Yesaya 41:1-29
41 “Fhumulani ni nthetshelese,* inwi zwiṱangadzime;Tshaka kha dzi dovhe dzi wane maanḓa.
Kha dzi sendele; dzi ambe.+
Kha ri ṱangane tsengoni.
2 Ndi nnyi o vusaho muthu a bvaho ngei vhubvaḓuvha,+O mu vhidzelaho milenzheni Yawe* nga u luga,U itela u mu kumedzela dzitshakaNa u mu ita uri a kunde mahosi?+
Ndi nnyi ane a a fhufhura sa buse nga banga ḽawe,A a phusukanya nga vhura hawe u fana na maṱanga o vhudzulwaho nga muya?
3 U a a pandamedza, a fhira a sa thithiswi nga tshithuNga nḓila dze milenzhe yawe ya vha i sa athu u dzi tshimbila.
4 Ndi nnyi o itaho zwenezwi,A vhidzaho mirafho u bva mathomoni?
Nṋe Yehova ndi wa u Thoma;+Na kha murafho wa u fhedzisela a thi nga shanduki.”+
5 Zwiṱangadzime zwo zwi vhona zwa tshuwa.
Magumo a ḽifhasi a thoma u tetemela.
Vha a kuvhangana.
6 Muṅwe na muṅwe u thusa khonani yaweU amba na wahawe a ri: “Khwaṱha.”
7 Mutsila u ṱuṱuwedza muthu ane a ita zwithu nga tsimbi;*+Ane a khou kanḓa tsimbi nga hamulaU khwaṱhisa ane a khou kanḓa tsimbi hune ya kanḓiwa hone.
U amba nga tshe a swolodela a ri: “Ndi tshavhuḓi.”
U tshi khokhomedza nga zwibigiri uri tshi si we.
8 “Fhedzi Iwe Isiraele, mushumeli wanga,+Iwe Yakobo we nda mu nanga,+Ṅwana* wa Abrahamu khonani yanga,+
9 Iwe we nda u dzhia magumoni a ḽifhasi,+Iwe we nda u vhidza u ngei zwipiḓani zwa kule vhukuma kha ḽifhasi.
Ndo u vhudza nda ri: ‘U mushumeli wanga;+Ndo u nanga; a tho ngo u laṱa.+
10 U songo ofha, ngauri ndi na iwe.+
U songo vhilaela, ngauri ndi Mudzimu wau.+
Ndi ḓo u khwaṱhisa, ndi ḓo u thusa,+Ndi ḓo u fara nga tshanḓa tshanga tsha u ḽa tsha u luga.’
11 Vhoṱhe vha u sinyutshelaho vha ḓo shoniswa na u nyadzwa.+
Vhane vha lwa na iwe vha ḓo fheliswa vha sala vhe si tshithu.+
12 U ḓo ṱoḓa vhathu vhane vha lwa na iwe, fhedzi u nga si vha wane;Vhathu vhane vha lwa na iwe vha ḓo lovha tshoṱhe, vha si tsha vha hone.+
13 Ngauri nṋe Yehova Mudzimu wau, ndi khou u fara nga tshanḓa tshau tsha u ḽa,Ndi ri, ‘U songo ofha. Ndi ḓo u thusa.’+
14 U songo ofha, iwe Yakobo ane wa nga tshivhungu,*+Inwi vhathu vha Isiraele, ndi ḓo ni thusa,” u ralo Yehova, Murengululi waṋu,+ Mukhethwa wa Isiraele.
15 “Ndo u ita tshiḽei tsha u fhula,+Tshishumiswa tshiswa tsha u fhula tsha maṋo a vhuhali.
U ḓo kandekanya dzithavha na u dzi phusukanyaZwikwara wa zwi ita vhunga mungu.
16 U ḓo vha fhefhera,Muya wa vha vhudzulela kule;Ḓumbu ḽa vha balanganya.
U ḓo takalela Yehova,+Wa zuwa nga Mukhethwa wa Isiraele.”+
17 “Muheḓana na mushai vha ṱoḓa maḓi, fhedzi a hu na.
Lulimi lwavho lwo omelwa nga ḓora.+
Nṋe Yehova ndi ḓo vha fhindula.+
Nṋe Mudzimu wa Isiraele a thi nga vha laṱi.+
18 Ndi ḓo ita uri milambo i elele zwikwarani+Na zwisima magovhani.+
Ndi ḓo shandula soga ḽa vha tivha ḽi re na ṱhangaShango ḽa vha na zwisima.+
19 Sogani ndi ḓo ṱavha muri wa muṱaululo,Muunga, muṱhala na mupaini.+
Mudavhini wa soga ndi ḓo ṱavha muri wa mudzhunipa,Khathihi na mutondo na muṱongola,+
20 Uri vhathu vhoṱhe vha zwi vhone na u zwi ḓivhaVha ṱhogomele na u pfesesaUri zwenezwi zwo itwa nga tshanḓa tsha Yehova,Na uri zwo itwa nga Mukhethwa wa Isiraele.”+
21 “Ḓisani mafhungo aṋu,” u ralo Yehova.
“Ḓisani vhuṱanzi,” i ralo Khosi ya Yakobo.
22 “Ḓisani vhuṱanzi ni ri vhudze zwithu zwine zwa ḓo itea.
Ri vhudzeni nga ha zwithu zwa kale,*Uri ri kone u elekanya nga hazwo na u ḓivha mvelelo dzazwo.
Kana ni ri vhudze zwithu zwine zwa khou ḓa.+
23 Ri vhudzeni zwine zwa ḓo itea tshifhingani tshi ḓaho,Uri ri kone u ḓivha zwa uri ni midzimu.+
Itani zwiṅwe zwithu zwavhuḓi kana zwi si zwavhuḓi,Uri ri mangale musi ri tshi zwi vhona.+
24 A ni tshithu,Zwe na khunyeledza a si tshithu.+
Ane a nanga inwi u a nengisa.+
25 Ndo vusa muthu a bvaho devhula, u ḓo ḓa,+Ane a bva vhubvaḓuvha+ u ḓo vhidzelela dzina ḽanga.
U ḓo kandekanya vhavhusi sa vumba,+U fana na muvhumbi a tshi suka vumba.
26 Ndi nnyi we a amba nga ha zwenezwi u bva mathomoni uri ri zwi ḓivhe,Kana zwifhingani zwa kale, uri ri ri: ‘O amba zwone’?+
Ngangoho, a hu na o zwi ḓivhadzaho!
A hu na o zwi ambaho!
A hu na we a pfa ni tshi amba tshithu!”+
27 Ndi nṋe ndo thomaho u vhudza Tsioni nda ri: “Vhonani! Khezwiḽa!”+
Yerusalema ndi ḓo rumela muhuweleli wa mafhungo maḓifha.+
28 Fhedzi ndo dzula ndo lavhelesa, ho vha hu si na muthu;Khavho hu si na ane a nga eletshedza.
Ndo dzula ndi tshi vha humbela uri vha fhindule.
29 Vhoṱhe a vha tshithu.
Mishumo yavho ndi ya fhedzi.
Zwifanyiso zwavho zwa tsimbi ndi muya na mahandana.+
Ṱhaluso dzi re magumoni a siaṱari
^ Kana “Fhumulani phanḓa hanga.”
^ Zwi amba u Mu shumela.
^ Kana “mufuli wa tsimbi.”
^ Thevhedz., “Mbeu.”
^ Zwine zwa amba u sa tsireledzea na u vha wa fhasi.
^ Thevhedz., “u thoma.”
