Yesaya 39:1-8
-
Vhaḓinḓa vha bvaho Babele (1-8)
39 Nga tshenetsho tshifhinga, khosi ya Babele Merodaka-baladani murwa wa Baladani, a rumela marifhi na tshifhiwa kha Hiskia,+ ngauri o zwi pfa uri o vha a tshi khou lwala, a fhola.+
2 Hiskia a vha ṱanganedza o takala,* a vha sumbedza nnḓu yawe ye a vha o vhulunga khayo lupfumo lwawe,+ siḽiva, musuku, mapfura a baḽisamu na maṅwe mapfura a mutengo muhulu, fhethu hawe he a vha a tshi vhulunga zwiṱhavhane na zwoṱhe zwine zwa wanala mbulungeloni dzawe. A hu na na tshithihi tshe Hiskia a si vha sumbedze nḓuni* yawe na kha muvhuso wawe woṱhe.
3 Muporofita Yesaya a ḓa kha Khosi Hiskia a vhudzisa a ri: “Vhaḽa vhanna vho ri mini, vha bva ngafhi?” Hiskia a ri: “Vha bva shangoni ḽa kule ngei Babele.”+
4 A dovha a vhudzisa a ri: “Vho vhona mini nḓuni* yau?” Hiskia a ri: “Vho vhona zwoṱhe zwi re nḓuni* yanga. A hu na tshe ndi si vha sumbedze kha mbulungelo dzanga.”
5 Yesaya a amba na Hiskia a ri: “Ipfa zwine Yehova wa mavhuthu a amba,
6 ‘Hu ḓo ḓa maḓuvha ane zwoṱhe zwi re nḓuni* yau na zwoṱhe zwe vhomakhulukuku wau vha zwi vhulunga u swika ṋamusi zwa ḓo iswa Babele. A hu na na tshithihi tshine tsha ḓo sala,’+ u ralo Yehova.+
7 ‘Vhaṅwe vha vharwa vhau vhane wa ḓo vha beba vha ḓo dzhiiwa, vha vha vhaḓinḓa pfamoni ya khosi ya Babele.’”+
8 Hiskia a amba na Yesaya a ri: “Mulaedza wa Yehova we wa u amba ndi wavhuḓi.” A dovha a ri: “Ngauri hu ḓo vha na mulalo na vhudziki* ndi tshi kha ḓi tshila.”*+
Ṱhaluso dzi re magumoni a siaṱari
^ Thevhedz., “a vha takalela.”
^ Kana “pfamoni.”
^ Kana “pfamoni.”
^ Kana “pfamoni.”
^ Kana “pfamoni.”
^ Kana “ngoho.”
^ Thevhedz., “maḓuvhani anga.”
