Yesaya 35:1-10
35 Hu ḓo takala soga na shango,+Na midavhi ya soga i ḓo takala ya ḓala maluvha.+
2 I ḓo bva maluvha;+I ḓo takala na u pembela.
I ḓo ṋewa vhugala ha Libanoni,+Lunako lwa Karamele+ na lwa Sharona.+
Vha ḓo vhona vhugala ha Yehova, lunako lwa Mudzimu washu.
3 Khwaṱhisani zwanḓa zwi si na nungo,Ni khwaṱhise magona ane a khou tetemela.+
4 Vhudzani vha mbilu dzi vhilaelaho, ni ri:
“Khwaṱhani. Ni songo ofha.
Mudzimu waṋu u ḓo ḓa a ni lifhedzela,Mudzimu u ḓo ḓa a ni lifhedzela.+
U ḓo ḓa a ni tshidza.”+
5 Nga tshenetsho tshifhinga vha sa vhoni vha ḓo vhona,+Ndi hone hu tshi ḓo thivhululwa nḓevhe dza vho dzingaho.+
6 Nga tshenetsho tshifhinga muholefhali u ḓo fhufha sa ntsa,+Lulimi lwa a sa koni u amba lu ḓo fhululedza nga dakalo.+
Ngauri sogani hu ḓo elela maḓi,Midavhini ya soga hu ḓo vha na milambwana.
7 Shango ḽi ḓo vha tivha ḽi re na ṱhanga,Hu re na mavu o omaho hu ḓo bva zwisima zwa maḓi.+
Hayani ha phunguwe,+Hu ḓo mela hatsi vhudala na ṱhanga na miṱaṱe.
8 Henefho hu ḓo vha na nḓila khulwane,+Nḓila ine ya vhidzwa Nḓila Khethwa.
A songo kunaho ha nga tshimbili khayo.+
Ndi ya vhane vha tshimbila nḓilani;A hu na tsilu ḽine ḽa ḓo pambutshela khayo.
9 Henefho a hu nga vhi na ndau,Na zwivhanda zwi nga si ḓe khayo.
A zwi nga wanali henefho;+Ndi vho rengululwaho fhedzi vhane vha ḓo tshimbila henefho.+
10 Vho rengululwaho nga Yehova vha ḓo vhuya,+ vha dzhena Tsioni vha tshi khou fhululedza.+
Dakalo ḽi sa fheli ḽi ḓo vha khare kha ṱhoho dzavho.+
U pembela na dakalo zwi ḓo vha zwavho,U ṱungufhala na u gomela a zwi tsha ḓo vha hone.+
