Yesaya 28:1-29
28 Khombo kha khare* ya u ḓihudza ya zwidakwa zwa Efuraimi+Na kha luvha ḽawo ḽavhuḓi ḽine ḽa khou puta,Ḽi re nṱha ha govha ḽo nonaho ḽa vho kambiwaho nga waini!
2 Yehova u ḓo rumela muthu a re na nungo na maanḓa.
U ḓo i wisela fhasi,U fana na mibvumo na tshifhango na ḓumbu ḽi tshinyadzaho,U fana na mvula khulu ine ya ḓisa mikumbela.
3 Khare dza u ḓihudza dza zwidakwa zwa EfuraimiDzi ḓo kandekanywa nga milenzhe.+
4 Na luvha ḽawo ḽavhuḓi ḽine ḽa khou puta,Ḽi re nṱha ha govha ḽo nonaho,Ḽi ḓo fana na fuyu* ḽa musi tshilimo tshi sa athu u swika.
Ḽine muthu a tshi ḽi vhona, a ḽi fula a ṱavhanya a ḽi ḽa.
5 Nga ḽeneḽo ḓuvha Yehova wa mavhuthu u ḓo vha khare ya vhugala na khare yavhuḓi ya maluvha kha vhathu vhawe vho salaho.+
6 Ane a khou haṱula u ḓo mu ṋea muya wa khaṱhulo yo teaho na u vha tshisima tsha maanḓa kha vhane vha pandela maswina khoroni.+
7 Na vhenevho vho xedzwa nga waini;Halwa havho vhu a vha pepelekisa.
Tshifhe na muporofita vha xedzwa nga halwa;Vha ḓaḓiswa nga waini,Vha khou pepelekiswa nga halwa havho;Vha khou xedzwa nga bono ḽavho,A vha na vhuṱanzi na khaṱhulo dzavho.+
8 Ngauri maṱafula avho o ḓala maṱanza a nengisahoO ḓala hoṱhe.
9 U ḓo funza nnyi uri a vhe na nḓivho,U ḓo ṱalutshedza nnyi mulaedza?
Naa ndi avho vhane vha kha ḓi tou bva u litshiswa mafhi,*Vhane vha kha ḓi tou bva u litshiswa u mama?
10 Ngauri ndi “ndayo nga murahu ha ndayo, ndayo nga murahu ha ndayo,Luṱale lwa u kala nṱha ha luṅwe luṱale lwa u kala, luṱale lwa u kala nṱha ha luṅwe luṱale lwa u kala,+Zwiṱuku ngeno, zwiṱuku ngei.”
11 U ḓo amba na havha vhathu a tshi shumisa vhane vha kakamela na vhane vha amba luambo lu sili.+
12 O vhuya a vha vhudza a ri: “Hafha ndi fhethu ha u awela. Kha hu awele o netaho; hafha ndi fhethu ha u homolowa,” fhedzi vha si thetshelese.+
13 Nga zwenezwo, zwe Yehova a vha vhudza zwi ḓo vha:
“Ndayo nga murahu ha ndayo, ndayo nga murahu ha ndayo,Luṱale lwa u kala nṱha ha luṅwe luṱale lwa u kala, luṱale lwa u kala nṱha ha luṅwe luṱale lwa u kala,+Zwiṱuku ngeno, zwiṱuku ngei,”Uri musi vha tshi tshimbila,Vha khukhulwe vha we vha ganameVha vunḓee, vha fashwe na u thubiwa.+
14 Ipfani zwine Yehova a amba, inwi vhane na ḓikukumusa,Inwi vhavhusi vha havha vhathu ngei Yerusalema,
15 Inwi vhanna ni ri:
“Ro vhofha mulanga na Lufu,+Ro ita thendelano na Vhiḓa.*
Musi hu tshi ḓa mukumbela muhulu,U nga si swike kha riṋe,Ngauri ro khuda nga mazwifhiRo dzumbama nga vhufhura.”+
16 Nga zwenezwo, Yehova Murena Muvhusahoṱhe u ri:
“Ndi vhea tombo ḽo khwaṱhaho uri ḽi vhe mutheo Tsioni,+Thikho+ ya ndeme kha mutheo wo khwaṱhaho.+
A re na lutendo ha nga ofhi.+
17 Khaṱhulo yo teaho ndi ḓo i ita luṱale lwa u kala+Zwivhuya ndi ḓo zwi ita tshishumiswa tsha u kala.*+
Tshifhango tshi ḓo fhelisa vhukhudo ha mazwifhi,Na maḓi a ḓo kumba fhethu ha u dzumbama.
