lwe naḽo.
Vhidzani mivhuso ya Ararati,+ Mini na Asikenasi+ uri i ḓe i lwe naḽo.
Ḽi vhidzeleni muhali.
Itani uri bere dzi ḓe sa nzie.
28 Ḽi rambeleni* tshaka dzine dza ḓo lwa naḽo,Mahosi a Meda+ e na vhavhusi na vhathusi vha vhavhusi vhoṱheNa mashango oṱhe ane vha a vhusa.
29 Ḽifhasi ḽi ḓo dzinginyea na u tetemela,Ngauri zwe Yehova a humbula u zwi ita Babele u ḓo zwi vuledzaA ita uri shango ḽa Babele ḽi vhe tshithu tshi ofhisaho, ḽi si dzulwe nga muthu.+
30 Vhahali vha Babele vho shavha nndwani.
Vha dzula vhushavheloni havho.
A vha tshee na nungo.+
Vha vho nga vhafumakadzi.+
Miḓi yaḽo yo fhiswa.
Khoro dzaḽo dzo vunḓwa.+
31 O rumiwaho u gidima a ya a ṱangana na muṅwe o rumiwaho,Muḓinḓa u ya a ṱangana na muṅwe muḓinḓa,Uri vha vhigele khosi ya Babele uri muḓi wayo wo thubiwa thungo dzoṱhe,+
32 Na zwa uri miratho yo tangiwa,+Zwikepe zwavho zwo itwaho nga miṱaṱe zwo fhiswa nga mulilo,Na zwa uri maswole o tshuwa.”
33 Yehova wa mavhuthu, Mudzimu wa Isiraele u ri:
“Ṅwananyana wa Babele u tou fana na fhethu hune ha fhefherelwa hone.*
Ndi tshifhinga tsha uri a kandekanywe.
Hu si kale u ḓo ḓelwa nga tshifhinga tsha khaṋo.”
34 “Nebukadanetsara khosi ya Babele o mphelisa;+O ita uri ndi ḓaḓe.
O mmbea fhasi sa mudzio u si na tshithu.
O mmila zwa tou nga ndo milwa nga ṋowa khulu;+O ḓadza thumbu yawe nga zwithu zwanga zwavhuḓi.
O nndaṱela* kule.
35 ‘Ngavhe khakhathi ye ya itelwa nṋe i tshi itwa kha Babele!’ u ralo mudzulapo wa Tsioni.+
‘Malofha anga kha ḓele vhadzulapo vha Kaladea!’ u ralo Yerusalema.”
36 Yehova u ri:
“Ndi khou u sengela mulandu wau,+Ndi ḓo u lifhedzela.+
Ndi ḓo xisa lwanzhe lwaḽo na zwisima zwaḽo.+
37 Babele ḽi ḓo vha thulwi ya matombo,+Haya ha dziphunguwe,+Ha u goḓiwa na u lidzelwa muludzi,A ḽi nga dzulwi nga muthu.+
38 Vhoṱhe vha ḓo vhomba sa ndau.
Vha ḓo lila sa ndawana.”
39 “Musi vho takala, ndi ḓo vha itela tshimima nda ita uri vha kambiwe,Uri vha pembele;+Ndi hone vha tshi ḓo eḓela khofhe dza tshoṱhe,Lune vha si tsha ḓo vuwa,”+ u ralo Yehova.
40 “Ndi ḓo vha ḓisa sa ngwana dzi tshi ya u ṱhavhiwa,Sa thutha dzi na mbudzi.”
41 “Yowee Sesaka* ḽo thubiwa,+Fhethu hune ha khoḓiwa nga ḽifhasi ḽoṱhe ho dzhiiwa!+
Babele ḽo vha ḽa u goḓiwa nga dzitshaka!
42 Lwanzhe lwo ḓela Babele.
Magabelo alwo manzhi o ḽi tiba.
43 Miḓi yaḽo yo no vha ya u goḓiwa, ḽo no vha shango ḽi si na maḓi, ndi soga.
Shango ḽine ḽa sa ḓo dzulwa nga muthu na ḽine hu sa ḓo vha na muthu ane a ḓo fhira nga henefho.+
44 Ndi ḓo livhisa ṱhogomelo yanga kha Bele+ mudzimu wa Babele,Ndi ḓo bvisa zwe a zwi mila.+
Tshaka a dzi tsha ḓo ḓa khae,Luvhondo lwa Babele lu ḓo wa.+
45 Ibvani khaḽo vhathu vhanga!+
Tsireledzani vhutshilo haṋu+ kha mbiti dzi dugaho dza Yehova!+
46 Ni songo ofha muvhigo une na ḓo u pfa shangoni.
Musi ho no fhela ṅwaha hu ḓo pfala muvhigo,Na nga ṅwaha u tevhelaho ha pfala muṅwe muvhigo,Wa khakhathi i re shangoni na u lwa ha vhavhusi.
47 Nga zwenezwo, hu ḓa maḓuvhaAne ngao nda ḓo fhelisa zwifanyiso zwo vhaḓwaho zwa Babele.
Shango ḽoṱhe ḽa Babele ḽi ḓo shoniswa,Zwitumbu zwa vho vhulawaho zwi ḓo ḓala hoṱhe-hoṱhe.+
48 Zwoṱhe zwi re ṱaḓulu na kha ḽifhasiZwi ḓo pembela musi Babele ḽi tshi wa,+Vhatshinyadzi vha ḓo ḓa khaḽo vha tshi bva devhula,”+ u ralo Yehova.
