Yesaya 4:1-6
4 Nga ḽeneḽo ḓuvha vhafumakadzi vha sumbe vha ḓo fara munna muthihi,+ vha ri:
“Ri ḓo ḽa zwiḽiwa* zwashuRa ambara zwiambaro zwashu;Ri tendele ri vhidzwe nga dzina ḽau fhedziUri u fhedze u nyadziwa hashu.”*+
2 Nga ḽeneḽo ḓuvha zwine Yehova a ḓo ita uri zwi mele zwi ḓo vha zwavhuḓi vhukuma, Vhaisiraele vho ponyokaho vha ḓo takadzwa nga zwiaṋwiwa zwa shango.+
3 Ane a ḓo vha o sala Tsioni na Yerusalema u ḓo pfi mukhethwa, vhoṱhe vha re Yerusalema vha ḓo ṅwaliwa uri vha dzule hone.+
4 Musi Yehova a tshi ṱanzwa tshika* ya vhananyana vha Tsioni,+ u ḓo sinyutshela Yerusalema a u haṱula. Nga yeneyo nḓila u ḓo ṱanzwa malofha a re khawo,+
5 Kha Thavha yoṱhe ya Tsioni na fhethu hoṱhe hune ha farwa miṱangano, Yehova u ḓo takusa gole na vhutsi nga masiari na khavhu ya mulilo vhusiku;+ fhethu hoṱhe ha vhugala hu ḓo tsireledzea.
6 Hu ḓo vha na mushasha wa murunzi nga masiari musi ḽi tshi fhisa,+ ha vha vhushavhelo ha u dzumbama maḓumbu na mvula.+
Ṱhaluso dzi re magumoni a siaṱari
^ Thevhedz., “vhurotho.”
^ Ndi ṱhoni dza u sa vhingwa na u sa vha na vhana.
^ Thevhedz., “malaṱwa.”