Yesaya 13:1-22
13 Khaṱhulo ya Babele+ ye Yesaya+ murwa wa Amotsi a i vhona kha bono ndi heyi:
2 “Imisani tshiga+ kha thavha i si na miri na zwimela.
Vha vhidzeleleni, vha imiseleni zwanḓa,Uri vha dzhene nga miṋango ya vharangaphanḓa.
3 Ndo ṋea ndaela kha vhe nda vha nanga.*+
Ndo vhidza vhahali vhanga uri vha sumbedze mbiti dzanga,Vhane vha vha vhathu vhanga vho takalaho.
4 Thetshelesani gogo ḽi re dzithavhani;Vha pfala vhe vhathu vhanzhi!
Thetshelesani phosho ya mivhuso,Ya tshaka dzo kuvhanganaho!+
Yehova wa mavhuthu u khou kuvhanganya mmbi uri i ye nndwani.+
5 I khou ḓa i tshi bva shangoni ḽa kule,+I tshi bva hune ḽiṱaḓulu ḽa guma hone,Ndi Yehova na zwiṱhavhane zwa mbiti dzawe,Zwa u fhelisa ḽifhasi ḽoṱhe.+
6 Zhambani, ngauri ḓuvha ḽa Yehova ḽi tsini!
Ḽi ḓo ḓa sa ndozwo i bvaho ha Ramaanḓaoṱhe.+
7 Ndi ngazwo zwanḓa zwoṱhe zwi tshi ḓo kulea nungo,Vhanna vhoṱhe vha ḓo tshuwa.+
8 Vhathu vho tshuwa.+
Vha khou pfa vhuṱungu na zwiṱhavhi,U fana na mufumakadzi a tshi beba.
Vha sedzana vho tshuwa,Khofheni havho ho tswukuluwa.
9 Ḓuvha ḽa Yehova ḽi khou ḓa,Ḽa tshiṱuhu na tsinyuwo na mbiti,Uri shango ḽi vhe fhethu hu ofhisaho,+Na u fhelisa vhaitazwivhi khaḽo.
10 Ngauri ṋaledzi dzi re ṱaḓulu na zwigwada zwadzo+A zwi nga vhonetsheli;Ḓuvha ḽi ḓo bva ḽo swifhala,Na ṅwedzi a u nga vhonetsheli.
11 Ḽifhasi ḽoṱhe ndi ḓo ḽi sengisela vhuvhi haḽo,+Vhavhi vha ḓo sengiselwa vhukhakhi havho.
Ndi ḓo fhelisa u ḓikukumusa ha vhane vha ḓihudza,Vha re na tshiṱuhu vha u ḓikukumusa vha ḓo ṱukufhadzwa.+
12 Ndi ḓo ita uri muthu a shayee u fhira musuku wo kunakiswaho,+Na vhathu vha ḓo shayea u fhira musuku wa Ofiri.+
13 Ndi ngazwo ndi tshi ḓo dzinginyisa ḽiṱaḓulu,Na ḽifhasi ḽa dzinginyea ḽa bva vhudzuloni haḽo+Nga nṱhani ha u sinyuwa ha Yehova wa mavhuthu nga ḓuvha ḽa mbiti dzawe.
14 U fana na phala i tshi zwimiwa na sambi ḽi si na mulisa,Muṅwe na muṅwe u ḓo vhuyelela kha vhathu vha hawe;Muṅwe na muṅwe u ḓo shavhela shangoni ḽa hawe.+
15 Ane a wanwa u ḓo ṱhavhiwa a fa,Ane a farwa u ḓo vhulawa nga banga.+
16 Vhana vhavho vha ḓo kwashekanyiwa vha tshi zwi vhona,+Thundu dza nḓuni dzavho dza dzhiiwa,Vhafumakadzi vhavho vha tzhipiwa.
17 Ndi khou vha ḓisela Vhameda uri vha ḓe vha lwe navho,+Vhane vha dzhia siḽiva i si tshithuVha sa takadzwi nga musuku.
18 Vhura havho vhu ḓo kwashekanya vhaṱhannga vhavho;+A vha nga pfeli vhuṱungu mbeboA vha nga khathutsheli vhana.
19 Babele, wone muvhuso u re na vhugala u fhira yoṱhe,+Vhuḓi na u ḓihudza ha Vhakaladea,+U ḓo nga miḓi ya Sodoma na Gomora ye ya fheliswa nga Mudzimu.+
20 A hu tsha ḓo dzulwa hone lini na lini,Kana u vha fhethu hune ha dzulea kha mirafho yoṱhe.+
Na Muarabu ha tsha ḓo atha dennde ḽawe henefho,Na vhalisa vha nga si ladze masambi avho henefho.
21 Zwipuka zwa sogani zwi ḓo lala henefho;Nnḓu dzavho dzi ḓo ḓala magwitha.
Mphwe dzi ḓo dzula henefho,+Na mbudzi dza ḓaka* dzi ḓo fhufha-fhufha henefho.
22 Zwipuka zwi ḓo lila zwi kha mitsheṱo yawo,Na phunguwe dzi pfamoni dzawo dzavhuḓi.
Tshifhinga tshawo tshi tsini, maḓuvha awo ha nga engedzwi.”+
Ṱhaluso dzi re magumoni a siaṱari
^ Thevhedz., “kha vhakhethwa vhanga.”
^ Kana khamusi, “madimoni ane a fana na mbudzi.”
