Yesaya 51:1-23
51 “Nthetsheleseni, inwi vhane na ṱoḓa zwivhuya,Inwi vhane na ṱoḓa Yehova.
Lavhelesani tombo ḽe na bva khaḽoNa mugodi we na bwiwa khawo.
2 Lavhelesani Abrahamu khotsi aṋuNa Sara+ we a ni beba.
Ngauri o vha e eṱhe musi ndi tshi mu vhidza,+Nda mu fhaṱutshedza nda mu andisa.+
3 Ngauri Yehova u ḓo khuthadza Tsioni.+
U ḓo khuthadza mashubi awo oṱhe,+A ita uri masoga awo a nge Edeni+Na midavhi yawo ya sogani i nge tsimu ya Yehova.+
Ngomu hawo hu ḓo vha na u pembela na u takala,Ha vha na ndivhuwo na nyimbo.+
4 Inwi vhathu vhanga, nthetsheleseni,Inwi lushaka lwanga, nṋeeni nḓevhe.+
Ngauri mulayo u ḓo bva kha nṋe,+Ndi ḓo ita uri khaṱhulo yanga yo teaho i vhe tshedza tsha vhathu.+
5 Zwivhuya zwanga zwi tsini.+
Ndi ḓo ḓa nda ni tshidza,+Zwanḓa zwanga zwi ḓo haṱula dzitshaka.+
Zwiṱangadzime zwi ḓo vha na fhulufhelo kha nṋe,+Zwi ḓo lindela tshanḓa* tshanga.
6 Lavhelesani ḽiṱaḓulu,Ni lavhelese ḽifhasi.
Ngauri ḽiṱaḓulu ḽi ḓo ngala-ngala sa vhutsi;Ḽifhasi ḽi ḓo ṱahala sa tshiambaro,Vhadzulapo vhaḽo vha ḓo fa sa vhunyunyu.
Fhedzi u tshidza hanga hu ḓo vha ha lini na lini,+Zwivhuya zwanga a zwi nga fheli.*+
7 Nthetsheleseni inwi vhane na ḓivha zwivhuya,Vhathu vha re na mulayo* wanga mbiluni dzavho.+
Ni songo ofha zwigoḓo zwa vhathu,Ni songo ofha u semiwa ngavho.
8 Ngauri vha ḓo ḽiwa nga tshikhokhonono vhunga tshi tshi ḽa tshiambaro;Tshikhokhonono* tshi ḓo vha ḽa vhunga tshi tshi ḽa wuḽu.+
Fhedzi zwivhuya zwanga zwi ḓo dzula zwi hone lini na lini,Ndi ḓo tshidza mirafho yoṱhe.”+
9 Vuwa! Vuwa! U ambare nungo,Iwe tshanḓa tsha Yehova!+
Vuwa sa maḓuvhani a kale, u fana na mirafhoni yo fhiraho.
Naa a si iwe we wa tumukanya Rahaba*+ a vha zwipiḓa,A si iwe we wa ṱhavha ḽivhanda ḽa lwanzheni?+
10 Naa a si iwe we wa xisa lwanzhe, maḓi a tivha ḽihulu?+
Naa a si iwe we wa ita uri mativhani a lwanzhe hu vhe na nḓila uri hu pfuke vhe wa vha rengulula?+
11 Vhe vha rengululwa nga Yehova vha ḓo vhuya.+
Vha ḓo vhuya Tsioni vha tshi khou fhululedza,+Dakalo ḽi sa fheli ḽi ḓo vha khare yavho.*+
U pembela na dakalo zwi ḓo vha zwavho,U ṱungufhala na u gomela a zwi tsha ḓo vha hone.+
12 “Ndi nṋe Ane a khou ni khuthadza.+
Ndi ngani ni tshi fanela u ofha muthu ane a ḓo fa+Na murwa muthu ane a ḓo oma vhunga hatsi?
13 Ndi ngani ni tshi hangwa Yehova Musiki waṋu,+We a ṱharamudza ḽiṱaḓulu+ na u adza mutheo wa ḽifhasi?
Ḓuvha ḽoṱhe no vha ni tshi dzulela u ofha mbiti dza mutsikeledzi,Zwa tou nga o vha a tshi nga kona u ni fhelisa.
Zwino dzi ngafhi mbiti dza mutsikeledzi?
14 O vhofhiwaho nga dzingeḓane u ḓo vhofhololwa hu si kale;+Ha nga ḓo fa, ha nga ḓo ya dindini,Kana u shaya zwiḽiwa.*
15 Fhedzi ndi nṋe Yehova Mudzimu waṋu,Ane a dzikusa lwanzhe, a ita uri magabelo alwo a halifhe+Dzina ḽanga ndi Yehova wa mavhuthu.+
16 Ndi dzhenisa maipfi anga mulomoni waṋu,Ndi ḓo ni khudisa murunzini wa tshanḓa tshanga,+Uri ndi tike ḽiṱaḓulu na u adza mutheo wa ḽifhasi+Na u vhudza Tsioni uri, ‘Ni vhathu vhanga.’+
17 Vuwa! Vuwa! Takuwa, Iwe Yerusalema,+Iwe we wa nwa tshinwelo tsha mbiti tshi bvaho tshanḓani tsha Yehova.
Wo nwa tshinwelo;Wo khobisa tshinwelo zwa ita uri u pepeleke.+
18 Kha vharwa vhoṱhe vhe a vha beba a hu na na muthihi ane a mu livhisa,Kha vharwa vhoṱhe vhe a vha alusa a hu na na muthihi ane a mu fara nga tshanḓa.
19 Zwenezwi zwithu zwivhili zwo u wela.
U fheliswa na u thuthwa, nḓala na banga!+
Ndi nnyi ane a ḓo u pfela vhuṱungu?
Ndi nnyi ane a ḓo u khuthadza?+
20 Vharwa vhaṋu vho ṋoka.+
Vha lala fhasi thungo dzoṱhe dza nḓilaSa nngu ya thavha yo fashiwa nga mambule.
Vho ḓala mbiti dza Yehova, vho kaidzwa nga Mudzimu waṋu.”
21 Zwino ndi khou humbela uri u thetshelese hezwi,Iwe mufumakadzi ane a tambula na o kambiwaho, naho u songo kambiwa nga waini.
22 Zwe Yehova Murena waṋu, Mudzimu waṋu ane a lwela vhathu vhawe a zwi amba ndi hezwi:
“Ndi ḓo ni dzhiela tshinwelo tshanḓani tshaṋu tshine tsha ita uri ni pepeleke,+Tshinwelo tshanga tsha mbiti;Ni nga si tsha dovha na tshi nwa.+
23 Ndi ḓo tshi ṋekedza zwanḓani zwa vhane vha ni tovhola,+Vhe vha amba na inwi vha ri: ‘Shuvhamani uri ri tshimbile nṱha haṋu!’
Na ita uri muṱana waṋu u nge mavu,U nge nḓila ine vha tshimbila khayo.”
Ṱhaluso dzi re magumoni a siaṱari
^ Kana “maanḓa.”
^ Kana “tshinyali.”
^ Kana “ndayo.”
^ Kana khamusi, “Mbungu.”
^ Sedzani Mutevhe Wa Ṱhalutshedzo Ya Maipfi.
^ Thevhedz., “ḽi ḓo vha kha ṱhoho dzavho.”
^ Thevhedz., “vhurotho.”
