Yesaya 31:1-9
31 Khombo kha vhane vha tsela Egipita uri vha wane thuso,+Vhane vha ḓitika nga bere,+Vhane vha fhulufhela gariki dza nndwa ngauri ndi nnzhi,Na bere dza nndwa* ngauri dzi na maanḓa.
A vha ṱoḓi thuso kha Mukhethwa wa Isiraele,A vha ṱoḓi Yehova.
2 Fhedzi na ene o ṱalifha, u ḓo ḓisa khombo,U ḓo ita zwe a amba.
U ḓo lwa na nnḓu ya vhaitazwivhiNa vhane vha thusa vhaitazwivhi.+
3 Vhaegipita ndi vhathu zwavho, a si Mudzimu;Bere dzavho dzi sokou vha zwipuka, a si zwivhumbiwa zwa muya.+
Musi Yehova a tshi imisela nṱha tshanḓa tshawe,Ane a ṱoḓa u thusa u ḓo khukhulwa
Na ane a thuswa u ḓo wa;Vha ḓo fa vhoṱhe nga tshifhinga tshithihi.
4 Ngauri Yehova o amba na nṋe a ri:
“U fana na ndau i tshi vhomba, ndawana i re na maanḓa i tshi vhombela tshipondwa tshayo,
Musi hu tshi vhidzwa vhalisa vhanzhi uri vha ḓe vha i pandele,A i ofhi maipfi avhoKana u tshuwiswa nga phosho yavho,Yehova wa mavhuthu u ḓo ḓa nga nḓila i fanaho musi a tshi ḓa u lwelaThavha ya Tsioni na tshikwara tshayo.
5 U fana na zwiṋoni zwo ṱharamudza phapha, Yehova wa mavhuthu u ḓo tsireledza Yerusalema.+
U ḓo u lwela na u u tshidza.
U ḓo u khathutshela na u u lamulela.”
6 “Vhuyelelani ha We na mu shandukela, inwi vhathu vha Isiraele.+
7 Ngauri nga ḽeneḽo ḓuvha muṅwe na muṅwe u ḓo laṱa midzimu yawe ya siḽiva i sa vhuyedzi tshithu na midzimu yawe ya musuku i si na mushumo, ye ya itwa nga zwanḓa zwaṋu, ha vha u ita tshivhi.
8 Muasuri u ḓo vhulawa nga banga ḽi si ḽa muthu;U ḓo fheliswa nga banga ḽi si ḽa muthu.+
U ḓo shavha nga nṱhani ha banga,Vhaṱhannga vhawe vha ḓo vha dziphuli.
9 Tombo ḽawe ḽihulu ḽi ḓo ngala-ngala nga nṱhani ha nyofho khulu,Vharangaphanḓa vhawe vha ḓo ofha nga nṱhani ha tshiga,” u ralo Yehova,Ane tshedza* tshawe tsha vha ngei Tsioni na ane ṋanḓo yawe ya vha ngei Yerusalema.
