Yesaya 44:1-28
44 “Thetshelesa, Iwe Yakobo mushumeli wanga,Iwe Isiraele we nda u nanga.+
2 Zwe Yehova a zwi amba,Musiki wau We a u vhumba,+We a u thusa u bva tshee wa bebwa, ndi hezwi:
‘U songo ofha, iwe Yakobo mushumeli wanga,+Iwe Yeshuruni*+ we nda u nanga.
3 Ngauri a re na ḓora* ndi ḓo mu shululela maḓi+Fhethu ho omaho ha elela milambwana.
Ndi ḓo shululela muya wanga kha vhana* vhau+Phaṱhutshedzo dzanga kha vhaḓuhulu vhau.
4 Vha ḓo mela sa hatsi vhudala,+Sa miri ya mipopula tsini na milambwana.
5 Muṅwe u ḓo ri: “Nṋe ndi wa Yehova.”+
Muṅwe u ḓo ḓivhidza nga dzina ḽa Yakobo,Muṅwe u ḓo ḓiṅwala kha tshanḓa uri: “Ndi wa Yehova.”
A ḓivhidza nga dzina ḽa Isiraele.’
6 Zwe Yehova a amba,Khosi ya Isiraele+ na Murengululi wawe,+ Yehova wa mavhuthu, ndi hezwi:
‘Ndi nṋe wa u thoma na wa u fhedzisela.+
Ndi nṋe Mudzimu ndi ndoṱhe.+
7 Ndi nnyi a fanaho na nṋe?+
Kha vhidzelele a ambe a ntsumbedze zwone!+
U bva tshee nda sika vhathu vha kale,Kha vha ambe zwine zwa ḓo ḓaNa zwine zwa ḓo itea.
8 Ni songo ofha,Ni songo tshuwa.+
Naa a tho ngo ni vhudza na u ni ḓivhadza zwi sa athu u itea?
Ni ṱhanzi dzanga.+
Naa hu na muṅwe Mudzimu nga nnḓa ha nṋe?
Hai, a hu na ḽiṅwe Tombo;+ a hu na ḽiṅwe ḽine nda ḽi ḓivha.’”
9 Vhoṱhe vhane vha ita zwifanyiso a vha tshithu,Na zwithu zwine vha zwi funa a zwi nga vha vhuyedzi.+
Sa ṱhanzi, a zwi* vhoni na u ḓivha tshithu,+Vhe vha zwi ita vha ḓo shoniswa.+
10 Ndi nnyi ane a nga ita mudzimu kana u ita tshifanyiso nga tsimbi yo ṋokiswahoTshine tsha si vhuyedze?+
11 Vhoṱhe vhane vha konana nae vha ḓo shoniswa!+
Vhanna vha re na vhutsila ndi vhathu zwavho.
Kha vha kuvhangane vha ime vho khwaṱha.
Vha ḓo ofha na u shoniswa vhoṱhe.
12 Muthu ane a ita zwithu nga tsimbi* u ita tsimbi nga maxale* a tshi shumisa tshishumiswa tshawe.
U i kanḓa nga hamula,A tshi ita nga maanḓa a tshanḓa tshawe.+
U farwa nga nḓala, nungo dzawe dza fhela;Ha nwi maḓi, u a neta.
13 Muvhaḓi wa thanda u ela nga luṱale,A ola tshifanyiso nga tshoko.
U shumisa tshezela na tshishumiswa tsha u swaya.
A ita tshenetsho tshifanyiso tsha nga muthu,+Tsha naka u nga muthu, uri a tshi vhee nḓuni.+
14 Hu na ane a shuma u rema miṱaululo.
U nanga mufuda wa muri, muouku,U u litsha wa hula wa fhira miri yoṱhe ya ḓaka.+
U ṱavha muri wa muḽoreḽe, mvula ya ita uri u hule.
15 U vha khuni dzine muthu a vhasa ngadzo mulilo.
A dzhia tshipiḓa tshawo a tshi ora;A vhasa mulilo ngawo na u baka vhurotho.
A dovha a ita mudzimu ngawo, a u gwadamela.
A ita tshifanyiso tsho vhaḓwaho, a tshi gwadamela.+
16 Tshipiḓa tshawo u vhasa ngatsho mulilo;Nga tshenetsho tshipiḓa, u gotsha ṋama a ḽa a fura.
A dovha a tshi ora, a ri:
“Khezwo! Mulilo hoyu ndi wavhuḓi, u a ndudedza.”