18 Mulanga waṋu na Lufu u ḓo thuthwa,Thendelano yaṋu na Vhiḓa* a i nga khwaṱhi.+
Musi hu tshi ḓa mukumbela muhulu,Ni ḓo kumbiwa.
19 Tshifhinga tshoṱhe musi u tshi ḓa,U ḓo ni kumba;+Ngauri u ḓo ḓa nga matsheloni maṅwe na maṅwe,U ḓo ḓa masiari na vhusiku.
Ndi nyofho fhedzi dzine dza ḓo ita uri vha pfesese zwe vha zwi pfa.”*
20 Ngauri mmbete ndi mupfufhi lune muthu a si kone u navha khawo,Na nguvho ndi ṱhukhu uri muthu a kone u fuka hoṱhe.
21 Ngauri Yehova u ḓo dzhia vhukando sa zwe a zwi ita ngei Thavhani ya Perasimi;U ḓo dzhia vhukando sa zwe a zwi ita ngei govhani ḽi re tsini na Gibeoni,+Uri a shume mushumo wawe, mushumo wawe u mangadzaho,Uri a ite mushumo wawe, mushumo wawe u songo ḓoweleaho.+
22 Zwino litshani u goḓa,+Uri ngeḓane dzaṋu dzi si vhofheswe,Ngauri ndo pfa Yehova wa mavhuthu, Murena Muvhusahoṱhe,A tshi ri o ḓiimisela u fhelisa shango ḽoṱhe.*+
23 Thetshelesani ni pfe zwine nda amba;Ni zwi dzhiele nṱha, ni pfesese zwine nda amba.
24 Naa mulimi u dzhia ḓuvha ḽoṱhe a tshi khou lima uri a zwale mbeu?
Naa u sokou dzula a tshi khou kwasha maḓinga na u haraga mavu?+
25 Musi o no ita uri fhethu hoṱhe hu linganele,Naa ha hashi mbeu ntswu ya khumini na u zwala khumini,Naa ha ṱavhi goroi, mufhoho na baḽi fhethu hazwoNa luvhele+ mikanoni?
26 Ngauri U mu funza* nḓila yo lugaho;Mudzimu wawe u a mu gudisa.+
27 Ngauri khumini ntswu a i fhulwi nga tshiḽei tsha u fhula,+Linga ḽa gariki a ḽi kandi khumini.
Nṱhani hazwo, khumini ntswu i fhulwa nga thonga,Khumini i fhulwa nga lubaḓa.
28 Naa muthu u a kwasha thoro a ita vhurotho ngadzo?
Hai, ha dzi fhuli tshifhinga tshoṱhe;+Na musi a tshi tshimbidza linga ḽa gariki yawe khadzo nga bere dzawe,Ha kwashi thoro.+
29 Na zwenezwi zwi bva ha Yehova wa mavhuthu,Ane nyeletshedzo yawe ya vha yavhuḓi*Na ane a khunyeledza zwithu zwihulu.*+
Ṱhaluso dzi re magumoni a siaṱari
^ Khamusi zwi khou ambela kha musanda wa Isiraele, Samaria.
^ Kana “huyu.”
^ Kana “mikando.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “tshishumiswa tsha u kala tshi re na luṱale.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana khamusi, “Musi vha tshi pfesesa, vha ḓo dzhenwa nga nyofho.”
^ Kana “ḽifhasi ḽoṱhe.”
^ Kana “laya; rwa nga.”
^ Kana “Zwine a ṱoḓa u zwi ita ndi zwavhuḓi.”
^ Kana “Na ane a vha na vhuṱali vhuhulu.”
