Yesaya 29:1-24
29 “Khombo i ḓo wela Ariele,* Ariele muḓi we Davida a vha o atha hone madennde!+
Bvelani phanḓa ṅwaha muṅwe na muṅwe;Ni tshi ita vhuṱambo+ haṋu.
2 Fhedzi ndi ḓo ḓisa khombo kha Ariele,+Hu ḓo vha na u ṱungufhala na u lila,+Kha nṋe u ḓo fana na tshivhaso tsha aḽeṱare ya Mudzimu.+
3 Ndi ḓo atha madennde u mona na iwe,Ndi ḓo u tanga nga luhuraNda u tangela ngomu nga mitsheṱo.+
4 U ḓo ṱukufhadzwa;U ḓo amba u mavuni,Zwine wa ḓo amba zwi ḓo thivhiwa nga buse.
Ipfi ḽau ḽi ḓo bva mavuni+U fana na ipfi ḽa mungome,Zwine wa amba zwi ḓo pfala zwi tshi bva buseni.
5 Gogo ḽa maswina* au ḽi ḓo fana na luphuse,+Gogo ḽa vha re na tshiṱuhu ḽi ḓo fana na mungu u vhudzulwaho nga muya.+
Zwi ḓo itea nga u ṱavhanya, nga khathihi fhedzi.+
6 Yehova wa mavhuthu u ḓo u thetshelesaNga mibvumo na mudzinginyo na phosho khulu,Nga ḓumbu na nga mulilo u tshinyadzaho.”+
7 Gogo ḽa tshaka dzoṱhe dzi lwaho na muḓi wa ngei Ariele+Vhoṱhe vha lwaho nawo,Mitsheṱo yo u tangaho,Na vhane vha u ḓisela khomboZwi ḓo nga muḽoro, bono ḽa vhusiku.
8 Zwi ḓo fana na musi muthu a re na nḓala a tshi ḽora a tshi khou ḽa,Fhedzi a tshi vuwa a vha a tshi kha ḓi vha na nḓala,Na musi muthu a re na ḓora a tshi ḽora a tshi khou nwa,Fhedzi a tshi vuwa a vha o neta, e na ḓora.
Zwi ḓo itea nga u ralo kha gogo ḽa tshaka dzoṱheḼine ḽa lwa na Thavha ya Tsioni.+
9 Mangalani ni kanuke;+Valani maṱo uri ni si tsha vhona.+
Vho kambiwa, fhedzi hu si nga waini;Vha khou pepeleka, fhedzi hu si nga halwa.
10 Ngauri Yehova o ita uri ni eḓele khofhe khulu;+O thivha maṱo aṋu, ane a vha vhaporofita,+O thivha ṱhoho dzaṋu, dzine dza vha vhavhoni.+
11 Bono ḽiṅwe na ḽiṅwe ḽi ḓo fana na mafhungo a re kha bugu yo valwaho.+ Musi vha tshi i ṋea muthu ane a nga kona u vhala, vha ri: “Ri khou humbela uri u ri vhalele,” ene u ḓo ri: “A thi koni u vhala ngauri yo valwa.”
12 Musi vha tshi i ṋea muthu ane a si kone u vhala, vha ri: “Ri khou humbela uri u ri vhalele,” ene u ḓo ri: “A thi koni u vhala na luthihi.”
13 Yehova u ri: “Havha vhathu vha sendela tsini hanga nga milomo yavho fhedziVha nkhulisa nga milomo yavho,+Ngeno mbilu dzavho dzi kule na nṋe;Vha tshi nnyofha vha vha vha tshi khou itiswa nga milayo ya vhathu ye vha funzwa yone.+
14 Ndi ḓo ita zwithu zwi mangadzaho nga avha vhathu,+Zwi mangadzaho lwa u mangadza;Vhuṱali ha vho ṱalifhaho vhu ḓo fhela,Na ṱhalukanyo ya vhathu vhavho vho ṱalifhaho i ḓo dzumbiwa.”+
15 Khombo kha vhane vha ita vhuḓidini ha uri vha dzumbele Yehova maano avho.+
Mishumo yavho vha i itela swiswini,Vha tshi ri: “Ri vhonwa nga nnyi?
Ndi nnyi ane a ḓivha zwine ra khou ita?”+
16 Ni a shanda zwithu.
Naa muvhumbi u lingana na vumba?+
Naa tsho vhumbiwaho tshi nga amba na muvhumbi watsho tsha ri:
“A si ene we a mmbumba”?+
Naa tsho vhumbiwaho tshi nga amba na muvhumbi watsho tsha ri:
“Ha na ṱhalukanyo”?+
17 Hu si kale, Libanoni hu ḓo shanduka ha vha tsimu ya mitshelo,+Tsimu ya mitshelo i ḓo fana na ḓaka.+
18 Nga ḽeneḽo ḓuvha vho dzingaho nḓevhe vha ḓo pfa mafhungo ane a bva kha bugu,Musi vho no vhofhololwa kha swiswi, vha sa vhoni vha ḓo vhona.+
19 Vho vuḓaho vha ḓo takalela Yehova nga maanḓa,Na vhashai vha ḓo takalela Mukhethwa wa Isiraele.+
20 Ngauri a re na tshiṱuhu u ḓo vha a si tsheeho,Ane a zuwa a nga si tsha vha hone,Na vhoṱhe vhane vha dzula vho fhaṱutshela u vhaisa vhaṅwe vha ḓo fheliswa,+
21 Vhane vha zwifha vha tshi ita uri vhaṅwe vha vhe na mulandu,Vha vhetshelaho mulamuleli* tshikwekwe khoroni ya muḓi,+Na vhane hu si na tshiitisi tshi pfalaho vha thivhela muvhuya uri a si haṱulwe nga nḓila yo teaho.+
22 Zwe Yehova we a rengulula Abrahamu+ a zwi vhudza vha nnḓu ya Yakobo ndi hezwi:
“Yakobo ha tsha ḓo shona,Tshifhaṱuwo tshawe a tshi tsha ḓo tshenuluwa.*+
23 Ngauri musi a tshi vhona vhana vhawe,Vhane vha vha mishumo ya zwanḓa zwanga, vhukati hawe,+Vha ḓo ita uri dzina ḽanga ḽi vhe ḽikhethwa;Vha ḓo ita uri Mukhethwa wa Yakobo a vhe mukhethwa,Vha ḓo ofha Mudzimu wa Isiraele.+
24 Vha zwiito zwi sa ḓivhalei vha ḓo wana ṱhalukanyo,Na vhane vha gungula vha ḓo ṱanganedza ndayo.”
Ṱhaluso dzi re magumoni a siaṱari
^ Khamusi zwi amba uri “Tshivhaso Tsha Aḽeṱare Ya Mudzimu,” khamusi zwi khou ambela kha Yerusalema.
^ Thevhedz., “vhatsinda.”
^ Thevhedz., “ane a kaidza.”
^ Nga nṱhani ha u shoniswa na u kulea nungo.