Yeremia 6:1-30
6 Inwi vharwa vha Benyamini, dzumbamani kule na Yerusalema.
Lidzani luṋanga+ ngei Thekoa;+Vhasani mulilo wa tshiga ngei Bethe-keremu!
Ngauri maṱungu a khou ḓa a tshi bva devhula, khombo khulu.+
2 Ṅwananyana wa Tsioni u fana na mufumakadzi mutete wa lunako.+
3 Hu ḓo ḓa vhalisa na masambi avho.
Vha ḓo atha madennde avho u mona nawo,+Muṅwe na muṅwe u ḓo fulisa sambi ḽine a khou ḽi ṱhogomela.+
4 “Ḓilugiseleni u lwa nawo!
Takuwani, ri lwe nawo nga masiari!”
“Khombo kha riṋe, ngauri ḓuvha ḽi vho kovhela,Ngauri mirunzi ya nga madekwana i vho lapfa!”
5 “Takuwani, ri lwe nawo vhusikuRi wise mitsheṱo yawo yo khwaṱhaho.”+
6 Ngauri Yehova wa mavhuthu u ri:
“Remani thanda ni fhaṱe luhura lwa u tanga Yerusalema.+
Ndi muḓi une wa fanela u vhonwa mulandu;Khawo hu na u tsikeledzana fhedzi.+
7 Vhunga maḓi a rotholelaho a tshi wanala tshisimani,Na vhuvhi vhu wanala kha wonoyu muḓi.
Khawo hu pfala dzikhakhathi na ndozwo;+Vhulwadze na ṱhamu zwi dzula zwi phanḓa hanga.
8 U ṱhogomele, Iwe Yerusalema, ndi sa ḓo u furalela nga u nengwa;+Ndi ḓo ita uri u vhe shubi, shango ḽi sa dzulwi nga muthu.”+
9 Yehova wa mavhuthu u ri:
“Vha ḓo kuvhanganya masalela a Isiraele vhunga hu tshi kuvhanganywa nḓirivhe dza u fhedzisela.
Dovha u ise tshanḓa vhunga muthu ane a ka nḓirivhe.”
10 “Ndi nnyi ane nda fanela u amba nae na u mu sevha?
Ndi nnyi ane a ḓo nthetshelesa?
Huufha nḓevhe dzavho dzo no dzinga, ndi ngazwo vha sa thetshelesi.+
Huufha ipfi ḽa Yehova ḽo no vha ḽa u goḓiwa;+A vha ḽi takaleli.
11 Ndo ḓala mbiti dza Yehova,A thi tsha kona u dzi konḓelela.”+
“Dzi shululele kha ṅwana a re nḓilani,+Na kha zwigwada zwa vhaṱhannga vho kuvhanganaho.
Vha ḓo farwa vhoṱhe, munna na mufumakadzi wawe,Vhakalaha khathihi na vho no kalahaho tshoṱhe.+
12 Nnḓu dzavho dzi ḓo ṋewa vhaṅwe,Khathihi na masimu na vhafumakadzi vhavho.+
Ngauri ndi ḓo imisela tshanḓa tshanga vhadzulapo vha shango,” u ralo Yehova.
13 “Ngauri u bva kha muṱuku u swika kha muhulwane, vhoṱhe vha ṱoḓa u ḓivhuyedza nga vhufhura;+U bva kha muporofita u swika kha tshifhe, vhoṱhe vha a fhura.+
14 Vha lingedza u fhodza u huvhala* ha vhathu vhanga vha sa londi, vha ri,‘Ḽo lala! Ḽo lala!’
Ngeno hu si na mulalo.+
15 Naa vha a shoniswa nga zwithu zwi nengisaho zwe vha zwi ita?
A vha shoni na luthihi!
A vha ḓivhi uri ṱhoni ndi mini!+
Ndi ngazwo vha tshi ḓo wa vhukati ha vho waho.
Musi ndi tshi vha ḓisela maṱungu vha ḓo khukhulwa,” u ralo Yehova.
