Yesaya 15:1-9
-
Khaṱhulo ya Moaba (1-9)
15 Khaṱhulo ya Moaba ndi heyi:+
Ari+ u re Moaba wo fhumudzwa,Ngauri wo fheliswa nga vhusiku vhuthihi.
Kiri+ wa Moaba wo fhumudzwa,Ngauri wo fheliswa nga vhusiku vhuthihi.
2 O gonya ngei Nḓuni* na ngei Diboni,+Fhethu ha vhurabeli u itela u lila.
Moaba u lilela Nebo+ na Medeba.+
Muṅwe na muṅwe o vheula+ ṱhoho yawe na u gera ndebvu dzoṱhe.+
3 Nḓilani dzawo ho ambarwa madzanganda.
Muṅwe na muṅwe u khou lila e nṱha ha ṱhanga yawe na dzikhoroni;Vha a ṋoka nga u lila.+
4 Vhahesiboni na Vhaeleale+ vha a lila;Tshililo tshavho tshi swika na ngei Yahazi.+
Ndi ngazwo vhanna vho ḓiṱamaho vha Moaba vha tshi dzulela u vhidzelela.
U khou tetemela.
5 Mbilu yanga i lilela Moaba.
Tshavhi dzawo dzo shavha dza vhuya dza swika ngei Tsowari+ na Egilathe-shelishia.+
Dzi gonya tshivhanga tsha Luhite dzi tshi khou lila;Dzi lila nga nṱhani ha makhaulambilu dzi nḓilani i yaho Horonaimi.+
6 Ngauri maḓi a Nimirimi o xa tshoṱhe;Hatsi vhudala ho oma,Ho oma, a hu tshee na tshithu tshidala.
7 Ndi ngazwo vha tshi khou hwala zwo salaho fhethu havho ha u vhulungela thundu na lupfumo lwavho;Vha khou wela govha* ḽa miri ya mipopula.
8 Ngauri tshililo tshi pfala shangoni ḽoṱhe ḽa Moaba.+
Tshi swika ngei Egilaimi;Tshi swika ngei Bere-elima.
9 Maḓi a ngei Dimoni o ḓala malofha,U kha ḓi ḓo ḓelwa nga zwihulu:
Ndau i ḓo ḽa Vhamoaba vhane vha ḓo ponyokaNa vho salaho shangoni.+
