Yesaya 27:1-13
27 Nga ḽeneḽo ḓuvha, Yehova nga banga ḽawe ḽi fhiraho* ḽihulu, ḽo khwaṱhaho,+U ḓo rema Liviathani,* ḽiṋowa ḽi suvhaho,Liviathani ḽiṋowa ḽo katanaho,U ḓo vhulaya ḽivhanda ḽa lwanzheni.
2 Nga ḽeneḽo ḓuvha ni mu* imbele, ni ri:
“Tsimu ya minḓirivhe ya waini yo vhilaho!+
3 Nṋe Yehova, ndi khou mu tsireledza.+
Ndi mu sheledza tshifhinga tshoṱhe.+
Ndi mu tsireledza vhusiku na masiari,Uri hu si vhe na ane a mu vhaisa.+
4 A tho ngo sinyuwa.+
Ndi nnyi ane a ḓo lwa na nṋe e na mipfa na tsheṋe nndwani?
Ndi ḓo zwi kandekanya, nda zwi fhisa nga mulilo.
5 Arali zwi songo ralo, kha dzumbame vhushavheloni hanga.
Kha ite mulalo na nṋe;Kha vhe na mulalo na nṋe.”
6 Maḓuvhani a ḓaho Yakobo u ḓo ṱoka midzi,Isiraele u ḓo simuwa, a bva maluvha,+Vha ḓo ḓadza shango nga zwibveledzwa.+
7 Naa u tea u rwiwa u fana na ane a khou mu rwa?
Kana naa u fanela u vhulawa u fana na vhavhulayi vhawe?
8 U ḓo lwa nae nga mukosi u tshuwisaho musi u tshi mu pandela.
U ḓo mu pandela nga ḓumbu ḽawe ḽa muya wa vhubvaḓuvha.+
9 Vhukhakhi ha Yakobo vhu ḓo pfumelelwa nga yeneyi nḓila,+Mvelelo dza musi a tshi hangwelwa tshivhi tshawe dzi ḓo vha hedzi:
U ḓo ita uri matombo oṱhe a aḽeṱareA nge munyaka wo kwashekanywaho,A hu nga sali thanda khethwa* kana fhethu hune ha ṱomiwa hone zwioro.+
10 Ngauri muḓi wo tsireledzwaho nga mbondo u ḓo sala u shubi;Mafulo a ḓo ṱutshelwa, a sala a tshi nga soga.+
Ṋamana i ḓo fula na u eḓela henefhoI ḓo ḽa matavhi awo.+
11 Musi matavhi awo o no oma,Vhafumakadzi vha ḓo ḓa vha a vunḓa,Vha vhasa mulilo ngao.
Ngauri havha vhathu a vha pfesesi.+
Ndi ngazwo Musiki wavho a sa ḓo vha khathutshela,Na We a vha vhumba a sa ḓo vha takalela.+
12 Nga ḽeneḽo ḓuvha Yehova u ḓo fula mitshelo u bva mulambwanani u elelaho wa Mulambo* u swika Muedzini wa Egipita,+ ni ḓo kuvhanganywa nga muthihi nga muthihi, inwi vhathu vha Isiraele.+
13 Nga ḽeneḽo ḓuvha hu ḓo lidzwa luṋanga luhulu,+ ha ḓa vha re tsini na u fa ngei shangoni ḽa Asuri+ na vho balanganaho shangoni ḽa Egipita+ vha gwadamela Yehova thavhani khethwa ngei Yerusalema.+
Ṱhaluso dzi re magumoni a siaṱari
^ Kana “ḽo ṱuṱulwaho.”
^ Sedzani Mutevhe Wa Ṱhalutshedzo Ya Maipfi.
^ Zwi vhonala zwi tshi ambela kha Isiraele, henefha wo fanyiswa na mufumakadzi na tsimu ya munḓirivhe.
^ Sedzani Mutevhe Wa Ṱhalutshedzo Ya Maipfi.
^ Ndi Yufuratha.