49 “Babele a ḽo ngo vhulaya vhathu vha Isiraele fhedzi,+Fhedzi Babele ho dovha ha vhulawa na vhathu vha bvaho ḽifhasini ḽoṱhe.
50 Inwi vhe na ponyoka banga, tshimbilani, ni songo ima!+
Ni humbule Yehova ni kule,Ngavhe ni tshi humbula nga ha Yerusalema.”+
51 “Ro shoniswa, ro pfa vha tshi ri goḓa.
Ro shoniswa zwihulu,Ngauri vhatsinda vho ḓa vha tshinya fhethu hukhethwa ha nnḓu ya Yehova.”+
52 “Maḓuvha a khou ḓa,” u ralo Yehova,“Ane ngao nda ḓo fhelisa zwifanyiso zwaḽo zwo vhaḓiwaho,Khaḽo ḽoṱhe vho huvhalaho vha ḓo gomela.”+
53 “Naho Babele ḽi tshi nga gonya ṱaḓulu,+Naho ḽi tshi nga khwaṱhisa mitsheṱo yaḽo,Ndi ḓo ḽi ḓisela vhatshinyadzi,”+ u ralo Yehova.
54 “Thetshelesani! Hu khou pfala tshililo Babele,+Shangoni ḽa Vhakaladea hu khou pfala mukosi wo vhangwaho nga khombo khulu,+
55 Ngauri Yehova u khou fhelisa Babele,U ḓo ḽi fhumudza,Magabelo avho a ḓo unga u fana na maḓi manzhi.
Maipfi avho a ḓo pfala.
56 Ngauri mutshinyadzi u ḓo ḓela Babele;+Vhahali vhaḽo vha ḓo thubiwa,+Vhura havho vhu ḓo vunḓekanyiwa,Ngauri Yehova ndi Mudzimu ane a lifhedza.+
U ḓo lifhedza ngangoho.+
57 Ndi ḓo ita uri vhakololo vhaḽo na vhanna vhaḽo vho ṱalifhaho vha kambiwe,+Vhavhusi na vhathusi vha vhavhusi vhaḽo na vhahali vhaḽo,Vha ḓo eḓela khofhe dza tshoṱhe,Lune vha si tsha ḓo vuwa,”+ i ralo Khosi, ine dzina ḽayo ya pfi Yehova wa mavhuthu.
58 Yehova wa mavhuthu u ri:
“Naho luvhondo lwa Babele lu ludenya, lu ḓo kwashiwa tshoṱhe,+Naho khoro dzaḽo dzo lapfa, dzi ḓo fhiswa nga mulilo.
Vhathu vhaḽo vha ḓo ḓinetisela mahala;Zwe tshaka dza zwi shuma zwi ḓo fhiswa nga mulilo.”+
59 Hezwi ndi zwe muporofita Yeremia a zwi vhudza Seraya murwa wa Neria+ murwa wa Mahaseya musi a tshi ṱuwa na Tsedekia khosi ya Yuda ngei Babele nga ṅwaha wa vhuṋa wa u vhusa hawe; Seraya o vha a tshi shuma u ṱhogomela thundu ya khosi.
60 Yeremia o ṅwala nga ha yeneyi khombo yoṱhe ine ya ḓo ḓela Babele kha bugu nthihi, o ṅwala enea maipfi oṱhe nga ha Babele.
61 Yeremia o dovha a amba na Seraya a ri: “Musi u tshi swika Babele, u tshi thoma u ḽi vhona, u tea u vhalela nṱha enea maipfi oṱhe.
62 U ambe u ri, ‘Iwe Yehova, wo amba uri hafha fhethu hu ḓo fheliswa ha sala hu si na muthu kana zwipuka, ḽeneḽi shango ḽi ḓo vha shubi ḽa lini na lini.’+
63 Musi wo no fhedza u vhala yeneyi bugu, u vhofhelele tombo khayo u i pose vhukati ha Mulambo wa Yufuratha.
64 U ambe u ri, ‘Heyi ndi nḓila ine Babele ḽa ḓo ṋupela ngayo, ḽa si tsha vuwa+ nga nṱhani ha khombo ine nda khou ḽi ḓisela yone; vhadzulapo vhaḽo vha ḓo neta.’”+
U swika zwino haya ndi maipfi a Yeremia.
Ṱhaluso dzi re magumoni a siaṱari
^ Khamusi ḽeneḽi ndi ḽiṅwe dzina ḽa Kaladea.
^ Ndi shango ḽa Vhakaladea.
^ Kana khamusi, “ni ḓadze mikhwama nga misevhe.”
^ Kana “Vhafuli vhoṱhe vha tsimbi.”
^ Thevhedz., “Mukovhe.”
^ Thevhedz., “Khethani.”
^ Thevhedz., “khetheleni.”
^ Kana “luvhatani.”
^ Kana “mpfela; nkulukushela.”
^ Khamusi ḽeneḽi ndi ḽiṅwe dzina ḽa Babele.
