Yesaya 22:1-25
22 Heyi ndi khaṱhulo i yaho Govhani ḽa Bono:*+
Ndi ngani noṱhe no gonya ṱhanga dza nnḓu?
2 Hu ḓo vha na khakhathi muḓini waṋu,Hu ḓo vha na bonyongo na vha u ḓihudza.
Vhane vha ḓo vhulawa, a vha nga vhulawi nga banga,A vha nga feli nndwani.+
3 Vhavhusi vhaṋu vhoṱhe vha ḓo shavha.+
Vha ḓo fariwa hu songo shumiswa vhura.
Naho vha shavhela kule,Vha ḓo fariwa vha valelwa dzhele.+
4 Ndi ngazwo ndo ri: “Ni songo nndavhelesa,Ndi ḓo lila lu ṱungufhadzaho.+
Ni songo kombetshedza u nkhuthadzaNdi tshi lilela u fheliswa ha ṅwananyana wa* vhathu vhanga.+
5 Ndi ḓuvha ḽa u hanganea na ḽa u kundwa na ḽa u tshuwa,+Ḽi bva ha Yehova wa mavhuthu, Murena Muvhusahoṱhe,Govhani ḽa Bono.
Luvhondo lu khou kwashiwa+Hu na tshililo ngei thavhani.
6 Elamu+ u doba mukhwama wa misevheE na vhanna vho ṋamelaho gariki na bere,Kiri+ u lugisa tshiṱangu.
7 Magovha au avhuḓisaA ḓo ḓala gariki dza nndwa,Khoroni hu ḓo ima bere,*
8 Yuda a u tsha ḓo tsireledzea.
“Nga ḽeneḽo ḓuvha ni ḓo lavhelesa Nnḓu ya u vhulungela zwiṱhavhane ine ya vhidzwa Ḓaka ḽa Libanoni,+
9 ni ḓo vhona mabuli manzhi Muḓini wa Davida.+ Ni ḓo kuvhanganya maḓi a damu ḽa fhasi.+
10 Ni ḓo vhala nnḓu dza Yerusalema, ni ḓo kwasha dzinnḓu uri ni khwaṱhise luvhondo.
11 Ni ḓo bwa damu vhukati ha mbondo mbili uri ḽi vhulunge maḓi a damu ḽa kale, fhedzi a ni nga lavhelesi Musiki wazwo Muhulwane, a ni nga vhoni We a zwi vhumba kale-kale.
12 Nga ḽeneḽo ḓuvha Yehova wa mavhuthu, Murena Muvhusahoṱhe,U ḓo ṱoḓa uri vha lile na u ṱungufhala,+Na uri vha vheule dziṱhoho na u ambara madzanganda.
13 Fhedzi nṱhani hazwo, hu khou pembeliwa na u takaliwa,Hu khou ṱhavhiwa kholomo na nngu,Hu khou ḽiwa ṋama na u nwiwa waini.+
Hu pfi: ‘Kha ri ḽe ri nwe, ngauri matshelo ri ḓo fa.’”+
14 Yehova wa mavhuthu o amba na nṋe a ri: “‘Hovhu vhukhakhi a ni nga pfumelelwi u swika ni tshi fa,’+ u ralo Yehova wa mavhuthu, Murena Muvhusahoṱhe.”
15 Zwe Yehova wa mavhuthu, Murena Muvhusahoṱhe a zwi amba ndi hezwi: “Iya ha uḽa mulanda Sebena,+ ane a langa nnḓu,* u ri:
16 ‘U ṱoḓani fhano, hu na nnyi wahau fhano, lune wa ḓikorela vhiḓa fhano?’ U khou ḓikorela vhiḓa tshikwarani; u khou ḓikorela fhethu hune a ḓo dzula hone kha tombo ḽihulu.
17 ‘Yehova u ḓo u posa fhasi lu vhavhaho, Iwe muthu, a u fara a u nyima.
18 U ḓo u puta a u vhofha a khwaṱhisa, a u posa sa bola shangoni ḽo aṱamaho. U ḓo fela henefho, na gariki dzau dza vhugala dzi ḓo vha dzi henefho, dzi ḓo shonisa nnḓu ya muṋe wau.
19 Ndi ḓo u bvisa kha vhuimo hau, nda u pandela mushumoni wau.
20 “‘Nga ḽeneḽo ḓuvha ndi ḓo vhidza mushumeli wanga Eliakima+ murwa wa Hilikia,
21 Ndi ḓo mu ambadza tshiambaro tshau nda mu vhofha nga bannda ḽau nda khwaṱhisa,+ nda vhea maanḓa* au zwanḓani zwawe. U ḓo vha khotsi a vhadzulapo vha Yerusalema na vha nnḓu ya Yuda.
22 Khii ya nnḓu ya Davida+ ndi ḓo i vhea kha shaḓa ḽawe. U ḓo vula hu si vhe na ane a vala; a vala hu si vhe na ane a vula.
23 Ndi ḓo mu ombela sa thanda fhethu ho khwaṱhaho, a nga khuluṋoni ya vhugala nḓuni ya khotsi awe.
24 Vhugala hoṱhe ha nnḓu ya khotsi awe vhu ḓo vha khae, vhaḓuhulu na vhana, midzio yoṱhe miṱuku, midzio i fanaho na tshigoḓelo na mvuvhelo dzoṱhe khulu.
25 “Yehova wa mavhuthu u ri, ‘Nga ḽeneḽo ḓuvha thanda yo ombelwaho fhethu ho khwaṱhaho i ḓo bviswa,+ ya remiwa ya wa, na muhwalo we wa tikwa ngayo u ḓo wa, wa tshinyadzwa, ngauri Yehova ene muṋe o amba.’”
Ṱhaluso dzi re magumoni a siaṱari
^ Zwi khagala uri zwi khou ambela kha Yerusalema.
^ Ḽiedzamuthu ḽa vhurendi, khamusi ḽi sumbedza u pfela vhuṱungu.
^ Kana “vhaṋameli vha bere.”
^ Kana “pfamo.”
^ Kana “vhuvhusi.”
