Yesaya 33:1-24
33 Khombo i ḓo wela iwe mutshinyadzi a sa athu u tshinyadzwaho;+Iwe mufheṱi a sa athu u fheṱwaho!
Musi wo no fhedza u tshinyadza, na iwe u ḓo tshinyadzwa.+
Musi wo no fhedza u fheṱa, na iwe u ḓo fheṱwa.
2 Iwe Yehova, ri sumbedze vhuthu.+
Ngauri ro fhulufhela iwe.
Ivha nungo*+ dzashu matsheloni maṅwe na maṅwe,Ivha mutshidzi washu musi ro tsikeledzea.+
3 Vhathu vha a shavha musi vha tshi pfa mubvumo wa ipfi ḽau.
Musi u tshi takuwa tshaka dzi a balangana.+
4 U fana na nzie dzi tshi kuvhangana uri dzi ḽe, na inwi ni ḓo dzhielwa zwe na thuba;Vhathu vha ḓo zwi gidimela u fana na guma* ḽa nzie.
5 Yehova u ḓo huliswa,Ngauri u dzula ṱaḓulu.
U ḓo ita uri Tsioni hu vhe na khaṱhulo yo teaho na u luga.
6 Misini yeneyo u fhulufhedzea hu ḓo bveledza u tshidzwa+ huhulwane,Khathihi na vhuṱali, nḓivho na u ofha Yehova+Zwine zwa vha lupfumo lwawe.
7 Vhahali vhavho vha lila vhe nḓilani;Vhaḓinḓa vha re na mulalo vha lila lu ṱungufhadzaho.
8 Nḓila khulwane a dzi tsha tshimbilwa;A hu tsha tshimbila muthu dzinḓilani.
O* pfuka mulanga;O vutshela miḓi;Ha na ndavha na muthu.+
9 Shango ḽo ṱungufhala na u oma.
Libanoni ḽo farwa nga ṱhoni;+ ḽo sina.
Sharona ḽi fana na soga,Bashani na Karamele vho fhufhura maṱari avho.+
10 Yehova u ri: “Zwino ndi ḓo takuwa,Zwino ndi ḓo ḓirendisa;+Zwino ndi ḓo ḓihulisa.
11 Wo vhifha muvhilini nga hatsi ho omaho wa beba maṱanga.
Muya wau u ḓo u fhedza u fana na mulilo.+
12 Tshaka dzi ḓo swa dza nga miḽora.
Sa mipfa i tshi remiwa, dzi ḓo fhiswa nga mulilo.+
13 Inwi ni re kule, thetshelesani zwine nda ḓo zwi ita!
Inwi ni re tsini, ṱhogomelani maanḓa anga!
14 Vhaitazwivhi vha re Tsioni vha khou ofha;+Vhagunei vho tshuwa, vha ri:
‘Ndi nnyi ane a nga kona u tshila fhethu hu re na mulilo u tshinyadzaho?+
Ndi nnyi ane a nga kona u tshila fhethu hu re na mulilo u sa dzimiho?’
15 Ndi uyo ane a dzula a tshi ita zwivhuya,+Ane a amba zwo lugaho,+Ane a hana u sa fhulufhedzea, a landula u vhuyelwa nga vhufhura,Ane tshanḓa tshawe tshi si ṱanganedze zwa tshanḓanguvhoni,+Ane a thivha nḓevhe dzawe uri a si pfe zwa u shulula malofha,Ane a bonya maṱo awe uri a iledze u vhona zwo vhifhaho
16 U ḓo dzula dzithavhani;Vhukhudo hawe vhu ḓo vha matomboni a vhushavhelo,U ḓo ṋewa zwiḽiwa* zwawe,Na maḓi awe a nga si fhele.”+
17 Maṱo au a ḓo vhona khosi yo nakaho;Vha ḓo vhona shango ḽa kule.
18 Mbiluni yau u ḓo humbula* zwi ofhisaho, wa ri:
“Muṅwaleli u ngafhi?
U ngafhi ane a badela nduvho?+
U ngafhi ane a vhala mitsheṱo?”
19 A u tsha ḓo dovha wa vhona vhathu vha re na lunyadzo,Vhathu vhane luambo lwavho lwa konḓa u pfesesea,Vha luambo lune u nga si kone u lu pfesesa.+
20 Vhona Tsioni, muḓi wa vhuṱambo hashu!+
Maṱo au a ḓo vhona Yerusalema sa fhethu hu re na mulalo,Dennde ḽine ḽa sa ḓo sudzuluswa.+
Ḽine tsimbi dzaḽo dza sa ḓo ṱomolwa,Na ḽine thambo dzaḽo dza sa ḓo ṱhukhulwa.
21 Fhedzi henefho Yehova u ḓo vha na riṋe, Ene wa Vhugala,Dzingu ḽi re na milambo, ḽa migero yo aṱamaho,Ine tshikepe tshi nga si tshimbile khayoNa zwikepe zwihulu zwi nga si fhire henefho.
22 Ngauri Yehova ndi Muhaṱuli washu,+Yehova ndi Muṋei washu wa mulayo,+Yehova ndi Khosi yashu;+Ndi Ene ane a ḓo ri tshidza.+
23 Thambo dzau dzi ḓo rembeḓa;Dzi nga si kone u vhofha thanda dza u atha maseila a tshikepe.
Nga tshenetsho tshifhinga hu ḓo kovhekanywa zwithu zwinzhi zwo thubiwaho;Na muholefhali u ḓo dzhia zwinzhi.+
24 A hu na mudzulapo ane a ḓo ri: “Ndi a lwala.”+
Vhathu vha dzulaho shangoni vha ḓo vha vho hangwelwa vhukhakhi havho.+
Ṱhaluso dzi re magumoni a siaṱari
^ Kana “tshanḓa.”
^ Kana “murivha.”
^ Zwi khou ambela kha swina.
^ Thevhedz., “vhurotho.”
^ Kana “elekanya.”
