Yesaya 38:1-22
38 Misini yeneyo Hiskia a lwala lwe a ṱoḓou fa.+ Muporofita Yesaya+ murwa wa Amotsi a ḓa a amba nae a ri, “Yehova u ri: ‘Onesana* na muṱa wau, ngauri u ḓo fa; a u nga fholi.’”+
2 Hiskia a rembuluwa a lavhelesa luvhondo, a thoma u rabela Yehova a ri:
3 “Yehova, ndi humbela uri u humbule+ nḓila ye nda u shumela ngayo nga u fhulufhedzea na nga mbilu yoṱhe,+ ndo ita zwine zwa u takadza.” Hiskia a lila nga maanḓa.
4 Yehova a amba na Yesaya, a ri:
5 “Huma u ye u vhudze Hiskia,+ u ri, ‘Yehova Mudzimu wa Davida makhulukuku wau u ri: “Thabelo yau ndo i pfa.+ Na miṱodzi yau ndo i vhona.+ Ndi khou engedza vhutshilo* hau nga miṅwaha ya 15,+
6 ndi ḓo tshidza iwe na wonoyu muḓi zwanḓani zwa khosi ya Asuri, ndi ḓo tsireledza wonoyu muḓi.+
7 Tshiga tshi bvaho kha Yehova tsha u sumbedza uri Yehova u ḓo ita zwe a amba ndi hetshi:+
8 Ndi ḓo ita uri murunzi wa ḓuvha wo no ḓi tsaho zwiṱepisini* zwa Ahasi u humele murahu nga maga a fumi.”’”+ Murunzi wa huma nga maga a fumi kha zwiṱepisi zwe wa vha wo no ḓi zwi tsa.
9 Mafhungo e a ṅwaliwa nga Khosi Hiskia wa Yuda musi o no fhola.
10 Ndo ri: “Ndi ḓo ya khoroni dza Vhiḓa*Vhutshilo hanga vhu tshi kha ḓi vha vhukati.
Ndi ḓo dzhielwa miṅwaha yanga yo salaho.”
11 Ndo ri: “A thi tsha ḓo vhona Yehova, a thi tsha ḓo vhona Yehova ngauri ndi ḓo vha ndo fa.+
A thi tsha ḓo vhona vhathuMusi ndi na vhadzulapo vha fhethu hune zwoṱhe zwa guma.
12 Vhudzulo hanga ho thuthwa, ho bviswa kha nṋe+U fana na dennde ḽa mulisa.
Ndo peta vhutshilo hanga sa muluki;O ntumula sa harane dza labi.
U bva nga masiari u swika ḽi tshi kovhela u ṱoḓa u mphelisa.+
13 Ndo ḓikhuthadza u swika nga matsheloni.
U vunḓa marambo anga oṱhe u fana na ndau;U bva masiari u swika ḽi tshi kovhela u ṱoḓa u mphelisa.+
14 Ndi dzulela u lila sa ṱhambelamaḓi kana lutiitii;*+Ndi dzulela u lila sa ḽiivha.+
Maṱo anga a neta nga u lavhelesa nṱha:+
‘Iwe Yehova, ndo tsikeledzea zwihulu;Ntike!’+
15 Ndi nga ri mini?
O ita zwe a mmbudza.
Ndi ḓo ḓiṱukufhadza miṅwaha yanga yoṱheNgauri ndo tsikeledzea.
16 ‘Iwe Yehova, muthu muṅwe na muṅwe u tshila nga zwenezwi zwithu,*Na vhutshilo hanga vhu khazwo.
U ḓo mphodza wa ntshidza.+
17 Nṱhani ha uri ndi vhe na mulalo, ndo vha ndo ṱungufhala zwihulu;Fhedzi wo mpfuna,Wa ntshidza dindini ḽa ndozwo.+
Wa laṱela zwivhi zwanga zwoṱhe murahu hau.*+
18 Ngauri Vhiḓa* a ḽi koni u u hulisa,+Lufu a lu koni u u renda.+
Vhane vha tsela dindini a vha koni u fhulufhela u fhulufhedzea hau.+
19 Vha tshilaho ndi vhone vhane vha nga kona u u renda,U fana na nṋe ndi tshi u renda zwino.
Khotsi a nga ita uri vharwa vhawe vha ḓivhe nga ha u fhulufhedzea hau.+
20 Iwe Yehova, ntshidze,Ri ḓo lidza nyimbo dzanga nga zwilidzo zwi re na ṱhale+Nḓuni ya Yehova maḓuvha oṱhe a vhutshilo hashu.’”+
21 Yesaya a ri: “Ḓisani khekhe ya mahuyu ni i ḓodze* kha tshilonda, uri a kone u fhola.”+
22 Hiskia o vha o vhudzisa uri: “Ndi tshifhio tshiga tsha uri ndi ḓo gonya nḓuni ya Yehova?”+
Ṱhaluso dzi re magumoni a siaṱari
^ Kana “Dzudzanya.”
^ Thevhedz., “maḓuvha.”
^ Khamusi zwenezwi zwiṱepisi zwi shumiswa u vhalela tshifhinga, u fana na tshishumiswa tsha u sumbedza tshifhinga musi ḓuvha ḽo ṱavha.
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana khamusi, “ḽiovhelwa.”
^ Ndi maipfi a Mudzimu na mishumo yawe.
^ Kana “bvisa zwivhi zwanga zwoṱhe phanḓa hau.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “ni phuphe.”