16 Yehova u ri:
“Imani mafhandeni a nḓila ni lavhelese.
Ni vhudzise nga ha nḓila dza kale,Ni vhudzise uri nḓila ya vhukuma ndi ifhio, ni tshimbile khayo,+Ndi hone ni tshi ḓo wana vhuawelo.”
Fhedzi vhone vha ri:“A ri nga tshimbili khayo.”+
17 “Nda vhea vhalindi+ vhe vha ri,‘Thetshelesani luṋanga lu tshi lila!’”+
Fhedzi vhone vha ri: “A ri nga thetshelesi.”+
18 “Nga zwenezwo, thetshelesani, Inwi dzitshaka!
Ni ḓivhe, Inwi tshitshavha,Zwine zwa ḓo itea khavho.
19 Thetshelesani, inwi ḽifhasi!
Ndi khou ḓisela havha vhathu maṱungu+Sa malamba a vhukwila havho,Ngauri a vho ngo thetshelesa zwe nda ambaVho laṱa mulayo* wanga.”
20 “Ni vhona u nga ndi na ndavha na zwioro zwitshena zwine na nḓisela zwi tshi bva ShebaNa luṱanga lu nukhelelaho lu bvaho shangoni ḽa kule?
Zwifhiwa zwaṋu zwa u fhiswa a zwi ṱanganedzei,Na zwiṱhavhelo zwaṋu a zwi ntakadzi.”+
21 Ngauralo, Yehova u ri:
“Ndi vhetshela avha vhathu zwikhukhulisi,Vha ḓo khukhulwa ngazwo,Vhokhotsi khathihi na vharwa,Muhura na khonani yawe,Vhoṱhe vha ḓo lovha.”+
22 Yehova u ri:
“Vhathu vha khou ḓa vha tshi bva shangoni ḽa devhula,Na lushaka luhulu lu ḓo vuswa lu tshi bva zwipiḓani zwa kule-kule zwa kha ḽifhasi.+
23 Vha fara vhura na pfumo.
Vha na tshiṱuhu, a vha nga khathutsheli.
Maipfi avho a ḓo unga sa lwanzhe,Vha ṋamela bere.+
Vho ima vho ḓilugiselela u lwa na iwe sa munna wa nndwa, Iwe ṅwananyana wa Tsioni.”
24 Ro pfa nga hazwo.
Ro kulea nungo;+Ro tsikeledzea,Ri khou pfa vhuṱungu vhune ha nga ha mufumakadzi a tshi khou beba.+
25 Ni songo ya tsimuni,Ni songo tshimbila nḓilani,Ngauri swina ḽi na banga;Hoṱhe hu na zwi ofhisaho.
26 Iwe ṅwananyana wa vhathu vhanga,Ambara madzanganda+ u vhumbuluwe miḽorani.
U ṱungufhalele murwa wau muthihi fhedzi na u mu lilela,+Ngauri mutshinyadzi u ḓo ri ḓela nga u ṱavhanya.+
27 “Ndo u* ita muṱoli wa tsimbi vhathuni vhanga,Ane a ita ṱhoḓisiso nga vhuronwane;U ṱhogomele na u ṱolisisa nḓila dzavho.
28 Vhoṱhe ndi vhanna vha swili,+Vha tshimbila vha tshi tshinya vhaṅwe dzina.+
Vha nga koporo na tsimbi;Vhoṱhe a vha fhulufhedzei.
29 Muthu u ita vhuḓidini u itela u vha kunakisa nga mulilo lune na zwishumiswa zwawe zwa swa.
Fhedzi u lingedza hawe u vha kunakisa a zwi vhuyedzi tshithu,+Ngauri vhoṱhe ndi vhavhi.
Muliloni hu bva mutobvu fhedzi.+
30 Ngangoho vhathu vha ḓo vha vhidza siḽiva yo laṱwaho,Ngauri Yehova o vha laṱa.”+
