Yesaya 3:1-26
3 Ngauri Murena wa ngoho, Yehova wa mavhuthu,U khou bvisa zwoṱhe zwo tikaho Yerusalema na Yuda,Zwine zwa vha zwiḽiwa* na maḓi,+
2 Munna wa maanḓa na muhali,Muhaṱuli na muporofita,+ mungome na muhulwane,
3 Murangaphanḓa wa vha 50,+ muhulisei na mueletshedzi,Muḓivhi wa manditi na muungeledzi a re na vhutsila.+
4 Ndi ḓo ita uri vhatukana vha vhe vharangaphanḓa vhavho,Nda ita uri vha vhuswe nga vhathu vha sa fhulufhedzei.
5 Vhathu vha ḓo tsikeledzana,Muṅwe na muṅwe u ḓo tsikeledza muhura wawe.+
Mutukana a vutshela mukalaha,A nyadziwaho a lwa na ane a ṱhonifhiwa.+
6 Muthu u ḓo fara wahawe nḓuni ya khotsi awe a ri:
“U na tshiambaro, ivha muvhusi washu.
U vhuse enea mashubi.”
7 Fhedzi nga ḽeneḽo ḓuvha u ḓo hana a ri:
“Ndi nga si vhe mualafhi wa zwilonda zwau;A thi na zwiḽiwa kana zwiambaro nḓuni yanga.
Ni songo nnyita muvhusi wa vhathu.”
8 Ngauri Yerusalema u khou wa,Yuda wo no wa,Ngauri vho lwa na Yehova nga zwine vha zwi amba na zwine vha zwi ita;Vho shandukela vhugala hawe.+
9 Zwifhaṱuwo zwavho zwi a vha pomoka,Vha ḓivhadza zwivhi zwavho u fana na Sodoma;+A vha lingedzi na u zwi dzumba.
Khombo khavho, ngauri vha khou ḓi ḓisela khombo!
10 Ni vhudze vhavhuya uri zwi ḓo vha tshimbilela zwavhuḓi;Vha ḓo lambedzwa nga zwe vha zwi ita.+
11 Khombo kha muvhi!
U ḓo welwa nga khombo,Ngauri zwe zwanḓa zwawe zwa zwi ita zwi ḓo itwa khae!
12 Vhathu vhanga vha tambudzwa nga vhalangi vhavho,Vha vhuswa nga vhafumakadzi.
Inwi vhathu vhanga, vharangaphanḓa vhaṋu vha khou ni xedza,Vha khou ni kanganyisa uri ni si ḓivhe nḓila ine na fanela u fara yone.+
13 Yehova u khou takuwa uri a sengise;U khou takuwa uri a haṱule vhathu.
14 Yehova u khou sengisa vhahulwane na vharangaphanḓa vha vhathu vhawe.
“No fhisa tsimu ya minḓirivhe,Zwe na tswela vhashai zwi nḓuni dzaṋu.+
15 Ndi ngani ni tshi kandeledza vhathu vhangaNa u tsikeledza vhashai?”+ u ralo Yehova Murena Muvhusahoṱhe wa mavhuthu.
16 Yehova u ri: “Ngauri vhananyana vha Tsioni vha a ḓihudza,Vha tshimbila vho imisela nṱha mitsinga yavho,Vha tshi sunyedza nga maṱo avho, vha tshi fhufha-fhufha,Vha tshi tshimbila vha ita phosho nga zwe vha ambara milenzheni,
17 Yehova u ḓo ita uri vhananyana vha Tsioni vha vhe na makwati a zwilonda kha ṱhoho,Yehova u ḓo ita uri vha si vhe na mavhudzi ṱhohoni dzavho.+
18 Nga ḽeneḽo ḓuvha Yehova u ḓo vha dzhiela mabengele avho,Mabannda avho a u vhofha ṱhohoni na madzanga avho a tshivhumbeo tsha ṅwedzi,+
19 Zwiṅiṋa, mabengele na malabi a u thivha zwifhaṱuwo,
20 Khare, tshaini dza mulenzheni na mabannda a u vhofha khanani,Zwiḓolo zwi nukhelelaho na zwithu zwi kungaho,
21 Rinngi dza minweni na zwiṅiṋa zwa ningoni,
22 Zwiambaro zwa vhuṱambo, zwiambaro zwa nga nnḓa na zwipatshi,
23 Zwivhoni+ zwiṱuku na zwiambaro zwa ḽinene,Dzidugu na malabi a u thivha tshifhaṱuwo.
24 Vhudzuloni ha mapfura a baḽisamu,+ hu ḓo nukha zwo sinaho;Vhudzuloni ha bannda, hu ḓo vha thambo;Vhudzuloni ha tshitaela tshavhuḓi tsha mavhudzi, hu ḓo vha na phanḓa;+Vhudzuloni ha zwiambaro zwi ḓuraho, hu ḓo vha madzanganda;+Vhudzuloni ha lunako hu ḓo vha na mavhadzi.
25 Vhanna vhau vha ḓo vhulawa nga banga,Na vhahali vhau vha ḓo vhulawa nndwani.+
26 Miṋango yawe i ḓo ṱungufhala na u lila,+U ḓo vha shubi.”+
Ṱhaluso dzi re magumoni a siaṱari
^ Thevhedz., “vhurotho.”
