Yesaya 26:1-21
26 Nga ḽeneḽo ḓuvha shangoni ḽa Yuda+ hu ḓo imbiwa+ holwu luimbo:
“Ri na muḓi wo khwaṱhaho.+
Mudzimu u ḓo ri tshidza nga mbondo na mitsheṱo yawo.+
2 Vulani dzikhoro+ uri lushaka lwa vhavhuya lu dzhene,Lushaka lune lwa ḓifara nga u fhulufhedzea.
3 U ḓo tsireledza vhane vha ḓitika tshoṱhe nga iwe;U ḓo vha ṋea mulalo wa lini na lini,+Ngauri vha fhulufhela iwe.+
4 Fhulufhelani Yehova lini na lini,+Ngauri Yehova, ene Yehova ndi Tombo+ ḽa lini na lini.
5 Ngauri o ṱukufhadza vhane vha dzula tshikwarani, muḓini u re nṱha.
O u ṱukufhadza,O u thutha;A u posela fhasi buseni.
6 U ḓo kandekanywa nga milenzhe,Milenzhe ya vhane vha tambula na milenzhe ya vhashai.”
7 Nḓila ya muvhuya yo luga.*
Ngauri wo luga,U ḓo lugisa nḓila ya muvhuya.
8 Iwe Yehova, musi ri tshi tevhela nḓila ya khaṱhulo dzau,Ri fhulufhela iwe.
Ri na lutamo lwa u humbula dzina ḽau na zwine ḽa imela zwone.*
9 Ndi a u ṱuvha vhusiku nga zwoṱhe zwine nda vha zwone,Muya wanga u dzulela u ṱoḓa iwe;+Musi u tshi haṱula ḽifhasi,Vhadzulapo vha shango vha ḓo guda zwivhuya.+
10 Naho muvhi a tshi nga takalelwa,Ha nga gudi zwivhuya.+
Na kha shango ḽo lugaho u ḓo ita zwivhi,+Ha nga vhoni vhuhulu ha Yehova.+
11 Iwe Yehova, tshanḓa tshau tsho angalala, fhedzi a vha tshi vhoni.+
Vha ḓo vhona nḓila ine wa tsireledza vhathu vhau nga lufuno, vha shona.
Mulilo wau u ḓo fhisa maswina au.
12 Iwe Yehova, u ḓo ri ṋea mulalo,+Ngauri ndi iwe ane wa ri ṋea nungo dza u itaZwoṱhe zwine ra kona u zwi ita.
13 Iwe Yehova Mudzimu washu, ro vha ri na vhaṅwe vhaṋe vhe vha ri vhusa nga nnḓa ha iwe,+Fhedzi dzina ḽau ndi ḽone ḽi ḽoṱhe ḽine ra amba ngaḽo.+
14 Maswina o fa; ha tsha tshila.
A mavhiḓani, a nga si vuwe.+
Ngauri wo livhisa ṱhogomelo yau khaoUri u a fhelise, a si tsha humbulwa.
15 Iwe Yehova, wo engedza lushaka,Wo engedza lushaka;Wo ḓihulisa.+
Mikano yoṱhe ya shango wo i engedza zwihulu.+
16 Iwe Yehova, vho u ṱoḓa musi vho tsikeledzea;Vho u rabela nga u tou hevhedza musi u tshi vha kaidza.+
17 U fana na mufumakadzi o vhifhaho muvhilini a tsini na u bebaA tshi pfa vhuṱungu ha u beba, a lila a tshi khou pfa vhuṱungu,Zwo tou ralo na kha riṋe nga nṱhani ha Iwe Yehova.
18 Ro vhifha muvhilini, ro pfa vhuṱungu ha u beba,Ri tou nga ro beba muya.
A ro ngo kona u tshidza shango,A hu na we a bebiwa uri a dzule kha shango.
19 “Vhafu vhaṋu vha ḓo tshila.
Zwitumbu zwanga zwi* ḓo vuwa.+
Vuwani ni takale,Inwi no dzulaho buseni!+
Ngauri ṅwando waṋu u nga ṅwando wa nga matsheloni,Ḽifhasi ḽi ḓo ita uri vha re mavhiḓani vha tshile.
20 Vhathu vhanga, tshimbilani ni dzhene kamarani dzaṋu dza nga ngomu-ngomu,Ni vale miṋango.+
Ni dzumbame lwa tshifhinganyanaU swika mbiti dzi tshi dzika.+
21 Ngauri Yehova u khou ḓa a tshi bva fhethu haweUri a sengise vhadzulapo vha shango vhukhakhi havho,Shango ḽi ḓo dzumbulula malofha a re khaḽoA ḽi tsha ḓo fukedza vhe vha vhulawa khaḽo.”
Ṱhaluso dzi re magumoni a siaṱari
^ Kana “linganela.”
^ Ndi uri hu humbulwe na u ḓivhadzwa nga ha Mudzimu na dzina ḽawe.
^ Thevhedz., “Tshitumbu tshanga tshi.”