17 Fhedzi tshipiḓa tsho salaho a ita ngatsho mudzimu, a ita tshifanyiso tsho vhaḓwaho.
A tshi gwadamela a tshi losha.
A tshi rabela a ri:
“Ntshidze ngauri u mudzimu wanga.”+
18 A zwi ḓivhi na u ṱalukanya tshithu,+Ngauri maṱo azwo o valea ha vhoni,Mbilu yazwo a i ṱalukanyi.
19 A hu na ane a elekanya mbiluni yaweKana u vha na nḓivho kana ṱhalukanyo a ri:
“Tshiṅwe tshipiḓa ndo tshi vhasa muliloni,Nda baka vhurotho kha maxale* awo, nda gotsha na ṋama nda ḽa.
Naa zwino ndi fanela u ita tshithu tshi nengisaho nga tshipiḓa tsho salaho?+
Naa ndi fanela u gwadamela danda* ḽa muri?”
20 U ḽa miḽora.
Mbilu yawe yo fhurwaho i a mu xedza.
A nga si kone u ḓitshidza kana u amba uri:
“Naa a si mazwifhi a re tshanḓani tshanga tsha u ḽa?”
21 “Humbula hezwi zwithu, Iwe Yakobo, Iwe Isiraele,Ngauri u mushumeli wanga.
Ndo u vhumba, u mushumeli wanga.+
Iwe Isiraele, a thi nga u hangwi.+
22 Ndi ḓo phumula vhutshinyi hau ha tou nga ho fukedzwa nga gole.+
Zwivhi zwau zwa tou nga zwo fukedzwa nga gole ḽitswu.
Vhuyelela ha nṋe, ngauri ndi ḓo u rengulula.+
23 Fhululedzani inwi ḽiṱaḓulu,Ngauri Yehova o dzhia vhukando!
Pembela iwe ḽifhasi!
Huwelelani nga dakalo inwi thavha,+Inwi maḓaka na miri yaṋu yoṱhe!
Ngauri Yehova o rengulula Yakobo,A sumbedza lunako lwawe kha Isiraele.”+
24 Zwe Yehova a zwi amba, Murengululi wau,+We a u vhumba u bva u tshee mbumbeloni, ndi hezwi:
“Ndi nṋe Yehova, we a ita tshiṅwe na tshiṅwe.
Ndo ṱharamudza ḽiṱaḓulu ndi ndoṱhe,+Nda adza ḽifhasi.+
Ndi nnyi we a vha e na nṋe?
25 Ndi ḓo piringanya zwiga zwa vhane vha amba maloto,*Ndi nṋe Ane nda ita uri mingome i nge matsilu;+Ndi nṋe Ane nda ḓaḓisa vhanna vha vhuṱaliNda ita uri nḓivho yavho i vhe vhutsilu;+
26 Ndi nṋe Ane nda ita uri zwe mushumeli wawe a amba zwi iteeAne a ita zwoṱhe zwe vhaḓinḓa vhawe vha dzula vho zwi amba;+Ndi nṋe Ane nda amba nga ha Yerusalema nda ri, ‘U ḓo dzulwa nga vhathu,’+Ane nda amba nga ha miḓi ya Yuda nda ri, ‘I ḓo fhaṱululwa,+Ndi ḓo vusulusa mashubi awo’;+
27 Ane nda amba na mativha nda ri, ‘Ixa,Ndi ḓo xisa milambo yaṋu yoṱhe’;+
28 Ndi nṋe Ane nda amba nga ha Korese+ nda ri, ‘Ndi mulisa wanga,U ḓo ita zwoṱhe zwine nda zwi funa’;+Ndi nṋe Ane nda amba nga ha Yerusalema nda ri, ‘U ḓo fhaṱululwa,’Na u amba nga ha thembele nda ri, ‘Mutheo wau u ḓo adziwa.’”+
Ṱhaluso dzi re magumoni a siaṱari
^ Zwine zwa amba uri “Muvhuya,” dzina ḽa u huliswa ḽa Isiraele.
^ Kana “Ngauri shango ḽi re na ḓora.”
^ Thevhedz., “mbeu.”
^ Zwi khou ambela kha zwifanyiso.
^ Kana “masimbe.”
^ Kana “Mufuli wa tsimbi.”
^ Kana “masimbe.”
^ Kana “luhuni.”
^ Kana “zwa vhaporofita vha mazwifhi.”
