Yesaya 52:1-15
52 Vuwa! Vuwa! Ambara nungo,+ Iwe Tsioni!+
Ambara zwiambaro zwau zwa u naka,+ Iwe Yerusalema muḓi mukhethwa!
Ngauri kha iwe a hu tsha ḓo dzhena a songo fumbaho na wa tshika.+
2 Fhufhura buse, vuwa u dzule, Iwe Yerusalema.
Vhofholola ngeḓane* dzi re mukuloni wau, Iwe ṅwananyana wa Tsioni o thubiwaho.+
3 Yehova u ri:
“Wo rengiswa nga fhedzi,+A u nga rengululwi nga tshelede.”+
4 Ngauri Yehova Murena Muvhusahoṱhe u ri:
“Mathomoni vhathu vhanga vho tsela Egipita uri vha vhe vhatsinda;+Nga murahu Vhaasuri vha vha tsikeledza vha si na tshiitisi.”
5 “Zwino ndi ite mini?” u ralo Yehova.
“Ngauri vhathu vhanga vho dzhiiwa nga fhedzi.
Vhane vha vha vhusa vha zuwa ngazwo,”+ u ralo Yehova,“Dzina ḽanga ḽi dzulela u nyadziwa ḓuvha ḽoṱhe.+
6 Nga tshenetsho tshiitisi vhathu vhanga vha ḓo ḓivha dzina ḽanga;+Nga tshenetsho tshiitisi vha ḓo zwi ḓivha nga ḽeneḽo ḓuvha uri ndi nṋe Ane a khou amba.
Ndi nṋe!”
7 Ndi yavhuḓi lungafhani milenzhe ya a re thavhani, ya ane a ḓisa mafhungo maḓifha,+Ane a huwelela nga ha mulalo,+Ane a ḓisa mafhungo maḓifha a zwithu zwa khwine,Ane a huwelela nga ha u tshidzwa,Ane a amba na Tsioni a ri: “Mudzimu wau ndi Khosi!”+
8 Thetshelesa! Vhalindi vhau vha khou huwelela.
Vha khou fhululedza khathihi,Ngauri vha ḓo zwi vhona zwavhuḓi musi Yehova a tshi vhuisa Tsioni.
9 Takalani, ni fhululedze khathihi, inwi mashubi a Yerusalema,+Ngauri Yehova o khuthadza vhathu vhawe;+ o rengulula Yerusalema.+
10 Yehova o sumbedza tshaka dzoṱhe tshanḓa tshawe tshikhethwa;+Magumo oṱhe a ḽifhasi a ḓo vhona u tshidza* ha Mudzimu washu.+
11 Zwi furaleleni, zwi furaleleni, ibvani henefho,+ ni songo fara tshithu tshi re na tshika!+
Ibvani vhukati hawo,+ itani uri ni dzule no kuna,Inwi vho hwalaho thundu dza Yehova.+
12 Ngauri ni nga si bve no tshuwa,Ni nga si ṱuwe nga u tou shavha,Ngauri Yehova u ḓo ni ranga phanḓa,+Mudzimu wa Isiraele u ḓo ni linda e murahu haṋu.+
13 Mushumeli wanga+ u ḓo ita zwithu nga vhuṱali.
U ḓo huliswa,U ḓo vhewa vhuimoni ha nṱha, a huliswa vhukuma.+
14 Ho vha hu na vhathu vhanzhi vho lavhelesaho vho mangala,Ngauri tshifhaṱuwo tshawe tsho vha tsho kombama u fhira tsha vhathu vhoṱheNa tshivhumbeo tshawe tshavhuḓi tsho vha tsho tshinyiwa u fhira tsha vhathu vhoṱhe
15 U ḓo mangadza tshaka nnzhi.+
Mahosi a ḓo vala milomo* phanḓa hawe,+Ngauri a ḓo vhona zwe a si vhudzweNa u ṱhogomela zwe a si zwi pfe.+
