Yesaya 24:1-23
24 Yehova u khou pandela vhathu shangoni,* a ḽi ita shubi.+
U a ḽi shandula+ na u balanganya vhadzulapo vhaḽo.+
2 Zwi ḓo vha zwi fanaho kha muṅwe na muṅwe:
Kha vhathu na kha tshifhe,Kha mushumeli na muṋe wawe,Kha mushumeli na mufumakadzi wa muṋe wawe,Kha murengi na murengisi,Kha muhadzimisi na muhadzimi,Kha mukolodisi na mukolodi.+
3 Shango ḽi ḓo sala ḽi si na muthu na muthihi;Ḽi ḓo sala ḽi si na tshithu na tshithihi,+Ngauri zwenezwi zwo ambiwa nga Yehova.
4 Shango ḽo ṱungufhala;*+ ḽi khou fhelela.
Shango ḽi khou puta; ḽi khou fhelela.
Vhaḓivhalea vha khou fhela.
5 Shango ḽo tshikafhadzwa nga vhadzulapo vhaḽo,+Ngauri vho nyadza milayo,+Vho shandula ndaela,+Vho pfuka mulanga wa lini na lini.*+
6 Ndi ngazwo shango ḽo semiwa,+Vhadzulapo vhaḽo vha na mulandu.
Ndi ngazwo vhadzulapo vhaḽo vha si tsha vha vhanzhi,Vhanna vho salaho a si vhanzhi.+
7 Waini ntswa yo ṱungufhala,* munḓirivhe wo puta,+Vhoṱhe vha mbilu dzo takalaho vha khou gomela.+
8 Dakalo ḽa u lidza mirumba a ḽi tsha pfala;Phosho ya vhane vha khou ḓiphiṋa a i tsha pfala;Muungo u takadzaho wa haripa a u tsha pfala.+
9 Vha nwa waini vha si tsha imba,Na halwa vhu a vhavha kha vhane vha vhu nwa.
10 Muḓi u si na vhathu wo kwashekanywa;+Nnḓu iṅwe na iṅwe yo valiwa uri hu si dzhene muthu.
11 Vha lilela waini dzinḓilani.
A hu tsha pembelwa;A hu tshee na dakalo shangoni.+
12 Muḓi wo sala u mashubi;Khoro yo tshinyadzwa tshoṱhe.+
13 Kha shango na kha vhathu, zwi ḓo vha nga heyi nḓila:
Zwi ḓo fana na musi muṱwari wo no kuvha,+U fana na u ṱala ṱhalane musi tshifhinga tsha u fula nḓirivhe tsho no fhela.+
14 Vha ḓo ṱavha mikosi,Vha ḓo pembela nga dakalo.
Vha ḓo ḓivhadza vhuhulu ha Yehova u bva ngei lwanzheni.*+
15 Ndi ngazwo vha tshi ḓo hulisa Yehova ngei dzinguni ḽa tshedza;*+Vhathu vha zwiṱangadzimeni zwa lwanzhe vha ḓo hulisa dzina ḽa Yehova Mudzimu wa Isiraele.+
16 Ri pfa nyimbo u bva magumoni a ḽifhasi dzi tshi ri:
“Nga hu rendwe Mudzimu wa Zwivhuya!”+
Fhedzi ndi ri: “Ndi khou fhelela, ndi khou fhelela!
Ndo welwa nga khombo! Vha tshimbevha vho ita zwa tshimbevha;Vha tshimbevha vho ita zwa tshimbevha nga tshimbevha.”+
17 Nyofho na madindi na zwikwekwe zwo u lindela, iwe mudzulapo wa shango.+
18 Ane a shavha zwi ofhisaho u ḓo wela dindini,Ane a bva dindini u ḓo fashwa nga tshikwekwe.+
Ngauri hu ḓo vulwa khoro dza ṱaḓulu,Na mitheo ya shango i ḓo dzinginyea.
19 Shango ḽo fhanduwa;Shango ḽo dzinginyiswa;Shango ḽi khou dzinginyea lwa u dzinginyea.+
20 Shango ḽi khou pepeleka u fana na muthu o kambiwaho,Ḽi khou dzinginyea u fana na nnḓu ya mahatsi i tshi vhudzulwa nga muya.
Ḽi lemelwa nga vhutshinyi vhu re khaḽo,+Ḽi ḓo wa, ḽi si tsha dovha ḽa vuwa.
21 Nga ḽeneḽo ḓuvha Yehova u ḓo haṱula mavhuthu a ṱaḓuluNa mahosi a re kha ḽifhasi.
22 A ḓo kuvhanganywaU fana na vhafariwa vha tshi kuvhanganyelwa dindini,A ḓo valelwa dzhele;A ḓo vhofhololwa nga murahu ha maḓuvha manzhi.
23 Ṅwedzi u ḓo farwa nga ṱhoni,Ḓuvha ḽi ḓo shona,+Ngauri Yehova wa mavhuthu ndi Khosi+ Thavhani ya Tsioni+ na ngei Yerusalema,U ḓo vhusa nga vhugala phanḓa ha vhahulwane vha vhathu vhawe.*+
Ṱhaluso dzi re magumoni a siaṱari
^ Kana “ḽifhasini.”
^ Kana khamusi, “ḽo oma.”
^ Kana “kale.”
^ Kana khamusi, “yo fhela.”
^ Kana “vhukovhela.”
^ Kana “vhubvaḓuvha.”
^ Thevhedz., “phanḓa ha vhahulwane vhawe.”
